CLICK HERE FOR THOUSANDS OF FREE BLOGGER TEMPLATES »

Friday 21 March 2008

هذه القنوات هى الاخطر

فى عز مانا متأثر بكليب الضمير العربى فى احدى القنوات الفضائية وتكاد عينى ان تذرف دما
مما اشاهده على التلفاز ومايحدث فى عالمنا العربى والاسلامى واذ افاجأ بمشهد فى قمة الخلاعة
ووموسيقى فى قمة الوضاعة من ترقص وتقول الاومب لأ الاومب لأ
وافاجأ ان ابنة اختى التى تبلغ من عمرها الثلاث سنوات تمسك الريموت كنترول بيديها
و
ترقص على انغام هذه الموسيقى الخليعة
اقترب منها محاولا اخذ الريموت فتضع اصبعها على فمها وتقل لى
هسسسسسسسسسسسسس
اقلها يابت عيب انا خالك فى حد يقول لخاله هسسسس
وتضع اصبعها مرة اخرى على فمها وتقل لى هسسسسسسسس
ااخذ منها الريموت عنوة فتبكى وتصرخ
فاقترب منها واعطيها الريموت
ارقصى يابابا
بلا وكسة
هى الاغانى اللى هتحررنا من الاستعباد
هى جت عليكى انتى اللى بترقصى
ده احنا من كبيرنا لصغيرنا بيرقص
مدحت اللى كان متأثر من شوية بكليب الضمير العربى
قام اتفرج على فيلم لسة جديد فى السينما وقعد يضحك ضحك
عارفين ليه
ممكن يكون يأس
يمكن يكون التلفزيون علمنا التناقض القناة اللى بتعرض الضمير العربى
هى هى القناة اللى بتعرض الاومب لأ الاومب لأ
القنوات دى صنعت الهزيمة النفسية
وصنعت اللامبالاة
ارجو ان ننتبه لتلك القنوات التى هى ابشع
واخطر من اسرائيل وامريكا
والدانمارك
فمثل هذه الدول توحدنا
ومثل هذه القنوات
تهزمنا نفسيا

42 comments:

حمادة زيدان said...

مبروووووووووك يا مدحت عالمدونة الجديدة ويارب اكون اول كومينت فيها
أما عن الموضوع والله الواحد قرف من كل القنوات دى لأنها صنعت نجوم تعبانه نص كم وناس ملهاش لزمة وحسبي الله ونعم الوكيل فيهم

Abd-Alrahman said...

الف مبروك يا برنس علي المدونة الجديدة
يارب تكون محمية ومتضيعش زي التانية


البوست جميل
انا كمان علي فكرة الفيديو اثر فيا بطريقة صعبة اوي

علي العموم ربنا معانا

عبدالرحمن

إخوانى حتى النخاع said...

السلام عليكم


والله يا مدحت هوا دا هدف الغرب

عاوزين يضيعوا القيم والأخلاق .... عاوزين اللمبى والكلام دا هوا الى يشغل بالنا

والمشكلة الى إحنا بنساعدهم


أخوك إخوانى حتى النخاع
http://ikhwangeeee.blogspot.com

جيلان said...

بسم الله
موضوووووووع راااائع وهادف وهو فعلا دة الى عاوزينو الغرب الحرب دلوقتى مبقتش حرب بالاسلحه لا دى حرب فكريه وعولمه بنستغلها غلط فى غلط بناخد تقاليع الغرب الغلط وبنسيب الصح الى هو اساسا موجود فى الدين بتعنا
واما الغرب معرفوش يهزمونا بالاسلحه وضعو لينا بذرة نتيجتها الى احنا بنشوفو النهردة يلا حسبى الله ونعم الوكيل اما بقه عن التلفزيون
انا اعن نفسى مش بحب التلفزيون ومش بحب اتفرج عليه وارى انه ابتلاء مع ان فى قنوات حلوة وهادفه بس صدقنى الانسان بيروح الى كدة يعنى
يلا ربنا يحفظنا جميعا وبعدين سيب البت ترقص علشان مش تطلع فاشله فى الرقص هههههههه اهو تنفع فى حاجه
يلا بوست رائع وموضوع جميل لكن كنت طول شويه
تقبل تحياااااااااااتى
جيلان

أنا حر said...

