CLICK HERE FOR THOUSANDS OF FREE BLOGGER TEMPLATES »

Tuesday 20 May 2008

كما تدين تدان



يااااااااااااااااا يااحمــــــــــد
انت متعرفش انا بحبها اد ايـــــــــــه
انا بحبها اوى اوى اوى اوى
تعرف انا اى بنت حبتها كنت حاسس انى بحبها هى
ايه ده يايوسف والبنات اللى انت حبتهم كلهم دول.......
كنت حاسس يابو حميد انها هى اللى قصاد عينى لحد مافوق واحس انى فعلا محبتهمش وهى واحدة بس اللى حبتها
ميار وبس
طيب مش حرام عليك يابنى تكسر بقلوب البنات اللى انت حبتهم
كما تدين تدان
مش عارف بقى
تعالى تعالى هوريك حاجة هتعجبك اوى
الله ايه البرواز الجميل ده يايوسف
دى ميار كانت جبتهولى فى عيد ميلادى من اربع شهور
بجد ده خرافة
تعرف يااحمد انا دايما اخده فى حضنى قبل مانام
على فكرة انا طلبت انى اشوفها بكرة ووافقت بس بشرط
ايه خير
انى اشوفها وامشى بسرعة
وانت وافقتطبعا يابنى كفاية عليا انى اشوفها وبس
انت بتحبها للدرجة دى يايوسف
والله واكتر يااحمد
خلاص تبقى تحكيلى بقى اللى حصل
طبعا يابنى من عنيا
ازيك ياميار
الله يسلمك ازيك يايوسف
الحمد لله
عامل ايه ؟ ايه اخبارك؟
تمام
وانتى
اهو الحمد لله
اوكى يايوسف انت قلتلى انت هتشوفنى وهتمشىولا هترجع فى كلامك
لا ابدا ياميار انا عند وعدى
بس فى طلب
اتفضل يايوسف
متحرمنيش من انى اشوفك
حاضر يايوسف
لا اله الا الله
محمد رسول الله
يوسف
ايوة ياميار
انا بحبك


تعرف يااحمد لما قالتها انا كنت حاسس انى عايز اترمى فى حضنها
وعملت ايه يايوسف
عينى قعدت تدمع جامد
مكنتش مصدق نفسى بجد
البنات اللى لعبت بمشاعرهم يايوسف
انت ليه دايما تنكد عليا يااحمد
عفا الله عما سلف يااخى
يوسف انت تعرف ميار كويس
اه ليه
مش ممكن تكون تعرف غيرك
لا مش ممكن
ايه اللى اكدلك طيب
احساسى
اه طب خلى احساسك ينفعك بقى
فى ايه يااحمد انت عايز تشككنى فيها ليه
وبعدين انا واثق فيها يا اخى
ياعم انا قاصد مصلحتك بس
لا متخافش عليا يااحمد
احمد صدقنى انا لو قلت عليها ملاك ابقى ظلمتها
انا مشفتش بنت فى رقتها
ربنا يوفقكم يايوسف
تنزل معايا بالليل النهاردة
هنزل اجيب خط اتصالات
ان شاء الله
هتجيب ليك ولا لا
هجيب اعمل بيه ايه ياعم
ياعم هات وخلاص
اوك
هو فى رصيد
اه
طب تمام اوى
هاخده اشتغل بيه الحاجة
ماشى ياعم
اسيبك انا بقى يايوسف
اوك سلام
سلام ياجو




الو
ازيك يامرمر
ازيك ياعبد الرحمن
عامل ايه
ياحبيب قلبى
واحشنى صوتك جدا
مبتسالش عليا يعنى

ابدا مشغوليات ياميار
ايه ده انت يوسف
بيقولو كدة


انا
كنت
فكراك ابن خالى
ابن خالتى

اه طيب
ياللا عايزة منى حاجة
يوسف مالك
سلام ياميار



ازيك يابويوسف
ازيك يااحمد
ايه عامل ايه
ايه اخبار عروستك

عروستى
كويسة
مالك يابنى فى ايه
مفيش
يوسف انت مالك
عادى يااحمد
لا مش عادى طب بتعيط ليه
مفيش
انت اتخانقت مع ميار
لا سبتها

ايه فلسعتكهى مين
حبيبة القلب ياحبيب
انتى عرفتى منين يامنى
العصفورة ههههههه
هو فى حاجة بتستخبى يابنى
انتى لو مقلتيش من قاللك هعمل جناية
بص بس احلف انك مش هتقله
مين قولى
احمد يايوسف بس بالله عليك متقلوش هيزعل منىاه طيب



مش هحب تانى خلاص
وهموت الاحساس
مات عند كل الناس
الحب والاخلاص
كانت حلاوة الدنيا
لو كنت اشوفها ثانية
كما تدين تدان قالهالى صاحبى انا
وبقله هو كمان كما تدين تدان
تشمت فيا اناوتحكى للى عارف انه بيكرهنى انا
مش هحب تانى خلاص وهموت الاحساس

اول كلامى معاها
حسيت حبها وهواها
وكتمت فى قلبى ليالى
وقلت حبيبى ده غالى
لو لحظة اشوفه قبالى
تبقى دنيتى ضحكالى
ضحكتها كانت راس مالى
بعنيها السود رسمالى
الحب ده اجمل حب
غلطتى صدقت انا
كانت حلاوة الدنيا
لو كنت اشوفها ثانية
انا كنت بقول فى بالى
لو يوم هشوفها قصادى
هفضل سنة عايش راضى
مش هحب تانى خلاص
وهموت الاحساس
مات عند كل الناس
الحب والاخلاص


15 comments:

WhItE HeArT said...

