بعد رحلة طويلة مع المرض
مرض ايه اعوذ بالله عليكم
من تصفح المدونات
اقصد
رجعت زى مانتم شايفنى هتقولو شايفنك ازاى مش مهم
المهم راجع مكتئب ومتضايق ومصدع
ثلاث ساعات قراءة للمدونات
بجد اكتئبت
وحالتى النفسية لاااحسد عليها
كتير من المدونات مقفولة مدونات الاخوان طبعا حدادا على المحاكمة الظالمة لقادة الاخوان
طبعا حكومتنا زى ماكلنا عارفين بتعز الظلم موت
وباقى المدونات
كله بيتكلم عن اسراء
وراحت فين
وودها فين
ورجعوا اسراء
ياولاد الحراااااااااانكش
اللى ليه فى السياسة واللى مالهوش فى السياسة
اسراء حديث المدونات
ولا حياة لمن تنادى
عرفتو اكتئبت ليه بقى
يعنى حقى ولا مش حقى
انطقــــــــــــــــــــــــــــــــــــــوا
36 comments:
جميل
بس انت زعلان عشان الناس متضامنة مع اسراء ولا ايه
مش قادر افهم
:)
تحياتى
الصباغ
سلام عليكم
مالك يا بنى داخل شمال ليه كده ههههههههه
بص هقولك حاجه اجمل شئ بجد فى شعبنا انه بتضامن وبيمشى مع الموجه فاهم ولا لا مش قضيه المهم نمشى مع الزحمه والهيصه
طبعا تنضامن مع اسراء شئ مطلوب جدا ونعترض على محاكماالاخوان برضه شئ كويس بس انه تبقى لبانه اهو ده السخافه واعتقد انك تقصد كده
المدونات اصبحت وجبه دسمه ولازم انها تكزن متوازنه العناصر وده الى بقى مفقود دلوقتى
خالص تحياتى ليك
عندك حق انا لاحظت كدة برضة وعندك حق تكتئب بس انا مفهمتش انت اكتئبت عشان متعاطف مع اسراء ولا اكتئبت عشان مش لاقى حاجة تقراها لان المدونات مقفولة ولا مكتئب عشان المدونات بتكتب على اسراء
على العموم انا لسة مكتبتش عنها بس لو عايز ممكن اكتب عشان كلنا نكتئب تضامناً مع اسراء
مدونة جميلة تحياتى ليك
الصباغ
لا طبعااااااااا
انا مكتئب من اللى بشوفه من ظلم
طبعا
لانى بقرا اهات المدونين
فلازم اكتئب
تحياتى ليك
وعليكم السلام
رغم انى بتفق معاكى
بس وجعنى الكلام
اللى مابيجبش فايدة
والله
اكتئبت لانى لاحياة لمن تنادى
تحياتى
الكل متضامن .. ولا حياة من تنادى
والله يا مدحت العجز قادر انه يجيب اللى اشد من الاكتئاب كمان
الواحد فى البلد دى المفروض ما يركزش اوى فى اللى بيحصل عشان ما يتقهرش
خلينا عايشين كده لما نشوف ايه اخرتها
ميرسى لمرورك ....تحياتى
الاكتئاب حيصيبنا كلنا لو يأسنا ولا يأس من رحمة الله لكن لما الفساد يعم ومتقدرش عليه ولا على التعايش معاه يبقى الواحد يفر بدينه ويدخل المغارة وميفتحهاش الا للضرورة وأنا مغارتى جاهزة فى أى وقت ممكن أدخلها واقفل عليا مش اكتئاب ولكن فرار بدينى دى الحالة الوحيدة المسموح بيها
انت لسه شباب والأمل كله عليكم ولو مكنتش انت واللى فى سنك يبقى عندهم أمل اومال مين يكون عنده !!!!
ربنا يصلح الأحوال وربنا قادر يغير الحال
تحياتى وتقديرى
لاء ليك حق تكتئب
وربنا ينتقم منهم
بس ايه اللى مضايقك فى موضوع التضامن مع اسراء
الراجل ده بقى جبار حسبنا الله ونعم الوكييل
الخطف والظلم بقى عينى عينك كده
هيروح من ربنا فييين
تحياتى ولاء
لو المدونات جايبالك اكتئاب ..
نقفلها
:)
مش هو ده الهدف ..
الهدف إن الناس تقرأ ، وتعرف ، وتفهم فين الصح وفين الغلط ، عشان تقدر تتحرك بعد كده
وتقول لأ
عارف يا مدحت
التدوين فى فتره كان متعه دلوقتى بقى عذاب بجد ولهجه الحوار بتنزل والنقاش بقى سفاله واتفاق اتنين فى الراى بقى طبطه يا سيدى كبرها دماغك وبصراحه قفل المدونات بقى احسن حاجه بدل ما نجيب البهدله والشتيمه للاهل
صراحة حقك وحقك وحقك
شخصيا إذا تصفحت المدونات لأكثر من نصف ساعة على هذه الشاكلة
أصاب بإحباط ورغبة في البكاء
:(
إذا فثلاث ساعات بطولة منك أن تصمد
ههههههههههههههه
الله المستعان
...