عزيزي مدحت
مبروك على المدونة ان شاء الله يكون وشها حلو عليك
اما بخصوص الموضوع انا بتفق معاك في كلامك بس ما تستغربش دي سياسة العالم العربي كله دلوقتي التناقض في كل شيء حتى في الوطنية من الضمير العربي للرقص الشرقي
علشان تبقى القومية على واحدة ونص
مبروك مرة تانية
تحياتي

only spot said...

mللاسف احنا مبقاش عندنا غير القدره على نقد انفسنا فى ظل مجتمع مفتقد لفلسفه واحده
كله بيرقص مع الموجه
تحياتى

عاشــــــ النقاب ـقــــة"نونو" said...

خلاص اصلا الجتت نحست عادي جدا المذيع يبقى بيقول خبر عن انفجار وتقطيع بني ادمين وعلى وشه ابتسامة بطول الشاشة يعني عادي جدا

مبروك المدونة الجديدة وربنا يجعلها حجة لك لا عليك
تعليقك في مدونتي اسعدني
بارك الله فيك

منى said...

مبروك المدوته الجديده
اسمها مميز
واول موضوع متميز
بس المدونه دى جت فى وقتها هبقى اقولك ليه بعدين
سلام

مدحت محمد said...

اول كومنت ياحمادة
وانا اللى سعيد الصراحة
اه فعلا القنوات دى ليها مساوىء لا حصر لها
تحياتى

مدحت محمد said...

عبد الرحمن
كلنا الكليب اثر فينا
بس المشكلة اننا بعد لما بنتاثر بالكليب
نلاقى نفس القناة تجيب حاجة
اباحية لاتتناسب مع اللى بيحصل
فى مجتمخنا
فبيحصل تمييع للقضية
وده اخطر شىء
تحياتى

مدحت محمد said...

اخوانجى
عايزين يضيعو القيم والاخلاق
والانتماء والاحساس
بحب الوطن كمان
تحياتى

مدحت محمد said...

جيلان
الله عز وجل
قال
القتنة اكبر من القتل
صدق الله العظيم
يعنى الفتنة سلاح اقوى كتير من القتل
واللى بيحصل فى القنوات دى هى الفتنة بعينها
تحياتى

مدحت محمد said...

انا حر
القومية على واحدة ونص
يعنى مفيش قومية
وهو ده فعلا
اللى بيعملوه
سواء بقصد
او بدون قصد
تحياتى

مدحت محمد said...

شيكو
والله كويس اننا ننقد انفسنا
ده شىء جميل لكن نرقص مع الموجة والموضة
يبقى كدة احنا مش ببنقد
احنا كدة بنرقص وده انا ارفضه

مدحت محمد said...

عاشقة النقاب
ماهو القنوات حضرتك
اللى بالشكل ده
بتقتل جوانا احساس
بالغيرة والحب لاارضنا وعروبتنا واسلامنا
ولو ده حصل
يبقى مصر عمرها ماهتنفع تبقى قائد
للدول العربية والاسلامية لاننا مات فينا الاحساس
تحياتى

مدحت محمد said...

منى
الله يبارك فيكى يارب
جت فى وقتها ازاى
ماشى لما نشوف بعدين دى امتى
تحياتى

walaa said...

هذا اعلام هادم وليس بناء عايزين يهدموا الجيييل اللى طالع علشان محدش يوقف فى وشهم بمساعدة منييين ولاد البلد
فحسبنا الله ونعم الوكيييل الناس دى عايزه وقفه
تحياتى ولاء

دينا حامد said...

