CLICK HERE FOR THOUSANDS OF FREE BLOGGER TEMPLATES »

Sunday 27 September 2009

ايام لاتنسى

بسم الله الرحمن الرحيم

قلتلكم هحكى عن رحلة العمرة

كان عندى21 سنة

وسافرت بحرى
سفينة السلام
بس الصراحة مش متذكر 96 ولا السلام 98

المهم سافرت يوم جمعة خرجت من بيتى الساعة 9 الصبح
ركبت العبارة الساعة 11 الصبح وقعدت لحد الساعة خمسة بعد العصر لحد ماخرجت العبارة من مينا السويس متجهة للاراضى المقدسة
فاكر انى السفينة كانت مشغلة سورة البقرة كاملة وكانت شغالة فى سماعة الاوضة
المهم قعدنا يومين فى العبارةلحد ماوصلنا مينا جدة الساعة 9 الصبح
واخدنا شنطنا ونزلنا المينا وعلى ماخلصنا الاجراءات وكدة ركبنا الاتوبيس على الساعة 1 الضهر او 2 فى الحدود دى وصلنا المدينة المنورة الساعة 8 بالليل
ودخلنا الفندق وكان العشا بيدن وطبعا ملحقناش نصلى العشا فى المسجد النبوى
طلعت اوضتى طبعا غيرنا واتشطفنا من السفر
وفتحت شباك اوضتى ولاقيت مآذن المسجد النبوى قصادى قعدت املى عينى منها
ونمت
وصحيت على الادان الاول للفجر
وكانت دى اول زيارة ليا لمسجد سيدنا النبى اول مادخلت كنت بقدم رجل واخر رجل
مش عارف ليه
لاقيت مكتوب قصادى على كولمانات كبيرة ماء زمزم
وانا عارف ان ماء زمزم لما شرب ليه
فقلت عايز ادعى دعاءقبل مااشرب ماء زمزم
فجه على بالى دعاء بحبه اوى

اللى هو
ربى اوزعنى ان اشكر نعمتك التى انعمت على وعلى والدى وان اعمل صالحا ترضاه وادخلنى برحمتك فى عبادك الصالحين

قعدت مابين الادان الاول والادان التانى ادعى ربنا كتير اوى
لحد ماقامت الصلاة
وصليت
ورحت ازور سيدنا النبى
لحد ماجيت سالت عسكرى بقله لو سمحت هى فين الروضة فقاللى حضرتك فى الروضةورحت سلمت على سيدناالنبى وصليت عليه وسلمت على سيدنا عمر وسيدنا ابو بكر مش عارف ليه وقتها عيط
وحبيت ارجع من الباب اللى خرجت منه معرفتش من الزحمة فخرجت من باب القبة الخضرا
فلاقيت نفسى تايه ودى كانت اول مرة اتوه فيها قعدت ماشى ومش عارف انا رايح فين ولاجل الحظ انى الفندق كنت معلمه بمحل اسمه حامل المسك لما لاقيته عرفت اوصل للفندق
فى نفس اليوم قمت الليل وصليت صلاة التسابيح
وحصل موقف لن انساه طول عمرى وانا ساجد شفت نور شديد فقمت خرجت من الصلاة مش خوف اد ماهو كان استغراب وفى اليوم ده مر عادى وكنت دايما اقعد من بعد صلاة العصر لحد صلاة المغرب واروح اكل وارجع اقعد من بعد المغرب لحد العشا وفى الفجر برضه كنت اروح المسجد اقعد من بعد الفجر لحد الضحى فى يوم كنت قاعد ارتل قرآنوجه واحد مش عارف اندونيسى او باكستانى وجه قعد جنبى فسكت فشاورلى كمل وسالنى بلغته مفهمتش منه حاجة بس اللى قدرت افهمه انه كان معجب بصوتى فى اليوم التالت كانت زيارة لمسجد قباء ومسجد القبلتين وجبل احد

طرائف المدينة

كنت رايح اشترى سواك
وكانت مجموعات كدة فقعدت كل شوية اشم ريحة سواك واشوف غيره
قعدت كتير فالراجل تقريبا زهق منى فقالى هو انت بتشم مخدرات

موقف تانى
كنت بتمشى بعد العشا لوحدى فى المدينة
وكنت بعلم الطرق اللى جيت منها عشان متوهش المهم دخلت محل بيبيع هدوم
الصراحة الهدوم فى السعودية مش حلوة خالص فقعدت اساله عن الاتمان المهم سبته ومشيت راح قعد يقول بصوت عالى مش بايع لمصريين يجو يبصو على الحاجة وفى الاخر ميشتروش قمت باصصله وكدة ومشيت على فكرة سبحان الله رغم الكل هناك بيلبس عبايات بيضة بس انا لما كنت اشوف مصرى اعرفه انه مصرىحتىمن غير مايتكلم لاقيت لاقيت ان احنا لينا طابع خاص متحسوش غير لما تبقى فى وسط اغراب