سلامات مُسبلات
عمار يا مصر
ده كان رد فعلي لما قريت جريدة يوم الخميس الماضي أنا قلت هبطل أقرا جرايد عشان دمي مايتحرقش
ازاي يتفرج عنها والمحامي بتاعها مش لاقيها
حبي الله ونعم الوكيل صراحة بعد كده لم أتابع الموضوع حفاظا على ضغط الدم
فعلا عندك حق دى مشكلتنا لما يكون فيه موضوع او حدث ما تجد كل الجرايد والاذاعات تتكلم فيه وكانه هو بس اللى على الساحه
وكذلك المدونات فعلا اشعر بركود فظيع بين المدونين
الله المستعان
لا مش حقك
دا حقهم هما انهم يعملوا فينا اكتر من كده
طول ما احنا سلبيين يبقى حقهم
طول ما احنا بنسكت يبقى حقهم
سلامى ليك
face moon
انا طبعا مش مكتئب
من التضامن يبقى معنديش دم
انا مكتئب لاننا بندن فى مالطة
تحياتى
استراحة محمد
كفاية
انك تحس بالعجز
احساس مؤلم
تحياتى ليك
نيرمين
صدقينى فى مصر
مش هتقدر تغمض عنيك عن الظلم
لانه فى كل مكان
تحياتى
مجداوية
يااستاذتى الدين مش بيقلنا نسكت
ابدا
بل نواجه
لكن اللى خلانى اكتئب زى ماقلت
اللى بيغنى ويرد على نفسه
ده اللى حاصل للاسف
تقبلى تحياتى
قطة الصحراء
اللى مضايقنى هو اللى مضايق الناس كلها
واللى مضايقنى اكتر اننا بنتكلم زى ماقلت قبل كدة
كلام منتهى الصلاحية
مش بيجيب نتيجة
تحياتى
ولاء
ربنا يحفظك
ويستر عليكى
خبيب
كل الناس عارفة
مفيش حد فى زمانا مبقاش عارف
من كبير لصغير
كله عارف
وكلنا بنقول لا
بس لا
مالهاش مفعول
عايزين نفعل كلمة لا
تحياتى
محمود
لا بختلف معاك
قفل المدونات مش حل طبعا
انا برضه من الجات اللى بتضايقنى بشوف اتهامات وسب وقذف
من بعض المدونين
واتهامات بجد تعصبنى انا
فما بال من وجهت اليه
انا اول لما عرفت التدوين كنت مبسوط بيه جدا
وبسطنى جدا انى كونت منه صداقات كتير وبشخصيات استفدت منها جدا
ومع
وجود بعض المدونين
اصحاب الالسن الطويلة
الا انه يوجد الكثير من اصحاب الاقلام النظيفة
فلا يصح التعميم
ولذلك اختلف معاك فى غلق المدونة
تقبل تحياتى
العاشقة
مش استحق جايزة بالله عليكى
ههههههههه
تقبلى تحياتى
شهرزاد
حرقة الدم
دى تفكرنى بالتلميذة
اللى سقطوها فى الامتحان عشان فى موضوع التعبير كانت معارضة للحكومة
والغلا
وجابوها وحققو معاها
يابنتى حرقة الدم
دى شىء طبيعى
لكن اللى مش طبيعى
اللى بيحصل فى بلدنا
المستنصر بالله
انا مش ضد الكلام
الكلام شىء صحى للغاية
لكن الكلام اللى
يحسسك بالعجز اكتر
ده اللى يتعب
تحياتى ليك
رؤية
اللهم امين
تحياتى
مواطن مصرى نايم
لا انت بصتلها من زاوية تانية
انا مقصدتش نسكت
طبعا
انا قصدت
انى الكلام مش جايب نتيجة
وده شىء اثر كتير على نفسيتى
تحياتى
مدحت
كل اللى اقدر اقوله
لا تيأس من رحمة الله
دوام الحال من المحال
ربنا يعفو عنك يارب
ويريح قلبك ويهدئ روعك يارب
ويشرح صدرك بالايمان والامل
ان الله موجود
تحياتى
عندك حق تكتئب
اللي بنشوفه كتير
وأشكال الظلم كتير
والله المستعان
خليها على الله
ان بعد العسر يسرا
فرج الله عنك وعنا جميعا فكلنا هذا الرجل
علي فكرة الاكتئاب والحزن ده طاقة اوعي تخليها تضيع منك واستفيد منها وحاول تطلعها في حاجة مفيدة
العجوز
كاميليا
يارب يكرمك يارب
سلوى
ونعم بالله ياسلوى
احمد
ان شاء الله
بفرغها فى المدونة زى مانت شايف هوديها فين يعنى
تحياتى وتقديرى
Post a Comment