CLICK HERE FOR THOUSANDS OF FREE BLOGGER TEMPLATES »

Wednesday 6 August 2008

علشان تعرف انك عبد الله

انت عبد ربنا بس ناسى صح
الدنيا وخداك اوى
كل يوم خروج وسهر ونت ودش
وترجع تنام زى القتيل وتصحى تعمل نفس اللى عملته قبل كدة
مش قريب من ربنا
صح
عايز تقرب بس مش عارف
اصدقائك مش مساعدينك
الدش بعدك عن الصلاة
والنت كسلك عن الذكر
طيب ايه
هتقعد كدة كتير
انت ناسى انك عبد ربنا
طيب هو هيفكرك
هيبتليك بابتلاء
هتتعب منه اوى
هتقول يارب
اه لازم تقول يارب
شفت بقى انك عبد
هو لازم يعنى ربنا يزنقها عليك عشان تقله يارب
لا لازم فعلا عشان مغريات الدنيا
زغللت عنيك ودخلت قلبك
اه ربنا مبتليك ابتلاء جامد
قربت منه اكتر ودعيت اكتر
لحــــــــــد ماربنا فك عنك البلاء
ورحمك
امممممممممممم
رجعتى تعصاه تانى
وتنسى انك عبد لله
طب ليه
مانت كنت من شوية بتقول يارب
ايه اللى حصل بعد مافك عنك البلاء
ليه نسيته
مش خايف لحسن يبتليك بابتلاء تانى اصعب
انت امنت مكر الله
خلى بالك
ربنا يمهل ولا يهمل
متقلش فلان بيعمل وبيسوى
انا اجى جنبه ايه
خليك فى نفسك انت
خاف على نفسك انت
اممممممممم
المعصية دخلت قلبك ومش عايزة تخرج
كل ماتبعد عنها ترجعلها تانى
حاول تفتكر الابتلاء كدة
اه استحضرته بس مش زى الاول
انا فى الاول سبت كل المعاصى
انما دلوقتى مش عارف بجد
اممممممممممم
طب الف مبروك
قلبك مات
ذنوبك موتت قلبك
امممممممممم
نفسك يفوق
طب اعمله ريفرش
تعرف تقول
لا اله الا الله
طيب قولها كتير
تقيلة على لسانك صح
مش متعود تقلها كتير
خايف تقولها تبطل معصية
وانت بتحب المعصية
وعايز تقلها يمكن ترجع زى الاول
وتبقى كويس
هتستنى ترجع لربنا لما يجيلك ابتلاء طيب
ولا ترجع من دلوقتى
طيب انا هسيب كل واحد مننا يرد بينه وبين نفسه على السؤال ده

24 comments:

Ahmed Kamal said...

كلنا عبد الله و ناسي ، أشكرك على التذكرة ..

حسن حنفى said...

ياااااااااااااه

لو كل انسان وعي معني لكلمه دي

مش هيبقي ده حالنا

سارة على said...

كلامك صح يا مدحت
احنا فعلا بعيد وعاوزين نقرب ونقرب ونبعد بس عارف دايما كل ما اى بنى ادم يبعد هيلاقى شىء يقربة ربنا رحيم اوى بعبادة
تحياتى

سارة علي said...

مدحت
انا غيرت التمبيلت تانى عجبنى واحد تانى ادخل شوف المدونة كدة ؟
صحيح في شوية حاجات عاوزين نناقشها بخصوص النشر فى المدونة .. عشان البوستات تاخد حقها فى القراية
صحيح عاوزين ننزل نشيد على المدونة يشتغل لما اى حد يفتح المدونة انا معرفش ازاى انزل صوت على المدونة
تحياتى

مدحت محمد said...

احمد كمال

ربنا يكرمك يارب

مدحت محمد said...

حسن

اه عندك حق فعلا ياحسن ربنا يكرمك يارب

مدحت محمد said...
This comment has been removed by the author.
مدحت محمد said...

عندك حق ياسارة

اديكى شفتى بعينك اللى حصلك

وانتى فى الاتوبيس

ربنا يقربك منه اكتر واكتر يارب

بقلك

انا رديت عليكى يابنتى

فى مدونة
نور الجنة
بوست
انها ارادة لله
عشان اولا عاوزك فى حاجة

ثانيا

نظبط المدونة مع بعض

رئـــــيسـة حزب الأحلام said...

كلام جامد جدا وصراحة متناهيه مع النفس
احييك جدا عليها
تحياتى لك

مدحت محمد said...

سلوى باشا

تسلمى يارب

TIMMY !! said...

اممممم
يعين أنا بايظ بايظ بقى ؟؟

و اللي انكسر مش بيتصلح ....

أنا كنت قرأت كلام لابن الجوزي من كام يوم

( ليس من رقع وخاط كمن ثوبه صحيح ، وكم من شخص زلت قدمه فما ارتفعت بعدها ، ورب عظم هيض لم ينجبر ، فإن جبر فعلى وهن ) صيد الخاطر ص 183

ربنا يسترها عليينا و نعدي الدنيا دي عليى خير ..

لأني مرقع و مخيط و حالتي بايظة خالص ..

ربنا يهدينا ...

و شكرا على الموضوع ده ..

Desert cat said...

وذكر فان الذكرى تنفع المؤمنين
ملاحظة روحنايتك عاليةالايام دى
ربنا يديمها عليك نعمة ويرزقنا اتباعها
تحياتى

موناليزا said...

تذكرة رائعة والاجمل انها من شاب فى مقتبل الحياة
ربنا يعزك ويثبتك
ويهدينا جميعا الى مافيه رضا الله وطاعته

كلمتى said...

بجد ربنا يجعله فى ميزان حسناتك

وان شاء الله هيجازيك خير عشان كل اللى اتاثر بكلامك

بوست جميل جداً

وعلى فكره ليك تاج عندى

مش هتيجى تاخده ولا ايه ؟

مدحت محمد said...

احمد باشا كمال

ربنا يبارك فيك يارب

مدحت محمد said...

حسن

اكيد حسن

ربنا يعزك

مدحت محمد said...

سارة

عارفة ليه ياسارة

عشان ربنا رحمته واسعه


ربنا يبارك فيكى يارب

دمتى اخت عزيزة

مدحت محمد said...

TIMMY

اكيد

بس مفيش انسان مبيغلطش

وربنا يارب يتوب علينا كلنا

مدحت محمد said...

ديزيرت

تعرفى الحمد لله رب العالمين

كل سنة اجى فى الاوقات دى والاقى ربنا بيقربنى ليه

بس الحمد لله رب العالمين

ربنا يديمها نعمة

مدحت محمد said...

موناليزا


ربنا يعزك يارب ويكرمك

ويثبتك

مدحت محمد said...

كلمتى

ايون شفته

هجاوبه حاضر من عنيا


تسلمى يارب

سلوى said...

الله يا مدحت
بوست جميل جدا

وقفه مع النفس كلنا محتاجينها

ربنا يجازيك كل الخير

مدحت محمد said...

ربنا يكرمك ياسلوى يااااااااااارب

مدحت محمد said...

متعطل عن النت لفترة يعلمها الله تعالى