CLICK HERE FOR THOUSANDS OF FREE BLOGGER TEMPLATES »

Saturday 19 April 2008

اسراء حديث المدونات

بعد رحلة طويلة مع المرض

مرض ايه اعوذ بالله عليكم

من تصفح المدونات

اقصد

رجعت زى مانتم شايفنى هتقولو شايفنك ازاى مش مهم

المهم راجع مكتئب ومتضايق ومصدع

ثلاث ساعات قراءة للمدونات

بجد اكتئبت

وحالتى النفسية لاااحسد عليها


كتير من المدونات مقفولة مدونات الاخوان طبعا حدادا على المحاكمة الظالمة لقادة الاخوان

طبعا حكومتنا زى ماكلنا عارفين بتعز الظلم موت

وباقى المدونات

كله بيتكلم عن اسراء

وراحت فين

وودها فين

ورجعوا اسراء

ياولاد الحراااااااااانكش


اللى ليه فى السياسة واللى مالهوش فى السياسة

اسراء حديث المدونات

ولا حياة لمن تنادى


عرفتو اكتئبت ليه بقى

يعنى حقى ولا مش حقى

انطقــــــــــــــــــــــــــــــــــــــوا

36 comments:

Ahmed Al-Sabbagh said...

جميل

بس انت زعلان عشان الناس متضامنة مع اسراء ولا ايه

مش قادر افهم
:)

تحياتى

الصباغ

only spot said...

سلام عليكم
مالك يا بنى داخل شمال ليه كده ههههههههه
بص هقولك حاجه اجمل شئ بجد فى شعبنا انه بتضامن وبيمشى مع الموجه فاهم ولا لا مش قضيه المهم نمشى مع الزحمه والهيصه
طبعا تنضامن مع اسراء شئ مطلوب جدا ونعترض على محاكماالاخوان برضه شئ كويس بس انه تبقى لبانه اهو ده السخافه واعتقد انك تقصد كده
المدونات اصبحت وجبه دسمه ولازم انها تكزن متوازنه العناصر وده الى بقى مفقود دلوقتى
خالص تحياتى ليك

FaceMoon said...

عندك حق انا لاحظت كدة برضة وعندك حق تكتئب بس انا مفهمتش انت اكتئبت عشان متعاطف مع اسراء ولا اكتئبت عشان مش لاقى حاجة تقراها لان المدونات مقفولة ولا مكتئب عشان المدونات بتكتب على اسراء
على العموم انا لسة مكتبتش عنها بس لو عايز ممكن اكتب عشان كلنا نكتئب تضامناً مع اسراء
مدونة جميلة تحياتى ليك

مدحت محمد said...

الصباغ
لا طبعااااااااا
انا مكتئب من اللى بشوفه من ظلم
طبعا
لانى بقرا اهات المدونين
فلازم اكتئب
تحياتى ليك

مدحت محمد said...

وعليكم السلام
رغم انى بتفق معاكى
بس وجعنى الكلام
اللى مابيجبش فايدة
والله
اكتئبت لانى لاحياة لمن تنادى
تحياتى

استراحة محمد said...

الكل متضامن .. ولا حياة من تنادى
والله يا مدحت العجز قادر انه يجيب اللى اشد من الاكتئاب كمان

NeRmeeN said...

الواحد فى البلد دى المفروض ما يركزش اوى فى اللى بيحصل عشان ما يتقهرش

خلينا عايشين كده لما نشوف ايه اخرتها

ميرسى لمرورك ....تحياتى

مجداوية said...

الاكتئاب حيصيبنا كلنا لو يأسنا ولا يأس من رحمة الله لكن لما الفساد يعم ومتقدرش عليه ولا على التعايش معاه يبقى الواحد يفر بدينه ويدخل المغارة وميفتحهاش الا للضرورة وأنا مغارتى جاهزة فى أى وقت ممكن أدخلها واقفل عليا مش اكتئاب ولكن فرار بدينى دى الحالة الوحيدة المسموح بيها
انت لسه شباب والأمل كله عليكم ولو مكنتش انت واللى فى سنك يبقى عندهم أمل اومال مين يكون عنده !!!!
ربنا يصلح الأحوال وربنا قادر يغير الحال
تحياتى وتقديرى

Desert cat said...

لاء ليك حق تكتئب
وربنا ينتقم منهم
بس ايه اللى مضايقك فى موضوع التضامن مع اسراء

walaa said...

الراجل ده بقى جبار حسبنا الله ونعم الوكييل
الخطف والظلم بقى عينى عينك كده
هيروح من ربنا فييين
تحياتى ولاء

khobayb said...

لو المدونات جايبالك اكتئاب ..

نقفلها

:)

مش هو ده الهدف ..

الهدف إن الناس تقرأ ، وتعرف ، وتفهم فين الصح وفين الغلط ، عشان تقدر تتحرك بعد كده

وتقول لأ

رئيس جمهوريه نفسى said...

عارف يا مدحت
التدوين فى فتره كان متعه دلوقتى بقى عذاب بجد ولهجه الحوار بتنزل والنقاش بقى سفاله واتفاق اتنين فى الراى بقى طبطه يا سيدى كبرها دماغك وبصراحه قفل المدونات بقى احسن حاجه بدل ما نجيب البهدله والشتيمه للاهل

العاشقة said...

