CLICK HERE FOR THOUSANDS OF FREE BLOGGER TEMPLATES »

Tuesday 28 July 2009

قالت لى يوما


كانت تقول لى انى احبك ياحبيبى
وان عشقك لى دوائى ياطبيبى
وانك انت محبوبى ونصيبى

اتتنى يوما تحمل البرفان لى يوم ميلادى
وهنئتنى واخذتنى من يدى قالت مرادى
وسرنا عند البحر تحت المطر قامت تنادى
انى احبك ياحبيبى


قالت لى يوما ان عشقك دولتى
فيها امارس ياحبيبى حريتى
انت الزعيم وفيها تظهر قوتى
قلبك حياتى هو محل اقامتى


حضنتنى يوما حتى كادت ان تمزق اضلعى
ومسكت يدى حتى كادت ان تكسر اصبعى

احببتها وهويتها عامان لم انزع يدا

وفجأة

يضيع الوعد الذى تواعدنا عليه
ويتوه الطريق الذى سرنا اليه
ويأتفى هاتفى رسالة خالية من الاستمالة

بأنها راحلة مع ابيها
ولن تعود مرة اخرى المدينة

حاولت الاتصال بها فلم ترد جوابا
عاتبتها فى نفسى اشد عتابا

وبكيت حتى انتهيت
ورأيت ان الحب فى العالم سرابا

19 comments:

Hadota ... حدوتة said...

والله مش عارفة اقولك ايه
عيشتنا معاك فى البوست لحظات جميلة كلها مشاعر دافية ورقيقة
وفجأة رحلت البنت !!!!

عارفة قد ايه لحظات الفراق صعبة
وقد ايه صعوبتها بتكون اكتر لو شخص كانت بتربطك بيه مشاعر قويه بالمنظر دا


بس ارجع واقول اللؤى نصيب
مين عارف مش يمكن تعود المدينة تانى ؟؟؟


وبعدين برده الحق عندك
بنت حبتك بالمنظر دا .. ليه تسيبها تفلت من ايدك ببساطة كده ؟؟


فى النهاية احب اقول البوست رائع
فيه موسيقى رقيقة كده

تسلم ايدك


:)


تحياتى

صمت الحنين said...

السلام عليكم ورحمة الله

معقوله يبقى الحب بالقوه دى
وينتهى بالسهوله دى

زهور الامل said...

يااااااااااااااااه على قد ما انا سعيدة بالاحساس الرائع ودفئ الكلمات وجمالها على قد ما انا حزينة على ان دي تكون نهاية قصة حب وهو الفراق
هنا الجرح بيبقى اكبر
بس الحب مش سراب ولا هو شيء بالساهل
الحب حياة واحلام وامال
ومفيش حاجة بعيدة على ربنا ممكن النصيب يجمعكم تاني ومتفقدش الامل

تقبل مروري

سلوى said...

قدر الله وما شاء فعل

لا أحد يعلم أين الخير

كنت كتبت من فترة حاجه اسمها ستندمين
بس انت كنت مش متابع بقى أعمل إيه :)

إقراها مدحت وقولي رأيك فيها هي في الطوق طبعا

نرجع لكلماتك بقى
بين السطور ألم يا مدحت

وردة said...

لا حول ولا قوة الا بالله
هو ليه مفيش قصة حب بتكمل للنهاية
لازم فراق في اجمل لحظة في الدنيا
يااااه
بجد البداية كانت قوية جدااا
فاجأة فراق
ماشاء الله اسلوبك جميل
بالتوفيق دايما
سلام

دعاء العطار said...

مش قادره اتخيل بجد ان ممكن فى لحظه بعد ماكنت فى قمة السعاده تتحول لقمة الحزن

بس اكيد مش الحب هو اللى سراب اكيد احنا فينا حاجه غلط

بس طبعا نرجع ونقول مفيش حد بياخد اكتر من نصيبه واللى مكتوب لنا لازم نشوفه

اسلوبك جميل

تحياتى

ليس فقيرا من يحب said...

