CLICK HERE FOR THOUSANDS OF FREE BLOGGER TEMPLATES »

Wednesday 20 August 2008

مجموعة تيجان

بسم الله الرحمن الرحيم
هما كتير اوى الصراحة
نبتدى بالحاج حسن حنفى
س 1-أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟
وانا صغير حلمت ببلدى تتغير
فضلت احلم ببلدى تعيش
لاقيت الحلم لقمة عيش
وانا صغير
وهو رئيس
فقلت ازاى هتتغير
ولسة فى البلد تكويس
س 2-أذكر 5 أحلام على الأقل تخص مستقبلك ؟
ربى توفنى مسلما والحقنى بالصالحين
رضا الله
نفسى اتجوز زوجة صالحة
واجيب عيال عساسيل كدة
مش شبهى طبعا
بس كفاية كدة امانى

س 3-أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟
مش عارف

س 4-أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟
اللهم ارحم ابى يارب العالمين واغفر له
س 5-لمن تهدي هذا التاج
اممممممممم
للى بيحب سيدنا النبى وعايز يجاوب التاج
تاج تانى / من الحاج حسن حنفى
بدأت تدون من امتي ؟ و دخلت العالم ده ازاي ؟
بالظبط مش فاكر اليوم بس هو تقريبا
كان اوائل شهر يوليو 2007
يعنى اكتر من سنة
دخلته بالصدفة البحتة
كنت واقف فى طابور عيش طوووويل
قعدت ماشى ورا الصف
لحد لما لاقيت نفسى دخلت عالم التدوين
طبعا بارادة ربنا وعن طريق اختى شيماء فارس
هى عرفتنى عليه وانا بقى ربنا كرمنى وكملت وهى سابت التدوين
بقالها بتاع شهرين تقريبا ممكن اكتر

ايه كان انطباعك في البداية
عادى مكنتش فاهم حاجة
عارفين كنت بقعد اعبط فى المدونة تعبيط اه والله
ومش فاهم حاجة ولاعارف انى لازم اعلق واقرا لا
اكتب والسلام
وممكن اكتب اتغدينا ايه النهاردة
عادى يعنى
ولو والدتى نزلت تشترى طماطم برضه اكتب بوست عن الطماطم
عادى
مين اكتر واحد بتهتم بتعليقه علي بوستك الجديد ؟
ليه الرخامة دى بقى
الصراحة فى المدونة الرومانسية كنت بستنى تعليق رحيل
بس الحمد لله مسحتها خفت منها
فى السياسية
المستنصر بالله
فى البصيرة
منى وسلوى
ايه أهم حاجة اتعلمتها من عالم التدوين
النفاق
!!!!!!!!!!
بجد فى ناس بتدخل تكتب تعليق عشان انت ترد
وطريقة بقى التعليق ايه الجمال ده كله
وياسيدى ياسيدى
حتى لو حاجة عبيطة
ساعات انا بكتب حاجات اى كلام اووووووى
وتجيب تعليقات كتيرة اووووووووى
عشان اان علقت عند مدونين كتير
وساعات اكتب بوست بعتبره حلو
مش بيجيب تعليقات
خالص عشان مرحتش علقت
بس
ايه أكتر حاجة كرهتها ؟
بياكل وقت جامد اوى
حاسس ان التدوين له تأثير ؟
اه اكيد
التدوين بياثر على النظر القعدة قصاد كمبيوتر كتير غلط
بجد لو انى التدوين مالوش تاثير مكناش شفنا التلفزيون العربى اتكلم عليه
تهدى التاج لمين ؟
لماما وعمو وخالو وجميع الاهل والاقارب
ده على اساس انى لسة مدون جديد ومش فاهم يعنى ايه تهدى التاج لمين
طبعا نا بهديه على روح
يييييه
اقصد لكل اللى عايز يجاوبه بشرط انه يكون بيحب سيدنا النبى صلى الله عليه وسلم
وتاج جديد
لا هو قديم
من مدونة اسلام
نام يامصرى
نحب نعرف ايه التاج
س1 ايه معنى السعادة من وجهة نظرك وحاسس انك سعيد؟
القرب من ربنا سعادة بالغة
حاليا
تؤتؤتؤتؤتتؤتؤ
س2 حاسس انك ظلمت انسان وليه؟
اه ظلمت نفسى جامد اوى لما نسيت انا مخلوق ليه
بتعمل ايه لو حسيت انك متضايق بعد ماتصلى؟
عمرها ماحصلت الحمد لله
انا ممكن اطلع عادى من الصلاة او اطلع فرحان
لكن متضايق بعد ماقابلت ربنا
يبقى معنديش بتاع ده حاجة حمرا كدة
امتى حسيت انك اتظلمت
نفس الكلام
نفسى ولانى نسيت مخلوق ليه
س/ امتى تتنازل عن حق من حقوقك؟ وليه؟
لما اكون عبيط
ليه
عشان ...
مش عارف انا ايه الناس الىل بتحب تغلط دى
تمرره لمين التاج
شايفين كلمة تمرره دى؟
مش تحليه لا
تمرره
لان فعلا التاج مر
تاج برضه
زوزو
بص بيقول ايه التاج
من انت؟
انا الذى اغلق الابواب مجتهدا
على المعاصى وعين الله تنظرنى
انا العبد لله
مدحت محمد محمود
بس خلاص
تانى سؤال: بطاقتى الشخصية
امممم
السويس
اعزب ( مش عارف الموضوع ده هيطول ولا ايه
مسلم يارب ديمها علينا نعمة
/تاريخ الميلاد18/11/1982
المهنة
محام محترم فى هيئة غير محترمة
تالت سؤال : ماهى احلامك؟
قلتها قبل كدة بقى
الله
اقرب شخص ليك؟
اممممممممممممم
مش عارف
انتهى

