CLICK HERE FOR THOUSANDS OF FREE BLOGGER TEMPLATES »

Saturday 27 December 2008

مبروك يامنى

ظروف خطوبتى انا بقى
هى اولا خطوبة خالية من الرومانسية
قبلها كنت عايش فى مدينة الحب
سببتلى الم نفسى شديد
لما خرجت منها
هى كانت مدونة للعلم
وكنت دايب فيها جامد جدا
بس هى مقدرتش الحب ده
اختارت هدفها
انها تعبش فى القاهرة
وطبعا مكانش ينفع
اسيب بلدى
هى بدت طموحها على
بس القدر والنصيب
هى كانت بتجيلى وبفكر فيها
وانا بصلى
بس النصيب
بس
قلت اخرج من الازمة دى ازاى
خطبت بنت خالتى
كنت قاعد فى الخطوبة مش حاسس باى فرحة
ومرة بكلم خطيبتى
فقلتلها يافلانة
راحت قالتلى مين فلانة دى
المهم
صليتم ع النبى

27 comments:

موناليزا said...

مش عارفة اباركلك على الخطوبة ولا ألومك عليها
طب بذمتك بنت خالتك ذنبها ايه تظلمها معاك وانت مش حاسس بيها ولا بتحبها من اصله
عايز تنسى حبيبتك بنت خالتك مالها؟
ياريت تضع نفسك مكانها لو اكتشفت انها عايزة تنسى حد تانى بيك
فكر كويس وبلاش تداوى قلبك بجرح قلب تانى

WhItE HeArT said...

دوحا ياصاحبي

والله منا عارف ان كنت متضايقك وله ايه بالظبط فياريت لو ضايقتك في حاجة تقول لي لإني مبحبش اضايق حد

اما بمناسبة الموضوع فانا مش عارف اقول لك ايه لكن يامدحت انته عقلك كبير زي قلبك ولازم تعرف انك متظلمش قلب معاك ملوش ذنب في كل ده

تحياتي

only spot said...

سلام عليكم
انت عارف رايى ومش محتاج اكتبه تانى مش عندى غير بليز فوق من الحاله دى الدنيا مبتستناش حد بلاش تخسر نفسك اكتر من كده
سنه سعيده عليك
تحياتى

سلوى said...

كل سنه وانت طيب يا مدحت

بلاش تسييح ع النت يا

وكنت خد وقتك .. قبل ما تبدأ حياه جديده

شكل البوست بتاعك له تكمله

ربنا يهديك للي فيه الخير

وطبعا مبروووك لمنى :)
طلعت دعوتك مستجابه أهو
لأنك دعيت لها في البوست اللي فات :))

منى said...

مدحت اخويا العزيز
انا العنوان؟؟؟؟
ربنا يبارك فيك ويسعدك
ويبعد عنك الشيطان
ويجمع بينكم فى خير وود

ويرزقك خير الدنيا وفردوس الجنه

تعرف لما قلتلك ليه كاتب خبر الخطوبه على الهامش وعايزين التفاصيل كنت حاسه انك مش فرحان وحتى قلت لسلوى الموضوع ده فيه حاجه مش طبيعيه

زى ما اللى قبلى قالوا
اوعى يا مدحت تداوى جرحك بانك تجرح حد تاى
انا عارفه انك طيب وعمرك ما هتقصد تاذى حد بس حاول تشوف مميزاتها انا متاكده انها فرحانه اوى بالحطوبه مش بنت خالتك دى اللى كانت جبتلك هديه قبل كده
صدقنى كل ما تحاول تسعدها هتلاقى نفسك سعيد

اه بالمناسبه لما اتخطبت انا وسلوى برضه جبنا فى سيرتك وقلنا مدحت دعوته مستجابه بس عشان اسمى جه الاول قبل سلوى فى الدعوه انا اتخطبت الاول
عقبال سلوى يارب
ابقى طمنا عليك
تحياتى ودعوااااتى

أنا حر said...