وفجاه يضيع الوعد

ليه كده كل حاجه

حلوة بتروح

وكمان فجأة

منى said...

كلمات واقعيه وهذا ما يزيد من جرعه الالم
لا املك الا ان اقول عافاك الله اخى من كل الم وفوضك بالخير كله
تحياتى

ريمان said...

الحب فى العالم ده سراب؟



تفتكر؟

مدحت محمد said...

بنت حبتك بالمنظر دا .. ليه تسيبها تفلت من ايدك ببساطة كده ؟؟

هو مش انا طبعا بس هو بمزاجه يعنى انها تسافر على العموم ميرسى على تعليقك واول زيارة
ليكى
نورتى المدونة

مدحت محمد said...

وعليكم السلام ورحمة الله وبركاته
ممكن يعنى مش ممكن ليه
ميرسى للزيارة

مدحت محمد said...

زهور الامل
زعلانة ليه
ماغالبا قصص الحب بتنتهى بالفشل هو بس الحب احساس بس مبيستمرش
ليه وقت بينتهى فيه
والقصيدة مش بتعبر عنى والله ده خيال مش اكتر

مدحت محمد said...

سلوى
ونعم بالله
انا قريت ستندمين بس كنتى انتى متقمصة دور راجل مغرور اوى
ستندمين
ليه ممكن متندمش وتشوف غيره بس هو ممكن ثقة فى نفسه بس هى مكتوبة منك بطريقة جميلة وصعب على فكرة لما بنت تعبر عن احساس رجل او العكس
اما بالنسبة للسطور فانا فرحان انى قدرت اوصل الام ده
ميرسى ليكى ياسلوى
وكل سنة وانتى طيبة

مدحت محمد said...

وردة
ميرسى لتعليقك
ولازم البداية تكون حلوة
عشان لما نيجى نشرح الفراق يتحس بس مش اكتر
وميرسى لحضرتك
وكل سنة وحضرتك بخير

مدحت محمد said...
This comment has been removed by the author.
مدحت محمد said...

dodoo
مش قادره اتخيل بجد ان ممكن فى لحظه بعد ماكنت فى قمة السعاده تتحول لقمة الحزن

بتحصل فى كل حاجة على فكرة مش فى الحب بس اما الحب هو غالبا نهايته سراب صدقينى لو مش الحب ده اتوجد فى بيئة صالحة فى اطار شرعى خطوبة او خلافه اما الحب اللى بيبقى خارج نطاق العرف والشرع هو اخرته وهم وسراب
تحياتى لحضرتك

مدحت محمد said...

ليس فقيرا من يحب


ليه كده كل حاجه

حلوة بتروح

وكمان فجأة
عشان احنا مبنعرفش نحافظ على النعمة

ميرسى للزيارة

مدحت محمد said...

منى
عافاك الله اخى من كل الم وفوضك بالخير كله
اللهم امين
بس يعنى انا عمرى مااتألم من حاجة زى كدة لانى مؤمن بانه غلط الواحديلقى بكل مشاعره تجاه امرأة حتى لو كانت زوجته وام اولاده لانه ممكن تحصل خلافات ويسيبها ممكن بالحالة دى يتجنن ومش هيتعافى بسهولة فى ناس والله وشفتهم بعنيا اتجننو سواء بنات او شباب بسبب الحب الجنونى ده
بس
ميرسى لتعليقك ودعائك اللى فى الشهر الكريم ده

مدحت محمد said...

ريمان
اه طبعا سراب لو مش اتغلف بشكل شرعى بس لعلمك بقى اكترية البنات سورى يعنى بيبقو عايزين يعيشو قصة حب حتى لو عارفين انها تسلية بس نوع من التجربة مش اكتر او اثبات ذات انى فى حد مهتم بيها

ميرسى لزيارتك ريمان