19 comments:

حسن حنفى said...

ماشي ياعم مدحت

ضحكت علينا

حليت التلات تيجان ولا اكنهم واحد

وهربت من اسئله كتييييييير

بس يلا مش مهم

المهم انك حليته وانا هبقي اعرف منك الاجابات علي انفراد

:d

كـــيــــــــارا said...

اشطه اجابات جميله جدا

وبعدين ياحسن انت مش بتعتق خالص

ايه هرب دي يالهوي كل ده ومش عاجبك

ربنا يوفقكك يامدحت يارب


تحياتي

كيارا

فراشة البساتين said...

عارف

انا بتفق معاك فى حكاية النفاق دى

فعلا فى ناس تيجى تعلق عندك عشان تثبت وجودها وخلاص

لضمان اكبر قدر من التعليقات

مع ان هى لو بالشكل ده يبقى ما لهاش لازمة وقلتها احسن وساعات والله مش بيكونوا قروا الموضوع اصلا


انا رايى عدد التعليقات مش مقياس شهرة المدونة

انا فى مدونة ممكن ادخلها مرة وانساها
ومدونة تفضل معلقة فى دماغى واكون حريصة على زيارتها باستمرار لانها سابت علامة معايا

ومش بهتم بكم التعليقات قد ما بهتم بجديتها ونفسى الناس كلها تفهم كده
----------------------------------

اما بالنسبة لباقى احلامك
فانا بقدملك خالص امنياتى ودعواتى بالتوفيق فيها باذن الله

PrInCeSS BeRy said...

هاى يا دوحة جاوبت على التاج بذكاء مقلتش الا اللى انت عاوز تقولة بس ههههههههه بس تاج حلو

Unknown said...

السلام عليكم ورحمة الله وبركاته
كده انت حيرتنا يامحامى المدونة وصاحبها
لو قلنا الاجابات حلوة يبقى احنا بنافق وعايزينك تيجى ترد علينا فى مدونتنا
ولو قلنا وحشششششششششششششششششششة تبقى قلة ذوق و(جليطة بردون يعنى) وكمان كذب لان الحقيقة الاجابات حلووووة اوى وتحس بالصدق والتلقائية فيها
(بجد مش نفاق)

منى said...

