CLICK HERE FOR THOUSANDS OF FREE BLOGGER TEMPLATES »

Saturday 23 August 2008

يارب الهمنا عمل يقربنا الى حبك

عندى عادة انى احب ادعى للناس اوى
عشان يردو لى الدعوة
يعنى
هقلكم مثل
احب حد اقله تأمرنى باى خدمة
عشان اسمع منه ربنا يحفظك او ربنا يكرمك
او اقول لحد ربنا يسعدك او ربنا يعزك
عشان يقلى يارب وانت كمان
فى ناس بقى
بتشلنى
اجى اقول لحد تأمر باى خدمة او عايز حاجة
يقوم يقلك شكرا
ايه شكرا دى
انا لما بسمعها بتصدم ياعم
انا عايزك تدعيلى مش تقلى شكرا
او تيجى تقول لحد ربنا يعزك
يقوم يقلك يارب
ماشى يارب
بس قول يارب وانت كمان
حتى
انا عارف انى الملائكة بتقول ولك مثل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
احسن حاجة انك تلتمس الدعاء من حد
اه جميل اوى
اه والله
تعرفو انا مرة كنت قاعد قصاد الكعبة
قلت يارب الهمنى عمل يخليك تحبنى
عارفين ربنا الهمنى ايه
انى اساعد الناس وانا فى الكعبة
وانا قاعد قام واحد راجل كبير قاللى يابنى هاتلى اشرب
رحت شربته مية زمزم
مش اى مية
وقام دعالى
ميعرفنيش ودعالى قصاد الكعبة
مش هقلكم كنت طاير من الفرحة ازاى
كمان واحد كان نازل من على السلم وقام متكعبل قبل مايقع قمت سندته
قعد برضه يدعيلى
اممممممممم حاجة كمان
كنت بملى زمزمية مية وراجل عجوز بيملى زمزمية بس تقيلة عليه قمت سندتهاله
وقعد يدعيلى
بجد انك تساعد الناس ده خير كبير اوى
وحسناته كبيرة اوى
بجد مساعدة الناس دى عبادة ليها لذة
لما تكون لوجه الله تعالى وتكون عايز ربنا يرضى عنك
وياسلام لما تسمع دعوة بقى بعد ماتساعد حد او تشيل عنه هم
بجد لو لله
هتحس بطعمها
ربنا يارب يرزقنا الاخلاص ويبلغنا رمضان
وكل عام وحضراتكم بخير

Wednesday 20 August 2008

مجموعة تيجان

بسم الله الرحمن الرحيم
هما كتير اوى الصراحة
نبتدى بالحاج حسن حنفى
س 1-أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟
وانا صغير حلمت ببلدى تتغير
فضلت احلم ببلدى تعيش
لاقيت الحلم لقمة عيش
وانا صغير
وهو رئيس
فقلت ازاى هتتغير
ولسة فى البلد تكويس
س 2-أذكر 5 أحلام على الأقل تخص مستقبلك ؟
ربى توفنى مسلما والحقنى بالصالحين
رضا الله
نفسى اتجوز زوجة صالحة
واجيب عيال عساسيل كدة
مش شبهى طبعا
بس كفاية كدة امانى

س 3-أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟
مش عارف

س 4-أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟
اللهم ارحم ابى يارب العالمين واغفر له
س 5-لمن تهدي هذا التاج
اممممممممم
للى بيحب سيدنا النبى وعايز يجاوب التاج
تاج تانى / من الحاج حسن حنفى
بدأت تدون من امتي ؟ و دخلت العالم ده ازاي ؟
بالظبط مش فاكر اليوم بس هو تقريبا
كان اوائل شهر يوليو 2007
يعنى اكتر من سنة
دخلته بالصدفة البحتة
كنت واقف فى طابور عيش طوووويل
قعدت ماشى ورا الصف
لحد لما لاقيت نفسى دخلت عالم التدوين
طبعا بارادة ربنا وعن طريق اختى شيماء فارس
هى عرفتنى عليه وانا بقى ربنا كرمنى وكملت وهى سابت التدوين
بقالها بتاع شهرين تقريبا ممكن اكتر