غرائب المدينة

كان مكتوب على حيطة الفندق على هو الله
تقريبا الشيعة هما اللى كانو كاتبينها

مواقف المدينة

انا كنت فى العمرة انا ووالدتى وخلانى كلهم بزوجاتهم وعمتى وجوزها وزميل خلانى
فكنا متفقين اننا بعد صلاة العشا هنتجمع قصاد الباب الرئيسى اللى هو جنب الروضة واتجمعنا ورحت لاقتهم كلهم واقفين فقلتلهم متجمعين عند النبى لاقيت ناس دمعت


وبعد كدة رحنا مكة المكرمة وخرجنا تقريبا بعد صلاة الضهر وودعت المدينة وانا ابكى
لما قربنا على الحرم ودخلنا مكة كان ناس كتير فى الاتوبيس بتبكى
وكنا بنقول لبيك اللهم لبيك
الحقيقة كان اول مرة احس بمعناها وبكيت
كنت حاسس انى ربنا بيقلى انا دعيتك يامدحت تزور بيتى وانا بقله وانا جايلك من مصر بسرعة يارب
لبيك اللهم لبيك
لبيك لا شريك لك لبيك
لاشريك لك
حسيتها
عارفين انتم مخلصين له الدين
لا اله الا الله
لامعبود بحق الا الله
لانعبد سواه
وهو الواحد الذحى ندعوه ونناجيه ونرجوه ونتقوى به ونتوكل عليه
ونخشع بين يديه
ونستعين به
ونحبه ونهابه
ولانطمع الا فى كرمه
احساس جميل اوى لما تحس انك ليك رب
انا كنت عارف انى لما تدخل الكعبة وتشوفها لاول مرة انك ليك دعاء مستجاب اول ماتشوف الكعبة
فقلت اول ماهشوف الكعبه هدعى
دخلنا من باب اسمه باب السلام واول مادخلت مدعتش تخيلوا

قعدت ابكى

وطفنا حوالين الكعبة وسعينا وكنت فرحان اوى
وكان فيه واحد افغانى عمال يزقنى بطريقة رخمة بس كنت مبسوط والله برضه
وخرجنا من على الساعة 3
وانا خارج برضه من باب تانى غير اللى دخلته وتهت لتانى مرة
لحد ماسالت على اسم الفندق واحد وصفهولى
ونمت
اللى فاكره فى مكة اوى
انى دعيت ربنا وقلت يارب الهمنى عمل فى الحرم كبير جدا يخليك تحبنى فلاقيت راجل كبير مصرى نده عليا وقاللى ممكن تجبلى اشرب ورحت جبتله وسقيته مش اى ماية دى ماية زمزم وقعد يدعيلى
ولاقيت واحد كان نازل على السلم وكان هيقع قمت مسكته وراح قعد يدعيلى جامد اوى
ويوم تانى كان بعد صلاة الفجر ناس بتملى من الحنفيات وانا كنت رايح املى فلاقيت راجل كبير جدا عجوز اوى وشايل الزمزمية اللى بيملاها بالعافية قمت اخدتها منه ومليتهاله وبرضه قعد يدعيلى والله فحسيت اد ربنا بيحب الانسان اللى بيساعد الناس

طرائف مكة

كنا خارجين من المسجد بعد صلاة العصر
وكنا معديين على محلات قلاقينا واحد سعودى بينادى مصريين مصريين فول وفلافل راح خالى قاله ياعم احنا زهقانين منهم فى مصر نيجى نلاقيهم هنا

مواقف
فى السعودية تلاقى تلاجات بيبس موجودة فى الشوارع تحط العملة ينزلك كانز
الحقيقة انا قلت لو فى مصر دى كانت تبقى مليانة كازوز على عينها مكان العملة وتلاقى مكتوب عليها احمد بيحب منى ومرسوم عليها قلب
المهم
زميل خالى جاب كانز وحاطه جنب حيطة وهى مقفولة طبعا ورحنا صلينا العشا واحنا راجعين بعد الصلاة بوقت طويل لاقيناها مكانها وخدها وشربها

فى اخر يوم فى مكة كان صلاة فجر وبعدها هنصحى الصبح نسافر فوانا بصلى الفجر فى الركعة التانية والله جالى هاتف وانا ساجد قلت انا هشوف اخر اية هيقلها الشيخ فى الصلاة وهحطها حلقة فى ودنى طول عمرى
فكانت اخر اية سمعتها هى

ان الدين عند الله الاسلام

بس

وركبنا السفينة على الساعة خمسة وكان المنظر بتاع البحر يرعب كان الموج عالى اوى وحسيت انى السفينة هتغرق حتى والدتى رغم انها كانت تعبانة
خافت تنام
المنظر كان مرعب للغاية
وربنا يتقبل ويكتبهالنا كلنا
للى راحها يروحها تانى واللى مرحهاش ربنا يكتبهاله
وشكرا

21 comments:

yasmina said...

هااااااااااااى
انا بقى شكلى كدة اول تعليق
ههههههههههه

yasmina said...

يس يس يس
انا همسك الخشب بقى على كدة
كنت فى الفترة على طول اول تعليق
لا لا لا مقدرشى على كدة
هههههههههههههه

yasmina said...