على فكره انا كنت هنزل بوست التاجات المتاخره برضه وبعد ما جهزته اجلته ونزلت البوست الاخير والله كنت هجاوب تاجاتك تانى زى ما قلت
ربنا يحقق لك احلامك ويثبتك

افكرك بحاجه، فاكر لما قلت عايز تلغى مدونه البصيره وقتها انا زعلت بجد
سبحان الله انت حذفت المدونات التانيه والبصيره هى اللى فضلت

حكايه التعليقات المجامله زياده عن اللازم دى فعلا واضحه اعتقد ان عدمها احسن بس اعتقد كل واحد بيقدر يعرف مين بينافق ومين فعلا بيقول اللى حاسه
تحياتى

طوبه فضه وطوبه دهب said...

ههههههههههههههههه , الاجابات جميلة وخصوصا بتاعت النفاق دى , وبعدين الاحلام عندك قليلة اوى , الواحد لما بيصدق حد يقوله حلمك ايه , ويقول إن شا الله ما عن حد حوش ويكتر من ابو بلاش اووووووى , ردود واجاباتك حلوة , ومش نفاق على فكرة ههههههه

مدحت محمد said...

ابو على

ههههههههههههههههههه

ماشى يامعلمى

مدحت محمد said...

كيارا

قليله قليله

ربنا يكرمك يارب

مدحت محمد said...

fire bird

ربنا يكرمك يارب


انا لازلت معترض على الاسم على فكرة

مدحت محمد said...

عبير


تسلمى ياعبير يارب

مدحت محمد said...

نورهاتى

لا طبعا ههههههههههههه


ربنا يعزك يارب


ويحفظك

مدحت محمد said...

منى


اه فاكر

دى منسهاش ابدا

انا اريد وانت تريد

والله سبحانه وتعالى

فعال لما يريد


احنا عبيد لله عز وجل

ولازم نسلم لامر الله


لانه كل مايريده لنا هو كل خير

اما موضوع الىل بيدخلو ينافقو

بيبقى الموضوع واضح فعلا

مدحت محمد said...

طوبة ذهب وطوبة فضة


ههههههههههههه


ربنا يعزك يارب


انا عارف اللى بيخاف من النفاق هو المنافق لكن الىل بيعمل حاجة لوجه الله

مش بيحط النفاق فى باله اصلا


تحياتى وتقديرى

زى الهوا said...

fr7ana fik gdnnnnnnnn < kol eltagat btt7df 3lik . zy ma oltilk 2bl keda da mn a3malk

bs k3dtk bt3rf tgawb bedoblomasia ,

yala rbna yof2k we t722 kollllllllll a7lamk

kol sna we anta tib 3lshan Ramdan

عالم حبيب said...

أول مرور لي بمدونتك الجميلة دي .. فرصة نتعرف عليك من خلال الأسئلة والأجوبة الصريحة جدا .. نتواصل على خير ان شاء الله

تقبل تحياتي

مدحت محمد said...

ماشى ياختى ههههههه


بجد ياموحة زعلان منك


انتى هتفتحى مدونتك امتى بقى

منتظرين الافتتاح بقى


وكل سنة وانتى بخير وسعادة يارب


وربنا يبلغنا انا وانتى رمضان يارب

مدحت محمد said...

عالم حبيب

ده شرف ليا اكيد


نورتنى

ربنا يكرمك يارب

سلوى said...

انا الذى اغلق الابواب مجتهدا
على المعاصى وعين الله تنظرنى

الجمله دي يا مدحت رائعه لأبعد مدى فيها قوة وضعف في نفي الوقت
فيها إنسان
**************
عالم التدوين ملئ بالنفاق

بياكل الوقت

صح جدا جدا
******************
فيك شئ إختلف يا مدحت
شئ أتهدم وشئ اتبنى

ربنا يثبتك ويوفقك ويحقق كل أحلامك

سعيده إن تعليقي ومنى بيهمك
إنت كمان أخ بنحترمه
أقولك على شئ بس أوعى تقول لمنى :)

كنا في رحله عائليه وكنت أنا ومنى والمجموعه بنتمشى
فوقف البعض يشتري أشياء ما
وسندت أنا ومنى على عربيه
فقلنا يارب صاحب العربيه مايجي الوقت
ولا يمكن يطلع أحد الأخو المدونين
يطلع مين .. يطله مين
قلنا مدحت :)
شفت كنا فاكرينك أهو وقلنا حتى العربيه ترحمك من المواصلات واللي بيحصل فيها

إنت فعلا أخ يا مدحت
دمت بكل الخير