ايه كان انطباعك في البداية
عادى مكنتش فاهم حاجة
عارفين كنت بقعد اعبط فى المدونة تعبيط اه والله
ومش فاهم حاجة ولاعارف انى لازم اعلق واقرا لا
اكتب والسلام
وممكن اكتب اتغدينا ايه النهاردة
عادى يعنى
ولو والدتى نزلت تشترى طماطم برضه اكتب بوست عن الطماطم
عادى
مين اكتر واحد بتهتم بتعليقه علي بوستك الجديد ؟
ليه الرخامة دى بقى
الصراحة فى المدونة الرومانسية كنت بستنى تعليق رحيل
بس الحمد لله مسحتها خفت منها
فى السياسية
المستنصر بالله
فى البصيرة
منى وسلوى
ايه أهم حاجة اتعلمتها من عالم التدوين
النفاق
!!!!!!!!!!
بجد فى ناس بتدخل تكتب تعليق عشان انت ترد
وطريقة بقى التعليق ايه الجمال ده كله
وياسيدى ياسيدى
حتى لو حاجة عبيطة
ساعات انا بكتب حاجات اى كلام اووووووى
وتجيب تعليقات كتيرة اووووووووى
عشان اان علقت عند مدونين كتير
وساعات اكتب بوست بعتبره حلو
مش بيجيب تعليقات
خالص عشان مرحتش علقت
بس
ايه أكتر حاجة كرهتها ؟
بياكل وقت جامد اوى
حاسس ان التدوين له تأثير ؟
اه اكيد
التدوين بياثر على النظر القعدة قصاد كمبيوتر كتير غلط
بجد لو انى التدوين مالوش تاثير مكناش شفنا التلفزيون العربى اتكلم عليه
تهدى التاج لمين ؟
لماما وعمو وخالو وجميع الاهل والاقارب
ده على اساس انى لسة مدون جديد ومش فاهم يعنى ايه تهدى التاج لمين
طبعا نا بهديه على روح
يييييه
اقصد لكل اللى عايز يجاوبه بشرط انه يكون بيحب سيدنا النبى صلى الله عليه وسلم
وتاج جديد
لا هو قديم
من مدونة اسلام
نام يامصرى
نحب نعرف ايه التاج
س1 ايه معنى السعادة من وجهة نظرك وحاسس انك سعيد؟
القرب من ربنا سعادة بالغة
حاليا
تؤتؤتؤتؤتتؤتؤ
س2 حاسس انك ظلمت انسان وليه؟
اه ظلمت نفسى جامد اوى لما نسيت انا مخلوق ليه
بتعمل ايه لو حسيت انك متضايق بعد ماتصلى؟
عمرها ماحصلت الحمد لله
انا ممكن اطلع عادى من الصلاة او اطلع فرحان
لكن متضايق بعد ماقابلت ربنا
يبقى معنديش بتاع ده حاجة حمرا كدة
امتى حسيت انك اتظلمت
نفس الكلام
نفسى ولانى نسيت مخلوق ليه
س/ امتى تتنازل عن حق من حقوقك؟ وليه؟
لما اكون عبيط
ليه
عشان ...
مش عارف انا ايه الناس الىل بتحب تغلط دى
تمرره لمين التاج
شايفين كلمة تمرره دى؟
مش تحليه لا
تمرره
لان فعلا التاج مر
تاج برضه
زوزو
بص بيقول ايه التاج
من انت؟
انا الذى اغلق الابواب مجتهدا
على المعاصى وعين الله تنظرنى
انا العبد لله
مدحت محمد محمود
بس خلاص
تانى سؤال: بطاقتى الشخصية
امممم
السويس
اعزب ( مش عارف الموضوع ده هيطول ولا ايه
مسلم يارب ديمها علينا نعمة
/تاريخ الميلاد18/11/1982
المهنة
محام محترم فى هيئة غير محترمة
تالت سؤال : ماهى احلامك؟
قلتها قبل كدة بقى
الله
اقرب شخص ليك؟
اممممممممممممم
مش عارف
انتهى

Wednesday 13 August 2008

حب آخر

ينتظر الحب ويأمل فى احلى الاوقات



ويصير الليل نهارا فى عينيه ويسهر بالساعات


ينظر للقمر ويسرح من خلف الشرفات


يكتب بالقلم احبك يااحلى الوردات








يأتيه الهاتف من خلفه




انسيت الذكر والهتك اللذات








انسيت الصدقة والاحسان




واوقات الصلوات








تتحجر داخل عينيه




الاف الدمعات












الهاه الحب عن الذكر




ورسائل حب داخل هاتفه النقال








بالامس يصلى ويزكى




والان اذا سمع ايات الله لايبكى











يقول مللت صلاة الفجر


وذكر القبر


وادمنت الشهوات



وشعرت بانى محبوس


مسلوب كل الحريات



ومشيت وراء هوى نفسى


ونسيت الجنة


بعد قيام الليل


وذكر الله


افكر فى احلى الفتيات



موهوم داخل قصة حب


بنيت من وحى الخيالات


اعمدة القصة غائبة


والحارس تائه فى الظلمات


ونداء يعلو اسمعه


القلب الان احتضر ومات



الان الان افوق الان


واصعد داخل اجمل حب


لكن حب اخر اجمل


لاندريه ولانعلمه


حب الله


وحب رسول الله محمد


صلى الله عليه وسلم





Tuesday 12 August 2008

تاج

تاج جايلى من مدونة كلمتى
كلمتها هى مش كلمتى انا طبعا بشكرها عليه جداااااااااا
ماعلينا التاج بيقول
اذكر 6 اسرار قد لا يكتشفها من يقابلك لاول مره ؟
امممممممم
اول حاجة اى حد بيشوفنى بيفتكرنى ملتزم اقصد التزام دينى ودى مش حقيقة
تانى سر بقى ده محدش يعرفه خالص غير القريبين بس انى انا خطى زبالة
تالت سر بقى محدش يعرفه انى دموعى قريبة اوى بس استحالة ابكى قصاد حد
رابع حاجة انى متقلب جدا ممكن مرة اكون قريب من ربنا اوى وممكن ابعد برضه
خامس حاجة بزعل بسرعه وبروق بسرعه
اخيراااااااا هاااااااااااااا دى تنهيدة انى
انى
انى
برجوكم جدا انكم تدعو لوالد المدونة منى صاحبة مدونة احاسيس بان ربنا يفك كربها ويشفى والدها
يارب