استعجلت ليه يا صاحبي ؟؟؟
مكنش ينفع تتصرف بالشكل ده لانك كده هربت بس اتمنالك التوفيق في كل حياتك واتمنالك عبور الازمة
تحياتي

ميرا ( وومن ) said...

مدحت

معقول

معقول انت اللي تفكر بالطريقة دي وبنت خالتك فعلا ذنبها ايه

ايه المشكلة اننا فشلنا في تجربة دة مش معناه اننا نطبق مبدأ وداوها بالتي كانت هي الداء

حاول ترجع لنفسك يا مدحت وبسرعه

مش هاقول اكتر من كدة

kochia said...

اخي العزيز
الكلام الان يمكن يكون بلا معني
لكن
الكبت وسيلة طبعا جيدة من وسائل النسيان
وده اللي انت عملته

لكن انت استخدمت اداة للكبت .. هي انسان
صعب تبقي سعيد
وهي صعب تبقي سعيدة
كان ممكن لو تمت الخطوبة دي بعد فترة نقاهة كافية لمحاولة البدء من جديد

ربنا يلهمك حسن التتفكير والتصرف دائما

عاوزة اقول اكتر من كدة بس مش مجاله بصراحة

واتمني لك السعادة في كل الاحوال
تحياتي

كيكى عوووووو said...

علية افضل الصلاء والسلااام
***************************
اووووووووووووووووووووووووووبة
الاسطى بتاعى فى مشكلة كبيرة؟؟؟
اية دة الى انا قريته**
مش مصدقة
اولا: يعنى سبت حبيبتك الاولنى علشان هتعيش فى القاهرة وان دة كان هدفها؟؟؟
طب هو الى مش بيحب حد لمة بيضحى لمة بيتنزل..بكلم عليكم انتوا الاتنين لانى معرفش الموضوع بالتفصيل
ثانيا:فى حالة انك خرجت من الارتباط دة كان المفروض تدى نفسك فرصة كبيرة وراحة للتفكير
ومش علطول ترتبط
ثالثا: مش معنى انك تخرج من ارتباط تروح ارتباط تانى علشان تنسى
رابعا: انت غلطان غلطان غلطان اعذرنى انى بقول كدة معلش يامدحت انت كدة ظلمت بنت خالتك***اذا كان من اولها بتنطق اسمها غلط امال بعد كدة اية؟؟؟!!!*
مش عارفة بجد اقول اية غير انى بجد زعلانة جدا جداا ومضايقة علشان انت حالتك النفسية كدة هتسوء تانى يا اسطى
******** فكر واستهدى بالله كدة وان شاء الله خير**
قرر من جديد
لازم تقرر
فكر كدة خد نفس عميق
وفكر
فكر
فكر
ربنا يصلح حالك ويهديك ويشفيك ويسعد قلبك دايما
عووووووووووووووووووووو

سندريلا said...

صعبتداوى جرح بجرح ولو انت مش عارف تتاقلم مع قريبتك يبقى بلاش تظلمها لان كما تدين تدان واصعب احساس ان البنت تحس ان الولد ارتبط بيها عشان ينسى وشكرا تحيتاتى لك/ سندريلا

حسن حنفى said...

...........
.................
..............

صمت طويييييييييييييييييييييييييل

اعد التفكير

ريمان said...

هههههههههههههه


عليه الصلاه والسلام

بقولك ايه يا مدحت

صلى ع النبى كده وروق خالص

اه محدش واخد منها حاجه

وحاول تحب خطيبتك وتعيش من تانى جو الرومانسينه

تعرف انى كنت مجهزه بوست حلو كده هديه ليك بمناسبه خطوبتك عباره عن رومانسه برضه كنت هعمله اهداء ليك ولخطيبتك

بس انت بصراحه صديت نفسى والله

ريمان said...

اوعى بنت خالتك تشوف البوست ده

خلى بالك عشان مش تجرحها

البت المشمشية حلوة بس شقية said...

