CLICK HERE FOR THOUSANDS OF FREE BLOGGER TEMPLATES »

Wednesday 28 May 2008

وقت اللقاء

متى يحين وقت اللقاء؟
رحلتى عنى
ولم ادر لما رحلتى وتركتينى وحيدا ابكى
كتبت خطابى وبه اشواقى اليكى
وبين السطور حنين قلبى ينادى عليكى

اين انتى؟
عودى الى قلبى حنى عليه
كم من الحور عرفت بعدك ولم يهوى قلبى سواك
ابعيدة انتى
ام يمكنى ان القاكِ

وعدت الايام تسبق
وفقدت الامل فى اللقاء
وشربت الكأس و الخمر وصاحبت النساء
وغرقت فى العشق والوهم واصابنى البلاء
والى متى
الى متى يطول الفراق؟
ومتى يحين وقت اللقاء

القصيدة دى للامانة من كتابات خالى بس انا بعزها اوى

18 comments:

حمادة زيدان said...

الظاهر يا مدحت


أنه العيلة كلها فنانين


بس باين على خاللك

أنه كان حبيب

media said...

جميله اوى القصيده بجد
خالك طلع بيكتب احسن منك يا مدحت

بلغه سلامى وقوله عاوزين نشوف مدونه لحضرتك

هقراله مش هدخل عندك بعد كده
:-p

رئيس جمهوريه نفسى said...

تسلم انت وخالك واحيك على شجاعتك فى ذكر المصدر

klmat said...

تسلم ايدك وايد خالك جميله فعلا
احسنت الاختيار
تحياتى

WhItE HeArT said...

وانا اقول انته طالع لمين لمين اتاريك طالع لخالك ماشاء الله عليه وعليك

بجد جميله بس تفتكر ممكن الحب يولد ان الواحد يتجنن ويشرب خمر والحاجات اللي بنشوفها في الافلام وفي الخواظر دي ؟؟


معتقدش

بس قصيده رائعه وفعلا انبسطت اني لما دخلت لقيت عندك حاجات جديده
تحياتي

سلوى said...

جميله الكلمات

وجميله أمانتك

بس هي العيله كلها كده

دي وراثه بقى ؟؟

خلي خالك يعمل مدونه

تحياتي لكم جميعا

rtrcbh said...

السام عليكم ورحمه الله وبركاته
جزاكم الله خيرا ربنا يكرمك يارب القصيده كلماتها جميله وعجبنى اوى كمان صورة الشيخ الشعرواى اللى انت وضعتها فى اول المدونه شكلها جميل بجد
العيلة كلها شعراء بقى
ان شاء الله تتزوج شاعره وتجيب لنا شعراء صغيرين
ههههههههههه
ربنا يكرمك يارب يا استاذى بعلم التدوين

منى said...

طيب ما تقول لخالك يعمل مدونه؟
ولو هو بيجرب فى مدونتك الاول
لو كان كده
يبقى التجربه نجحت
تحياتى

مدحت محمد said...

زيدان

تسلم يارب

عامل ايه فى الشغل الجديد ياواد

مدحت محمد said...

لولا

ايوة احسن منى

عندك شك ولا ايه

الله يسلمك

مدحت محمد said...

محمود

تسلم يامحمود

نورت المدونة يازعيم

مدحت محمد said...

كلمات

تسلمى يارب

على تعليقك الجميل ده

مدحت محمد said...

القلب الابيض

ههههههههههههههه

طالع لمين طالع لمين

على فكرة

ممكن يجنن وممكن يموت كمان

دى حقيقة فعلا والله


نورتنى جداا

خلصت امتحانات ولا لسة

مدحت محمد said...

سلوى

انا هبقى اكتب بعض

الاشعار بتاعت خالى ان شاء الله

لان طبيعة عمله مش تسمحله انه يعمل مدونة


تحياتى ليكى

مدحت محمد said...

يارب يخليك يارب

ويسمع منك يارب اتزوج شاعرة
تسلم ياباشا

مدحت محمد said...

منى

طيب انا هساله لو نفع هخليه يعمل عادى

تحياتى ليكى يامنى

رئـــــيسـة حزب الأحلام said...

ماشاء الله خالك شاعر
انتم عائلة فنيه بقى
تحياتى لك ولخالك

مدحت محمد said...

الزعيمة
رئيــــــــسة حزب الاحلام

يارب تسلمى

بصمة حضرتك فى المدونة

تزيدها نورا وبهاءا