والله معاك حق في كل كلامك
والطريف اصلا ان قناه زووم اللي بتعرض الاوبريت
من اكتر القنوات الخليعه كفايه بس اعلاناتها
والله الناس دول واللي زيهم هما السبب في القرف اللي شباب فيه دلوقتي
وهما سبب حاجات وحشه كتير جدا حصلت وبتحصل وهتحصل طول ماهي موجوده
تحياتي

بحبك يامصر said...

مدحت انت قلت مشكله فعلا مهمه ان القناه اللى بتعرض حاجه المفروض تعلمنا قيمه معينه هى نفسها اللى بتعرض الخلاعه والحاجات اللى بنرفضها وبكده تتهوه القيم والمبادئ
بوست جميل

"النجم القادم" said...

السلام عليكم

حبيب قلبى تشرفت بزيترة مدونتك
بس بجد الاعلام ده نعمة ونقمة

اظنك عارف الفرق

تحياتى ليك والضمير العربى جامده عجبتنى

Rania Lelah said...

اخى العزيز
لا عيب فى ان هذه الفتاه قد قامت بالرقص على انغام هذه الاغنية
فنحن نعرف ان هناك حكاما قد رقصوا و شاركوا فى القضاء على اخوان لهم و تمتعوا برؤيو دمائهم الطاهرة على ارض شريفة
تقبل مرورى
مبروك على المدونه

مدحت محمد said...

برافو ولاء
دى فعلا عايزة وقفة
ولازم نعرف فين مشاكلنا
ومين بيصنعها
عشان نقدر نوقفها ونحاربها
تحياتى ليكى

مدحت محمد said...

دينا حامد
تمام
علمتنا التناقض
وان شاء الله
منستسلمش ليها
وياريت يكون فى وقفة
زى ماقالت ولاء
تحياتى

مدحت محمد said...

بحبك يامصر تمام
وده الىل انا كنت عاوز اقوله
انها بتهدم قيم فينا
من غير مانحس
لانها بتخلط
السكر بالتراب وده اخطر حاجة
لاننا بعد كدة مش هنعرف نفرق بينهم
تحياتى ليك

مدحت محمد said...

النجم القادم
هو جميل الضمير العربى
لكن مش هيجيب اثره فى ظل وجود هذه القنوات
تحياتى

مدحت محمد said...

رانيا
هذه ليست فتاة
انها طفلة يهدم فيها
قيم ومعانى
ويبنى فيها التناقض واللامبالة دون ان نشعر
تحياتى ليكى

Empress appy said...

انت اتخبط فى الاختراع ده معلش معلش انا والله بخاف على ابن اختى من الحاجات دى جدا
ابقى اطفيه وكبر دماغك ربنا يستر من اعلامنا اللى بقى مخلينا مغيبين عن العقلوهو ده اللى عاوزينه

mnoon said...

العيب مش فى القنوات
العيب فى اللى لسه بيسمعها
على طول الزمن فيه الحلو والوحش
وإحنا اللى بنختار إحنا عايزين إيه
وساعات الحاجه بتكون سلاح ذو حدين
وهى دى المشكله بالنسبه للناس
اللى مش عندها تحكم فى أفكارها
أما للناس الصح
فهتأخد منها المفيد وهتسيب الهلس
وأعتقد إنك من الناس الصح

مجداوية said...

bكويس جدا تكون اول زيارة الاقى مدونة لسه بشوكها وجديدة لانج وافتتحاية جميلة بس حضرتك غلطان بنت اختك ملهاش ذنب الطفل بيحاكى ما حوله يبقى مين الغلطااااااان ؟؟ صح الكبار يعنى لو ملقتش قناة الاغانى دى وكانت متشفرة مش حترقص وكما افراحنا وافتتاح المحلات حتى محلات عصير القب بتجيب دى جى ولازم تسمع غصب عنك هى محاطة بالاغانى والرقص وحترقص يعنى حترقص ولازم ترقص ,,عليك وعلى اخت حضرتك وقولها تحاول تشفر قنوات الاغانى و ولما ان شاء الله تكبر شوية وتبطل زن وعياط على كل حاجة من غير ما تفهم ليه تبتدى تفهمها ان ده حرام ودايما خليها تشغل قرآن بصوت مقرىء جميل أكيد حيعمل فرق ,, ومتقولش مفيش فايدة ان شاء الله فيه فايدة ,,واشكرك على زيارة مدونتى وأتمنى أن تدوم الزيارات
ويا ريت تلغى تأكيد الكلمة

مدحت محمد said...