اول كومنت طيب والله ده شيء عظيم جدا

ايه ياعمونا

قولتلي مش عايزين ضرب شرب ونقضيها حنية وقلت اه والله عنده حق ده حتى انا في فترة امتحانات مش ناقص اكئب نفسي وادخل عندك اقول اكيد في الفرفشة اللي بينادي بيها
هههههههههه حلوة بينادي بيها دي مع وضع الضمة فوق الياء لإني نسيت بصراحه


المهم بأه

بص انا شايف ان في عيب خطير في الشعب المصري لمسته لما نزلت مصر وطبعا انا كنت عايش بره في السعودية

تقول الواحد سر
يقوم الواحد ده رايح قايل لواحد تاني ويقول له ده سر ومتقولش لحد وهكذا الدايرة بتدور

مش عارف ليه بنعمل كده وبتبأه قمة الألم لو الضربة دي جت من اعز صديق

سيبك من الحب الزائف مأثرش فيا اد ما اثر فيا خيانة صديق

موضوع جميل وكلماتك معبرة كالعاده

تحياتي

منى said...

يخرب عقلك يا مدحت انت كنت واقف تسمعنا ولا ايه؟
واحده صاحبتى لسه النهارده كانت بتحكى لي على حكايه زى دى حصلت مع اخوها
بس ميار بقى مش اتكسفت دى قعدت تتكلم مع صاحبه براحتها وتفشر وترسم نفسها كارت ورا كارت
لحد ما االولد جاله اكتئاب

فاكر يا مدحت لما قلتلك المدونه دى جات فى وقتها
تحياتى

سلوى said...

قصه وترجمتها شعر كمان

بس اتصدق ده حقيقي بيحصل
فعلا
كما تدين تدان

والله جميل أوى يا مدحت ما تصنعه
وجميل صياغتك لأفكارك

ربنا يوفقك دايما

واحد من البلد دى said...

جميلة جدا يا مدحت ربن يوفقك ..
القصة فعلا حقيقية و بتحصل مع الملايين من الناس بس المشكلة إن ما فيش حد بيعتبر..
دمت بخير

أسير الجراح said...

بجد بجد

مش عارف اعلق


اية ياعم الكلام الجامد دة

سعدت بتعليقى بس متاخر شوية

FaceMoon said...

فعلا قصة من واقع الحيااااة
كما تدين تدان
ودى احسن حاجة
كل واحد يعمل حاجة وحشة فى حد تانى تترد لية فى يوم من الايام عشان يحس بطعم القسوة والجرح اللى سببهم قبل كدة ودى حكمة ربنا
بوست جميل جدا
تحياتى

Empress appy said...

كما تدين تدان حتى لو بعد فترة على فكرة ربنا مش بيسيب حق حد تسلم ايديك اول مرة ادخلك هنا بس عجبتنى

مدحت محمد said...

اه عندك حق هو موضوع الخيانة بوجه عام صاحبه اللى قالله انت خنت هو كمان خان
واتخان وكما تدين تدان

ربنا معاك فى الامتحانات مفتقدك جدا

مدحت محمد said...

منى

فى بنات كتير اوى كدة يامنى للاسف

مبقاش فى دم

اينعم فاكر

انا والله تعليقاتك مش بنساها

ربنا يسامحك ههههههههههه

مدحت محمد said...

سلوى

ربنا يكرمك ياسلوى

عايزين نشوف جديدك بقى

مدحت محمد said...

واحد من البلد دى

ربنا يكرمك ياباشا
هو فعلا ده حال البشر

قليل فيهم من اعتبر


تحياتى ليك ياريس

مدحت محمد said...

اسير الجراح كفاية على توقيعك فى التعليقات

دمت بكل ود

مدحت محمد said...

وجه القمر

ربنا مبيضيعش حق حد يااستاذة


والحمد لله انها نالت اعجابك

مدحت محمد said...

ابى

انتى نورتينى هنا

والحمد لله انى المدونة دى نالت اعجابك

وفاء بركات said...

السلام عليكم ياأستاذ مدحت
كثيرا أقرأإميلاتك التي ترسلها لي ولكن لأني حديثة العهد بهذا العالم الكبير المسمي بالنت فإني أحتاج وجود اولادي جواري للمساعده ولأنهم مشغولين قررت دخول مدونتك والتصفح في مواضيعها ...
بجد المدونه دمها خفيف بتعبر عن حال شباب هذا الجيل الذي يحيط به الزيف من كل جانب حتي المشاعر والأحاسيس لاتحترم ....والأمانه والصدق مع النفس يمثلان عالم منالخيال وزي مفيه خيال علمي أيضا فيه خيال عاطفي ....
قلبي مع شباب هذا الجيل كيف يصنعون المستقبل وهم بمثل هذه الأخلاق .....ربنا يهديكم وينور بصريتكم .....بس بجد سعدت جدا لزيارة
مدونتك
مع خالص تحياتي