CLICK HERE FOR THOUSANDS OF FREE BLOGGER TEMPLATES »

Tuesday 1 July 2008

بذكر الله


من قلبك اوعى تقربها
تقول عايز منها تجربها
قلعة ايمانك تخربها
الدنيا دى لازم تحاربها


قلعة ايمانك كبرها
ترأسها وتبقى انت كبيرها
وبالذكر دى لازم تجبرها
والصلاة هى الاساس
تسجد بالروح والاحساس
تبقى انت من خيرة الناس

والهك اوعاك تنساه
لو تنساه برضه هينساك
لو نسيك مين يبقى معاك
اوعاك تنسى فى يوم مولاك

انا شايف واحد مغرور
بالذنب وماشى و فرحان
نفسى اخده فى رحلة للقبور
يبقاله عبرة فى اهل زمان


وحياتك روق ذوقها
بذكر الله هو اللى خلقها
تحس يوميها انك فى فلاح
لما تحس انك مرتاح
الله على دنيتك الله
لما هتحلى بذكر الله

29 comments:

kochia said...

حلو اوي يا مدحت
اكتر حتة عجبتني الاخيرة
وحياتك روق ذوقها
بذكر الله هو اللى خلقها
تحس يوميها انك فى فلاح
لما تحس انك مرتاح
الله على دنيتك الله
لما هتحلى بذكر الله

تحياتي

نعكشة said...

جميلة ماشاء الله


عجبتني شوية حتت

وبالذكر دى لازم تجبرها

تسجد بالروح والاحساس

نفسى اخده فى رحلة للقبور
^^^

انا عايزة اروح هناك
علي اتعظ

..
فيه مواضع مش عارفة الوزن فيها مش قوي زي الحتة دية


انا شايف واحد مغرور
بالذنب وماشى و فرحان
نفسى اخده فى رحلة للقبور
يبقاله عبرة فى اهل زمان

نفسي اخدة في رحلة للقبور ( طويلة
قوي علي رتم المقطوعة الشعرية)


دمت سالم
سلامون عليك

رئـــــيسـة حزب الأحلام said...

الموت خير موعظه لنا فى الدنيا
يذكرنا بنهايتنا الحتميه التى ننتظرها جميعا ولا ننسى نفسنا فى دنيا فانيه
تحياتى لك

Dr. Ibrahim said...

جميل

بارك الله فيك

د/هيما

مدحت محمد said...

kochia
ربنا ميحرمناش من تعليقاتك المشجعة دى يافندم

ربنا يكرمك

مدحت محمد said...

نعكشة

اممممممممممم

عندك حق

انا حتى لما جيت اكتبها لاقيت فيها صعوبة

تحياتى ليكى

مدحت محمد said...

رئيسة حزب الاحلام

ونعم بالله

مدحت محمد said...

DR/HEMA
ربنا يبارك فيك

الله يخليك

zOzO said...

حلو اوي يا مدحت
حلو
حلو
تسلم ايديك
فعلا عندك حق ف كل حاجه
ربنا ده احسن حد طبعا نستريح معاه
ربنا يجازيك كل خير
يارب

منى said...

الله الله
ومين ميحبش يبقى مرتاااح
ربما يكرمك يا مدحت على الكلام الجميل ده
ويهدينا جميعا لحد لما مش نحب الا اللى ربنا يحبه
ومش نستمتع اللى الا باللى ربنا يرضاه
تحياتى

موناليزا said...

جميلة جدا
تسلم ايدك
وما اجمل حياتنا بذكر الله

RaRa said...

الله يامدحت
جميلة اوى واجمل مافيها
انك بتتكلم عن الله

ربنا يوفقك دايما

أية الشقية الشعنونة said...

انتا فعلا متميز يا مدحت
فى كل بوست بشوفك واحد تانى
كلماتك متنقية صح
البوست اكتر من هايل
بجد ربنا يوفقك وتلاقى صدى
وجزاك الله خيرا

nahlaa abdo said...

فعلا موضوع جميل اخى مدحت بارك الله فيك...الا بذكر الله تطمئن القلوب..تحياتى

أمل فتحى عزت said...

حملة لرد الاعتبار
.....................
حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر
نطرق باب النابغةالدكتور /أسامة السعداوى لنعرف منه الحقيقة

قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا
ادخلوا الموقع الخاص بالعالم من على صفحة مدونتى الرئيسية
ولكم منى جزيل الشكر

WhItE HeArT said...

الله عليك يامدحت

وحياتك روق ذوقها
بذكر الله هو اللى خلقها
تحس يوميها انك فى فلاح
لما تحس انك مرتاح
الله على دنيتك الله
لما هتحلى بذكر الله

الله عليك بجد تحفه يامدحت

تحياتي ليك

رئيس جمهوريه نفسى said...

روعه يا مدحت بس المجمل للاسف فى ناس كتير بياخده العزه بالاثم ومهما يمر بيهم مش بتتعظ ربنا يهدينا وينور قلوبنا جميعا ان شاء الله

FaceMoon said...

حلو جدا ومش لاقية كلام اقولة اكتر من كدة
كلامك دايما جميل يامدحت ربنا يوفقك دايما
تحياتى

مدحت محمد said...

زوزو


ربنا يسعدك يارب

مدحت محمد said...

منى

ربنا يكرمك ويسمع منك يارب يامنى يارب

هنزل بوست عشان حضرتك طلبتى بس والله

مدحت محمد said...

موناليزا

ونعم بالله

مدحت محمد said...

رارا

ونعم بالله يارارا

ربنا يكرمك يارب

مدحت محمد said...

اية

يارب يخليكى يااية يارب

مدحت محمد said...

نهلة

ونعم بالله

ربنا يوفقك يارب

مدحت محمد said...

منى

على فكرة صح يامنىىىى

بجد كدة مش هكتب هنا كتيييييير

عشان اجبرك تزورى بقيت مدوناتى

وبالذات الرومانسية اللى انتى مش بتحبيها

مدحت محمد said...

امل

ربنا يجازيكى خير يارب

مدحت محمد said...

وايت هارت

عامل ايه فى السعودية ياواد

دعتلى قصاد الكعبة ولا لا

ربنا يتقبل منك يارب

مدحت محمد said...

محمود

اه انا فعلا بشوف ناس بتفرح وتتفاخر بذنوبها كتير اوى

لو يعرفو انهم فى يوم هيبقو تراب اعتقد مش هيعملو كدة

ربنا يكرمك يارب

مدحت محمد said...

وجه القمر

ربنا يسمع منك ويعزك يارب