ابى
وده المفروض اننا نخاف على اطفالنا
بجد لانى فى بعض القنوات بتدمر عقول
وبتربى فكر غريب
عليهم
تحياتى ليكى

مدحت محمد said...

مانون
معاكى طبعا
للاسف
الاطفال ميعرفوش الصح من الغلط
والخوف عليهم فعلا
تحياتى ليكى

مدحت محمد said...

مجداوية
هو فى حد بيشفر دلوقتى كمان الاطفال بقو ناصحين عنا
اساسا
ده بيجيبو قنوات احنا مسمعناش عنها
عشان كدة فعلا القنوات دى خطر جدا
تحياتى ليكى

رئيس جمهوريه نفسى said...

سيبك انت الصوره بتاعت الى داعيه عليه والدته مالهاش حل وبيب بيب اهلى
للاسف الشديد احنا كلنا كده اعلامنا تحت شعار ادينى فى الهيافه احبك يا فننس ونادرا ما تلاقى قناه جاده ولو بصيت على القنوات الجاده فى اى مجموعه قنوات بتلاقيه فوق البيعه تلاقى خد واحده افلام وواحده كليبات والثالثه اخباريه هديه
يا سيدى الجيل الطالع كله كده ابن اخويا مش بيحب غير يسمع نانسى علشان ينام

موناليزا said...

تعرف انا لو مكانك كنت شغلتها باى حاجة تانية حتى لو هجيبلها قناة كارتون لكن مستسلمش واقول هى هتيجى عليها
يا استاذ مدحت الامل فى اللى لسه صاحيين مش اللى خلاص راحت عليهم نومة

مدحت محمد said...

رئيس جمهورية نفسى
انت اهلاوى برضه ياحودة
فرحتنى والله
ايوة للاسف ده الواقع
ولو انت جبت قناة اخبار تتفرج عليها
تلاقيهم فى البيت يقلولك
هى ناقصة نكد وعكننة دماغ
هات اى حاجة تانية
ده اللى بيحصل والله
على فكرة
ابن اخوك ده
شكل مزاجه عالى اوى
ههههههههه
تحياتى ليك ياحودة

مدحت محمد said...

monaliza
مش استسلام والله
بالعكس اناخايف عليها
وعلى كل جيلها يطلع جيل تافه
ومعندوش قضية
وبعدين اديكى شفتى لما خت الريموت
مش اجبار
صدقينى
تحياتى ليكى

فتوح أبو المفاتيح said...

السادس من ابريل انتفاضة الشعب المصري
الناس دي كلها معانا
على مدونة عصياااان
http://3syan.blogspot.com/

أحلام عمرنا said...

والنبي يا مدحت سلملي على زوزة وقلها عمك كريم بيشكرك أوي على ذوقك الرفيع أغنيه الأوم بلاء اغنيه هادفه وجميله وكلامها صريح وواضح غير اغاني زمان كلام فارغ وملوش أي معنى
يالله يا خالوا ربي انت بقى

عمو احمد said...

القنوات دى هدفها تجمع اكبر مشاهدين وخلاص بالضمير العربى بالاموب لا
المهم ناس كتير تعد تتفرج وخلاص
وربنا على الظالم

مدحت محمد said...

فتوح جزاك الله خير

مدحت محمد said...

دريم
هههههههههههه
ماشى هخليها تضربك ان شاء الله

مدحت محمد said...

عمو احمد
معاك حق هى فعلا تجارية بحتة
وملهاش اى هدف غير الربح
تحياتى ليك