CLICK HERE FOR THOUSANDS OF FREE BLOGGER TEMPLATES »

Monday 9 June 2008

مستنى رجوعك

تروح وتنسى ومهما تقسى
قلبى باقيلك هنا على طول
تكون معايا هنا ويايا
وتروح منى وتفضل ذكرى
وتمر ايام وتعدى ليالى
ويسهر قلبى
ويطلع بكرة لا القى حبيبى
ويفضل ذكرى
ياما عشت سنين ويايا
وقلبى كان بيقلك ياللا
كسرت بقلبى وقلت على الله
لكن هعيش انا واستنى
وقلبى ع الهوى باقى
لجل فى يوم
ترجع وتعود
وهتلقى قلبى مستنى
وفارش من الهوى افراح
ولابس فستانه التلى
بس فى يوم ترجع وتعود
وهتلقى قلبى مستنى
لابس هدوم العيد
وقاعد ع السجادة بيصلى
كتابات خالى برضه

24 comments:

كلام على بلاطة said...

سلام يا اهل البصيرة
مناجاة جميلة
تحياتى

RaRa said...

السلام عليكم ورحمة الله وبركاته

كلمات جميلة

واحساس صادق

ربنا يوفقك دايما

تحياتى لك

منى said...

خالك شكله هيحتل البصيره
هههههه
الوفاء
ده الصفه اللى باينه اوى
تحياتى

مدحت محمد said...

كلام على بلاطة

تسلم

مدحت محمد said...

رارا تسلمى يارب

والف مبروك

مدحت محمد said...

منى

هههههههههههههههه

تصدقى بالله انا كنت بفكر امسح المدونة خالص


بس والله لما حسيت انك بتابعيها غيرت رأيى

سلوى said...

مش قلنا خلي خالك يعمل مدونه

:)

بس إحساس جميل والله يا مدحت

وبعدين أنا كمان بتابعها :)
تحياااااااتي

بنت الاسلام said...

وان مارجعتش

وعاشت وبقت سعيدة

هيفضل مستني

لغاية امتي

الممات

الوفاء صفة جميلة

لكن للي يستحقوا الوفاء

تحياتي

Rania Lelah said...

حاول تعمل لخالك مدونه لوحدة

كلماتك حلوة قوى
تحياتى لك و لخالك

WhItE HeArT said...

بقول لك ايه يامدحت بجد

متخلي خالك يفتح مدونه يحطلنا فيها كل الحاجات دي

لا بجد والله

بجد رائعه وتحفه وزي الفل

تحياتي ياباشا

رئـــــيسـة حزب الأحلام said...

ماشاء الله خالك كلماته جميلة
تحياتى لكم

مدحت محمد said...

خلاص اوك ياسلوى


انا بحضر بوست بقى من تاليفى ان شاء الله هيعجبك جدا

مدحت محمد said...

الوفاء صفة فعلا نادرا مانلاقيها فى عصرنا الحالى يابطوط

تحياتى ليكى

مدحت محمد said...

رانيا

يارب يكرمك ياااااااارب

مدحت محمد said...

محمد باشا

تسلم ياحبيب قلبىىىىىىى

مدحت محمد said...

رئيسة حزب الاحلام

تسلمى يارب

Desert cat said...

اصدقائى الاعزاء
المدونين والمدونات
تمت اليوم فى برنامجنا الاذاعى
أن تسال والكمبيوتر يجيب
الذى يذاع يوميا الساعه 9.10 صباحا ماعدا يوم الجمعه
حلقة انا والنت
من مدونة العزيزةأيوية
التى حكت لنا عن مدى ارتباطها بعالم الانترنت
ومن الكومنتات التى تمت اذاعتها
الفارس الملثم
أحمد الحسينى
محمد مفيد
قطة الصحراء
موناليزا
مدحت محمد
دكتور اياد حرفوش
احساس لسه حى

الآن يمنكم سماع الحلقة من الbox
يمين المدونة
http://netonradio.blogspot.com/
او الموقع
http://dear.to/cairo

تمنياتنا للجميع بقضاء اسعد الاوقات معنا
كما نتمنى دوام التواصل

منى said...

يا سلام يا عم مدحت
انت مش حذفت ىالمدونه عشان انا بتابعها
ربنا يجبر بخاطرك يابنى
انت كده هتخلينى اقولك السر اللى مخبياه من زمان بس اوعى تزعل
انا قاعده فى المدونه دى ومش بدخل التانيه عشان صورها سووووو رومانتيك وانا ماليش فى كده خاص
يعنى لو حزفت دى هروح فين بقى
اوعى تكون زعلت
سلام

استراحة محمد said...

ده انتوا عيلة جامدة بقى
تحياتى ليك ولخالك الفنان

مدحت محمد said...

قطة الصحراء

ميرسى بجد ليكى

walaa said...

انا كنت الاول الاول بحسبك بتتكلم عن الحب بس لا قيت سجادة الصلاه قلت اكيييد بيناجى ربنا
صح ولا لا
تحياتى ولاء

مدحت محمد said...

منى

حاضر
ههههههههههه
بس مالها الرومانسية يابنتى

دى حتى مضرة بالصحهههههههه

بس اوعدك ان شاء الله اقدم فيها حاجات حلوة

وتعجبكم باذن الله
تحياتى ليك ياباشا

مدحت محمد said...

استراحة محمد


تسلم ياباشا

مدحت محمد said...

ولاء

هههههههههههههههه

ده خالى مش انا اللى كان بيناجى ربنا