طويلة ومعرشة
تخينة ومكرشة
على طول مدندشة
من الفجر للعشا
جميلة وكويسة
شغالة مدرسة
هتعلمك الهبل
والعبط
والعته
متخدهاش احسن لك
صدقنى دى هتذلك
واكيد هتجرسك
والناس تستنقصك
هتخلى عينيك عورة
وتلعب بيك كورة
هتخليك زى اللوح
تفضل على طول مجروح
عينيها مبقللة
وايديها قنبلة
هتموتك بدرى
والناس وراك تجرى
خد بالك من نفسك
دى هتنسيك اسمك
طويلة ومعرشة
تخينة ومكرشة
شغالة مدرسة
على طول مهيسة
17 comments:
ههههههههههههههههه
ايه ده فى عرايس كده
وده بقى عشان هى مدرسة ولا عشان طويلة ومدندشة:)
ههههههههههههههههههههههه
دى مسابقه بايرة دى ولا ايه
ريمان
ههههههههههه
لا يابنتى انا بتريق
موناليزا
لا يابنتى عشان مكرشة
/:)
البت المشمشية
انا جايلكم اجوزلكو عيالكو
انت ياواد ياشلاطة
ههههههههههه
ده عاوز يتقال له
بصلها كويس يا احمد
ده كان اعلان قديم للنضارات
وكلامك فكرنى بيه
ابيات جميله
ومعبره عن نوعيه من الجواز
ربنا ما يكتبع علينا
رامى
ربنا مايكتبها علينا يارب
نورتنى بزيارتك
هههههههههههه
هانا ضحكت ضوحك
ايه ده
في كده
طيب المدرسين الوقت هيعملوا فيك ايه
ربنا يستر بقى
:)
بس هي المشكله فين
في انها مدرسه ولا ايه؟؟
سلوى
ههههههههههه
انا بينى وبينك مبحبش المدرسات وخاصة مدرسات الرياضة
عشان كان فى مدرسة كرهتنى وانا فى الرياضة من صغرى
وبعدين المدرسين هيمسكولى الخرزانىة يعنى انا كبرت خلاص
أخوياااااااااااااااااااا يانااااااااس
***أفتقدك وبشدة شديدة**
شوفت الجمله دى!!تصدق بالله والله مابكدب فاكر يوم لمة سبتلى كومنت والله والله فى اليوم دة جيتى على بالى واقعدت افتكر حاجات كتير راحت فى اول شهور تدوين كنا زمان مش زى دلوقتى خالص عارفة كلامى متلخبط وشكله اهبل بس مش عارفة اوضح عموما انت يا اسطى من الحاجات الى بفتقدها فى اول ايام تدوين بجد انا حاسه التدوين دلوقتى اتغير كتير!!
عموما فكك من لاهبل دة انت اخبارك ايه؟؟
بجد بقى الشغل والحياه ايه نظمهم
اتجوزت ولا فسخت ولا شبكت؟؟
بتقبض كام بالمرة
!!!!!
هتخليك زى اللوح
تفضل على طول مجروح
عاجبنى اوى الجمله دى عارفة لو مرجعتش بقوة زى زمان هدعى عليك تجوز عروسه زى دى
سلام يا اسطى
عارفة احلى حاجة كمان انك رجعت الواد المخطوف هنا تانى!!
ايه يا عم ده
دي عروسة دي ولا حيوان الغابة
هو في عروسة كدة
ههههههههههههه
ربنا يستر عليك ومش تقع في عروسة زيها
تحياتي
وبما انى من حزب المدرسات
فانى اعترض
و
اشجب
واندد
ولا يسعنى فى النهايه الا ان اقول
ربنا يسامحك يا مدحت
كيكى عوووووووووو
انتى اللى مش ظاهرة كنت مع حمادة زيدان وقعدنا ننم عليكى
المهم انا راجع بقوة ان شاء الله بعد رمضان اكون خلصت اللى ورايا وبعدين فسخت واشتغلت شغلانة الحمد لله محترمة
من سبعة لسبعة شغل بيخلص فى ساعتها
هههههههههه
ورجعتلك ياستى صورتى وانا صغير
اى خدمة
زهور الالمل
ربنا يستر يارب دى تبقى مصيبة
منى
ههههههههههههههه
هى جت فيكى
معلش بقى
بس دى عقدة من زمان يابنتى
بس الصراحة هى مدرسة واحدة اللى كنت بحبها كانت مس سلوى مدرسة الانجليزى
بس
ومتزعليش بقى
Post a Comment