CLICK HERE FOR THOUSANDS OF FREE BLOGGER TEMPLATES »

Tuesday 29 September 2009

دلينى

الله يخليكى
بصيلى
حسى باشواقى وحنينى
وخدينى فى عينيك ضمينى
وسيبينى اضمك بعيونى
انا دايب دوب دوبتينى
انا تايه ارجوكى دلينى
دلينى لاقطع شرايينى

*****************
انا عايز اشرحلك امرى
انا حالف لاوهبلك عمرى
وبجيلك من ابعد مينا
ببعتلك نظرة وحشتينا

*************
عمال ابصلها ومتشوفشى
دى نظرها ضعيف انا معرفشى
انا اقرب منها تقوم تمشى
مكسوفة من ايه مبتقولشى

*************
انا عايز بس اكلمها
واحكيلها هوايا وافهمها

انى انا من غيرها
بكون تايه
تعبان مش قادر مش فايق

*******************
حسى باشواقى وحنينى
وخدينى فى عينيك ضمينى
وسيبينى اضمك بعيونى
ان تايه
ارجوكى دلينى

دلينى لأقطع شرايينى

19 comments:

*البت المشمشية *حلوة بس شقية * said...

ياسيدى
وده من ايه ده

*البت المشمشية *حلوة بس شقية * said...

اول تعليق يا معلم

مدحت محمد said...

البت المشمشية

اوبةةةةة
ده ياسمينا هتقتلك
دى حاجزاه من بدرى
ادفعلها غرامة بقى

وبعدين تعالى هنا

هو اللى ايه من ايه

ليس فقيرا من يحب said...

حلوة بجد

تسلم ايديك

زهور الامل said...

بعد الشر عنك يا عم
تقطع شرايينك ده ايه

هههههههههه
كلماتك جميلة اوي
بتفكرنس باسلوب ايمن بهجت قمر في كتابة الاغاني

بوست جميل
تحياتي

سلوى said...

هلا بقلم مدحت مرة أخري

جميله كلماتك :)

بس اوعي تحذفها

طالما مفيش شئ حرام
يبقى اكتببببببببببببب

دعاء العطار said...

جمييييييله جدااااااا

عمال ابصلها ومتشوفشى
دى نظرها ضعيف انا معرفشى
انا اقرب منها تقوم تمشى
مكسوفة من ايه مبتقولشى

حلوه اوى الجزئيه دى ضحكتنى

yasmina said...

هااااااااااااى
انا جيت
ههههههههه
اظن رهقان منى
معلشى بقى
ههههههههههههه

yasmina said...

بس مش تخاف مش هطول والله
البوست بقى
بجد كلامه جميل اوى فيه عفويه
وممكن والله يكون اغنية جميلة
بجد الكلام جميل اوى
وبحس انه كلان عادى احسن من الفصحى مليون مرة
بجد جميل

yasmina said...

على فكرة انا مطيعة وبسمع الكلام
يارب يعجب حضرتك
سلام بقى كفاية تلاتة المرة دى
سلام

مدحت محمد said...

ليس فقيرا من يحب

تسلمى

مدحت محمد said...

زهور الامل

ايمن بهجت مرة واحدة

احنا نيجى جنبه ايه بس

ميرسى لرقة تعليقك

مدحت محمد said...

سلوى

الله اعلم والله ياسلوى

عارفة لما بحس انى بتعاقب

ممكن احس انى اى حاجة ممكن تكون فيها معصية بحذفها بسرعة
سواء كان فعل او قول

مدحت محمد said...

dodoo

ههههههههههههههههه


على فكرة موضوع اللى ابصلها ومتشوفشى حصل بجد وانا فى ثانوية عامة
كانت بنت جارتنا

بس فى الاخر خدت بالها

مدحت محمد said...

ياسمينا

اتأخرتى المرة دى عليكى غرامة تأخير

غيرتى الصورة ليه كانت حلوة الصورة القديمة

المهم
الفصحى بيبقى ارقى كتير من العامية
المرة الجاية انزل قصيدة بالفصحى ان شاء الله انزلها البوست الجاى

اول مرة تقولى سلام من غير مؤقت

♥نبع الغرام♥♪≈ said...

يا سيدى على الروقان ايه ده كله ايه ده كله
ربنا يسعدك يارب ويكرمك
ومكتشكرة لحضررتك مرورك الكريم والدائم لمدونتى
مودتى
انوسه

مدحت محمد said...

ايناس عاشقة الاحزان

على فكرة لو موضوعاتك وحشة مكنتش قرتلك

وبجد ميرسى اوى لرقة تعليقك

ريمان said...

دلينى لاقطع شرايينى؟


بقه ده اسمه كلام


انت عايز تموت بقه



ههههههه لا بجد حلوه والله عجبتنى


تسلم اديك يا مدحت

مدحت محمد said...

ريمان

هو انا مجنون ولا مش مؤمن عشان انتحر

ده خيال خياااااااااااال