Wednesday 6 August 2008

علشان تعرف انك عبد الله

انت عبد ربنا بس ناسى صح
الدنيا وخداك اوى
كل يوم خروج وسهر ونت ودش
وترجع تنام زى القتيل وتصحى تعمل نفس اللى عملته قبل كدة
مش قريب من ربنا
صح
عايز تقرب بس مش عارف
اصدقائك مش مساعدينك
الدش بعدك عن الصلاة
والنت كسلك عن الذكر
طيب ايه
هتقعد كدة كتير
انت ناسى انك عبد ربنا
طيب هو هيفكرك
هيبتليك بابتلاء
هتتعب منه اوى
هتقول يارب
اه لازم تقول يارب
شفت بقى انك عبد
هو لازم يعنى ربنا يزنقها عليك عشان تقله يارب
لا لازم فعلا عشان مغريات الدنيا
زغللت عنيك ودخلت قلبك
اه ربنا مبتليك ابتلاء جامد
قربت منه اكتر ودعيت اكتر
لحــــــــــد ماربنا فك عنك البلاء
ورحمك
امممممممممممم
رجعتى تعصاه تانى
وتنسى انك عبد لله
طب ليه
مانت كنت من شوية بتقول يارب
ايه اللى حصل بعد مافك عنك البلاء
ليه نسيته
مش خايف لحسن يبتليك بابتلاء تانى اصعب
انت امنت مكر الله
خلى بالك
ربنا يمهل ولا يهمل
متقلش فلان بيعمل وبيسوى
انا اجى جنبه ايه
خليك فى نفسك انت
خاف على نفسك انت
اممممممممم
المعصية دخلت قلبك ومش عايزة تخرج
كل ماتبعد عنها ترجعلها تانى
حاول تفتكر الابتلاء كدة
اه استحضرته بس مش زى الاول
انا فى الاول سبت كل المعاصى
انما دلوقتى مش عارف بجد
اممممممممممم
طب الف مبروك
قلبك مات
ذنوبك موتت قلبك
امممممممممم
نفسك يفوق
طب اعمله ريفرش
تعرف تقول
لا اله الا الله
طيب قولها كتير
تقيلة على لسانك صح
مش متعود تقلها كتير
خايف تقولها تبطل معصية
وانت بتحب المعصية
وعايز تقلها يمكن ترجع زى الاول
وتبقى كويس
هتستنى ترجع لربنا لما يجيلك ابتلاء طيب
ولا ترجع من دلوقتى
طيب انا هسيب كل واحد مننا يرد بينه وبين نفسه على السؤال ده

Saturday 2 August 2008

مدينة رسول الله تناشدك عدم التدخين

كل لما اشوف حد بيدخن افتكر الجملة دى

مدينة رسول الله تناشدك عدم التدخين

الجملة دى شفتها فى لوحة كبيرة اوى على برج عالى اوى فى مدينة رسول الله

ولما كنت اشوف حد فى المدينة بيدخن وافتكر الجملة دى ابكى

لحد لما جيت مصر

انا تقريبا تلت ارباع زمايلى مدخنين
قعدت انصحهم لحد مافقدت الامل والله
وكنت بقلهم الجملة
واذكرهم بالله كتير

لحد لما حسيت انهم اتفقعو منى ههههههه

وكانو يقلولى انت شيخ مش عارف ايهههه


واللى منعنى من التدخين بجد الجملة دى مش خوف على صحتى بالعكس
انا بعترف انى مهمل فى صحتى جدا
بس الجملة دى بجد ليها اثر معايا جامد جدا


حسيت انى المدينة اطهر مكان فى الارض على ساكنها افضل صلاة وسلام
من الله تبارك وتعالى

بتتأذى من دخان السجاير

كنت اعتقد لو حد حس الاحساس ده
انى المدينة بستغيث من دخان السجاير عمره ماهيشربها طول عمره ولا هيطيق ريحتها فعلا
ولاجوة المدينة ولا برة المدينة
هى مالهاش لازمة مش عارف الناس بتشربها ليه بجد
هى كل اللى بتعمله بتدمر الصحة وانا شفت ناس كتير اتأذت بسببها

ربنا يارب يبعدنا عنها وعن دخانها

ونزور المدينة تانى ونشوف الجملة تانى

ونصلى على سيدنا محمد صلى الله عليه وسلم

فى مقامه صلى الله عليه وسلم