صراحة حقك وحقك وحقك

شخصيا إذا تصفحت المدونات لأكثر من نصف ساعة على هذه الشاكلة

أصاب بإحباط ورغبة في البكاء
:(

إذا فثلاث ساعات بطولة منك أن تصمد
ههههههههههههههه

الله المستعان
...

سلامات مُسبلات

شهرزاد said...

عمار يا مصر
ده كان رد فعلي لما قريت جريدة يوم الخميس الماضي أنا قلت هبطل أقرا جرايد عشان دمي مايتحرقش
ازاي يتفرج عنها والمحامي بتاعها مش لاقيها
حبي الله ونعم الوكيل صراحة بعد كده لم أتابع الموضوع حفاظا على ضغط الدم

المستنصر بالله said...

فعلا عندك حق دى مشكلتنا لما يكون فيه موضوع او حدث ما تجد كل الجرايد والاذاعات تتكلم فيه وكانه هو بس اللى على الساحه
وكذلك المدونات فعلا اشعر بركود فظيع بين المدونين

Sally said...

الله المستعان

مواطن مصرى نايم said...

لا مش حقك
دا حقهم هما انهم يعملوا فينا اكتر من كده
طول ما احنا سلبيين يبقى حقهم
طول ما احنا بنسكت يبقى حقهم
سلامى ليك

مدحت محمد said...

face moon
انا طبعا مش مكتئب
من التضامن يبقى معنديش دم
انا مكتئب لاننا بندن فى مالطة
تحياتى

مدحت محمد said...

استراحة محمد
كفاية
انك تحس بالعجز
احساس مؤلم
تحياتى ليك

مدحت محمد said...

نيرمين
صدقينى فى مصر
مش هتقدر تغمض عنيك عن الظلم
لانه فى كل مكان
تحياتى

مدحت محمد said...

مجداوية
يااستاذتى الدين مش بيقلنا نسكت
ابدا
بل نواجه
لكن اللى خلانى اكتئب زى ماقلت
اللى بيغنى ويرد على نفسه
ده اللى حاصل للاسف
تقبلى تحياتى

مدحت محمد said...

قطة الصحراء
اللى مضايقنى هو اللى مضايق الناس كلها
واللى مضايقنى اكتر اننا بنتكلم زى ماقلت قبل كدة
كلام منتهى الصلاحية
مش بيجيب نتيجة
تحياتى

مدحت محمد said...

ولاء
ربنا يحفظك
ويستر عليكى

مدحت محمد said...

خبيب
كل الناس عارفة
مفيش حد فى زمانا مبقاش عارف

من كبير لصغير
كله عارف

وكلنا بنقول لا

بس لا
مالهاش مفعول

عايزين نفعل كلمة لا

تحياتى

مدحت محمد said...

محمود
لا بختلف معاك
قفل المدونات مش حل طبعا
انا برضه من الجات اللى بتضايقنى بشوف اتهامات وسب وقذف
من بعض المدونين
واتهامات بجد تعصبنى انا
فما بال من وجهت اليه
انا اول لما عرفت التدوين كنت مبسوط بيه جدا
وبسطنى جدا انى كونت منه صداقات كتير وبشخصيات استفدت منها جدا
ومع
وجود بعض المدونين
اصحاب الالسن الطويلة

الا انه يوجد الكثير من اصحاب الاقلام النظيفة

فلا يصح التعميم

ولذلك اختلف معاك فى غلق المدونة
تقبل تحياتى

مدحت محمد said...

العاشقة
مش استحق جايزة بالله عليكى
ههههههههه
تقبلى تحياتى

مدحت محمد said...

شهرزاد
حرقة الدم
دى تفكرنى بالتلميذة
اللى سقطوها فى الامتحان عشان فى موضوع التعبير كانت معارضة للحكومة
والغلا
وجابوها وحققو معاها
يابنتى حرقة الدم
دى شىء طبيعى
لكن اللى مش طبيعى
اللى بيحصل فى بلدنا

مدحت محمد said...

المستنصر بالله
انا مش ضد الكلام
الكلام شىء صحى للغاية
لكن الكلام اللى
يحسسك بالعجز اكتر
ده اللى يتعب
تحياتى ليك

مدحت محمد said...

رؤية
اللهم امين

تحياتى

مدحت محمد said...

مواطن مصرى نايم
لا انت بصتلها من زاوية تانية
انا مقصدتش نسكت
طبعا
انا قصدت
انى الكلام مش جايب نتيجة
وده شىء اثر كتير على نفسيتى
تحياتى

كاميليا بهاء الدين said...

مدحت

كل اللى اقدر اقوله

لا تيأس من رحمة الله

دوام الحال من المحال

ربنا يعفو عنك يارب
ويريح قلبك ويهدئ روعك يارب
ويشرح صدرك بالايمان والامل

ان الله موجود

تحياتى

سلوى said...

عندك حق تكتئب

اللي بنشوفه كتير
وأشكال الظلم كتير

والله المستعان

خليها على الله

Ahmed El-Agouz said...

ان بعد العسر يسرا
فرج الله عنك وعنا جميعا فكلنا هذا الرجل
علي فكرة الاكتئاب والحزن ده طاقة اوعي تخليها تضيع منك واستفيد منها وحاول تطلعها في حاجة مفيدة
العجوز

مدحت محمد said...

كاميليا
يارب يكرمك يارب

مدحت محمد said...

سلوى
ونعم بالله ياسلوى

مدحت محمد said...

احمد
ان شاء الله
بفرغها فى المدونة زى مانت شايف هوديها فين يعنى
تحياتى وتقديرى