اما اهيص بقى شويه
هييييييييييييييييييييييييه
هيييييييييييييييييييييييييه
هييييييييييييييييييييييييييه

yasmina said...

عيلة عيلة
يعنى مش هزار
دة بجد وحقيقى
هههههههههههههههه

yasmina said...

وبعدين انا بنفذ كلام يويو
ماليش دعوة
هههههههههههههه

yasmina said...

ممممممممممم
خمس تعليقات مش بطال
اروح اقرا وارجع بقى
اه ما انا كل دة ولسة ما قريتشى
ههههههههههه
ربنا يكون فى عون حضرتك بقى من احتلال ياسمينا
ههههههههههه
سلااااااااام مؤقتا مش هتاخر
هه

yasmina said...

ثوانى وها اجيى اكمل قراءة
مش هتاخر برضو
سلااااااام مؤقتا هه

مدحت محمد said...

ماشى مستنيكى اهو متتاخريش بس

yasmina said...
This comment has been removed by the author.
مدحت محمد said...

لماذا مسحتى التعليق ؟

سلوى said...

احساسك واضح في الكلام
نقل الصورة
وكنت كأني اراها
عيني دمعت

ربنا يكتبهالنا يارب
اللهم آمين

ربنا يثبتك يا مدحت

yasmina said...

هااااااى انا جيت ورجعت تانى اهو
معلشى بجد انا اسفة اوى على التاخير دة
بس بجد غصب عنى والله
بجد ماتزعلشى معلشى

ولما جيت اكمل حصلت مشكلة
اصل دة حظ
يوم ما ابقى اول تعليق يكون وقت غدا وماعرفشى اكمل التعليقات والاحتلال بتوعى
معلشى بقى حظ هنعمل ايه يعنى
ههههههههههههه

yasmina said...

المهم
انا جيت اكمل اهو باقى الاحتلال
اروح اكمل القراءة الاول وارجع اشوف ايه حكاية الاحتلال اللى مش راضى يخلص دة
ههههههههههه
. . . سلااااااام مؤق
ولا بلاش لا احسن بئيت اتشائم منها
هههههههههههه
سلام

yasmina said...

هااااى ايه اتاخرت
اظن ما اتخرتش
هههههههههههههه
بجد وحقيقى دة اجمل بوست كتبته
اى نعم كلهم والله حلوين اوى
بس دة ليه طعم خاص جدا
بجد انا حسيت البوست دة اوى وبكلام حضرتك بجد حسيت فعلا انى انا اللى رحت
بجد جميل اوى واحلى حاجة بجد كلام حضرتك بجد اللى قدر يعيشنى فعلا فى الرحلة الجميلة دى
وكمان الدعاء اللى فى الاخر
بجد ادعيلى وادعيلنا كلنا ان احنا نروح بجد

yasmina said...

انا كدة انهيت مهمتى
كفايه اوى كدة
كفايه ازعاج واحتلال بقى
ههههههههههه
وبجد انا اسفة تانى مرة على تاخيرى دة
وشكرا على الاحساس الجميل اللى انا حسيته دة بجد
سلااااااااام
بس مش مؤقت خالص
ههههههههههههه
انا خلاص اتشئمت
هههههههههههه
سلام
ويارب ما تكون زعلت منى بجد

زهور الامل said...

ان شاء الله ربنا يتقبل منك العمرة يا مدحت وربنا يكتبهالك تاني ان شاء الله وعقبالي علشان انا كمان نفسي ازور النبي عليه الصلاة والسلام واحج واعتمر كمان بجد دي امنية حياتي
والحمدلله الي انعم علينا بنعمة الاسلام ويارب نموت واحنا مسلمين

كل عام وانت بخير
والسنة الجاية ان شاء الله ربنا يكتب ليك الحج

تحياتي

ريمان said...

السلام عليييييييكم


عجبنى اوى موقف السواك والفووووووول


بجد نفسى والله كنت ابقى مكانك وازور بين الله واعمل حج ولا عمره كده



بجد يا بختك


المهم اطمن عليا مش تقلق انا بخير وبقيت كويسه بس انا عايزه كيلومنجا مش برتقان

مدحت محمد said...

سلوى

ربنا يخليكى ويكتبهالك يارب

مدحت محمد said...

ياسمينا

اللى احتلت مدونتى احتلال شرعى
بس طبعا براحتك
المهم حمد الله على السلامة

بس تسيبيلى اذن تأخير على المكتب
ومش زعلان على التأخير المهم تكونى كويسة

وربنا ينولك زيارة بيته الحرام
يارب

وسلام غير مؤقت

مدحت محمد said...

زهور الامل

يارب نموت على الاسلام يارب

ونزور كلنا بيت ربنا ان شاء الله

مدحت محمد said...

ريمان

عايزة كيلو مانجة

الاسماعيلية قريبة منك
انزلى جيبى منها كيلو مانجة وارجعى

المانجة غالية ياحاجة انتى

حلو البرتقال فيه فيتامين سى

اممممممممم
عارفة انا عمرى مانسى موقف السواك ولا الفول كل ماافتكرهم اقعد اضحك