بص يامدحت
هقولك حاجة
انتا اولا مكنش مفروض تخطب واحدة وانتا لسه عقلك وقلبك مع واحدة تانية
بس خلاص بدال دخلت فى الجد حاول تنسى البنت دى وتحب خطيبتك لانها مالهاش ذنب
وعامل ربنا فيها
وبلنسبة للاخت التانيه
اللى يبعك بيعو ومتندمش فى يوم عليه

مدحت محمد said...

موناليزا

مدحت محمد said...

محمد شيماء
سلوى
منى
متفق معاكم ومحتاج دعاكم
وميرسى على تعليقاتكم
انا حر
كيكى
وومن كوشيا
ميرسى للنصيحة

المعتصم said...

بسم الله الرحمن الرحيم
السلام عليكم ورحمة الله وبركاته
اللهم صلى وسلم وبارك وزد وانعم على سيدنا محمد
المدونة بتاعتك دى شكلها عاوزة قاعد طويلة شوية وربنا يسهل
بس موضوع انك تخرج من قصه حب تدخل فى خطوبة على طول كده دا مش قادر اقتنع بيه
ازاى تعمل كده انت بتظلم بنت خالتك وكمان بتظلم نفسك
على العموم قدر الله وماشاء فعل
بس شوف ياصاحبى
ماهو انت يا إما تحاول بقى تخرج من اللى انت فيه ده وتنسى وتحاول تحب بنت خالتك بقى وخلاص تخليها هى الوحيده اللى فى قلبك يا إما تسيبها وحرام عليك تعذبها معاك لو مكنتش هتقدر انك تنفذ الخيار الاولانى
انا مش فاهم حاجه من اللى انا قلته(عارف انت الصعايده عندهم مشكله فى الفهم شوية)بس عاوزك تفكر شوية مع نفسك وتقرر
تقبل تحياتى ومرورى

المعتصم said...

اه معلش نسيت
الف مبروك لمنى وعقبال سلوى ان شاء الله

mnoon said...

السلااااااام عليكم

أولاً مبروك لمنى
ثانياً إنت خلاص خدت خطوه
فلازم تكون قدها ونص
إنسى اللى فات وحاول تعيش الحاضر
بص لخطيبتك بعين تانيه
بصلها كأنك عمرك ما حبيت
بصلها وقول دى نصيبى
دى اللى ربنا أختارهالى
وإرضى بيها بس متغصبش نفسك عليها
دور على الحب معها مش إحتمال تلاقيه

بيقولوا من روعه الحب نكاد لا نصدق إن أمراً رائعاً مثله من الممكن أن يحدث مرتين ولكنه قد يحدث وبكل بساطه

وزى ما قلتلك متغصبش نفسك عليها
لو حسيت إنك هتظلمها بإرتباطك بيها
يبقى خليها تفضل بنت خالتك وبس

ربنا يوفقك

بسبوسة said...

فينك طمنا؟

حرة المداد said...

هل البصيرة ان في نفس يوم العدوان على غزة يكون هو ده موضوعك؟!وزعلان من بنت أختك اللى عندها 3 سنوات؟!

رحــــيـل said...

كده انت بتظلمها وبتظلم نفسك
الدنيا مش بتقف على حد يامدحت
كله بيعدى بجد
واللى بنعتقد ان مش هنقدر نعيش من غيره وحياتنا بتقف عشانه
بعد كده بحس انه كان وهم وان مش يستاهل ولا يستحق اى حب ولا حتى لحظة ندم عليه
خد وقتك اعتبرها فترة نقاهه مش هتخسر شئ لما تتألم فترة بس بعد كده تختار صح
وتحب تانى من جديد

فكر كويس

مدحت محمد said...

المعتصم
عارف انا حاسس انى دخلت جوة صندوق ومش عارف اخرج منه

مدحت محمد said...

بعد ايه ياموناليزا

مدحت محمد said...

بسبوسة

لسة حى بقضل الله

مدحت محمد said...

حرة المداد

حاضر هرد على حضرتك

مدحت محمد said...

رحيل

المشكلة الزكريات مبتمتش