CLICK HERE FOR THOUSANDS OF FREE BLOGGER TEMPLATES »

Thursday 9 July 2009

العروسة الجديدة

طويلة ومعرشة
تخينة ومكرشة
على طول مدندشة
من الفجر للعشا
جميلة وكويسة
شغالة مدرسة
هتعلمك الهبل
والعبط
والعته
متخدهاش احسن لك
صدقنى دى هتذلك
واكيد هتجرسك
والناس تستنقصك
هتخلى عينيك عورة
وتلعب بيك كورة
هتخليك زى اللوح
تفضل على طول مجروح
عينيها مبقللة
وايديها قنبلة
هتموتك بدرى
والناس وراك تجرى
خد بالك من نفسك
دى هتنسيك اسمك
طويلة ومعرشة
تخينة ومكرشة
شغالة مدرسة
على طول مهيسة

17 comments:

ريمان said...

ههههههههههههههههه


ايه ده فى عرايس كده

موناليزا said...

وده بقى عشان هى مدرسة ولا عشان طويلة ومدندشة:)

*البت المشمشية *حلوة بس شقية * said...

ههههههههههههههههههههههه
دى مسابقه بايرة دى ولا ايه

مدحت محمد said...

ريمان

ههههههههههه
لا يابنتى انا بتريق

مدحت محمد said...

موناليزا

لا يابنتى عشان مكرشة
/:)

مدحت محمد said...

البت المشمشية

انا جايلكم اجوزلكو عيالكو

انت ياواد ياشلاطة
ههههههههههه

Ramy Wasel said...

ده عاوز يتقال له
بصلها كويس يا احمد

ده كان اعلان قديم للنضارات
وكلامك فكرنى بيه

ابيات جميله
ومعبره عن نوعيه من الجواز
ربنا ما يكتبع علينا

مدحت محمد said...

رامى

ربنا مايكتبها علينا يارب

نورتنى بزيارتك

سلوى said...

هههههههههههه
هانا ضحكت ضوحك
ايه ده
في كده

طيب المدرسين الوقت هيعملوا فيك ايه
ربنا يستر بقى
:)

بس هي المشكله فين
في انها مدرسه ولا ايه؟؟

مدحت محمد said...

سلوى

ههههههههههه

انا بينى وبينك مبحبش المدرسات وخاصة مدرسات الرياضة

عشان كان فى مدرسة كرهتنى وانا فى الرياضة من صغرى

وبعدين المدرسين هيمسكولى الخرزانىة يعنى انا كبرت خلاص

كيكى عوووووو said...

أخوياااااااااااااااااااا يانااااااااس
***أفتقدك وبشدة شديدة**
شوفت الجمله دى!!تصدق بالله والله مابكدب فاكر يوم لمة سبتلى كومنت والله والله فى اليوم دة جيتى على بالى واقعدت افتكر حاجات كتير راحت فى اول شهور تدوين كنا زمان مش زى دلوقتى خالص عارفة كلامى متلخبط وشكله اهبل بس مش عارفة اوضح عموما انت يا اسطى من الحاجات الى بفتقدها فى اول ايام تدوين بجد انا حاسه التدوين دلوقتى اتغير كتير!!
عموما فكك من لاهبل دة انت اخبارك ايه؟؟
بجد بقى الشغل والحياه ايه نظمهم
اتجوزت ولا فسخت ولا شبكت؟؟
بتقبض كام بالمرة
!!!!!
هتخليك زى اللوح
تفضل على طول مجروح
عاجبنى اوى الجمله دى عارفة لو مرجعتش بقوة زى زمان هدعى عليك تجوز عروسه زى دى
سلام يا اسطى

كيكى عوووووو said...

عارفة احلى حاجة كمان انك رجعت الواد المخطوف هنا تانى!!

زهور الامل said...

ايه يا عم ده
دي عروسة دي ولا حيوان الغابة
هو في عروسة كدة
ههههههههههههه
ربنا يستر عليك ومش تقع في عروسة زيها

تحياتي

منى said...

وبما انى من حزب المدرسات
فانى اعترض
و
اشجب
واندد
ولا يسعنى فى النهايه الا ان اقول


ربنا يسامحك يا مدحت

مدحت محمد said...

كيكى عوووووووووو
انتى اللى مش ظاهرة كنت مع حمادة زيدان وقعدنا ننم عليكى

المهم انا راجع بقوة ان شاء الله بعد رمضان اكون خلصت اللى ورايا وبعدين فسخت واشتغلت شغلانة الحمد لله محترمة
من سبعة لسبعة شغل بيخلص فى ساعتها
هههههههههه

ورجعتلك ياستى صورتى وانا صغير

اى خدمة

مدحت محمد said...

زهور الالمل

ربنا يستر يارب دى تبقى مصيبة

مدحت محمد said...

منى

ههههههههههههههه
هى جت فيكى

معلش بقى

بس دى عقدة من زمان يابنتى

بس الصراحة هى مدرسة واحدة اللى كنت بحبها كانت مس سلوى مدرسة الانجليزى
بس
ومتزعليش بقى