CLICK HERE FOR THOUSANDS OF FREE BLOGGER TEMPLATES »

Saturday 14 November 2009

تاج النعم

تاج قريته عند كوشيا ومنى

وقلت اجاوب عليه

من منطلق

واما بنعمة ربك فحدث

النعمة الاولى

الاسلام
ومايتبعها من حب كبير لرب العالمين ولسيدنا رسول الله و وال بيته الاطهار والصحابة رضوان الله عليهم

النعمة التانية

الصحة
ومايتبعها من عينان وقدمان واذنان وجوارح وعقل وقلب

النعمة التالتة

الستر

انا لو قعدت احمد ربنا على ستره ليا
طول عمرى وفوق عمرى اعمار واعمار مش هقدر اوفى

النعمة الرابعة

العيلة
اللى بسببها وبفضل الله قدرت اوصل للى انا عايزه
بتشجيعهم ليا
ونصحهم المستمر ليا

النعمة الخامسة

وظيفتى اللى عمرى ماكنت احلم بيها
( ويرزقكم من حيث لاتعلمون )


النعمة الخامسة

انا ليا اصحاب اثرو فى حياتى اوى
و انا الحقيقة معنديش اخوات صبيان
بس بجد ليا اصحاب اكتر من اخواتى


النعمة السادسة

دى المفروض كنت قلتها فى الاول

كفاية انى ربنا اذن لى انى ازور المسجد النبوى وازور البيت الحرام

النعمة السابعة

انا دايما لما اعصى ربنا
ربنا بيعاقبنى بسرعة اوى فبيحصلى حالة فوقان بسرعة
فبحس انى دى نعمة كبيرة اوى
يعنى والله مثلا لو مصلتش فى يوم

يانهار ابيض
اليوم ده بحس انه انحس يوم فى حياتى وكل حاجة تقف قصادى
ومفيش حاجة تكمل

النعمة التامنة

الحمد لله انا بعتبر الشعر رغم انه ابتلاء بس بحس انه نعمة فى نفس الوقت

وترتيل القرءان نعمة كبيرة من الله عز وجل علي بها

واتعلمت الترتيل وانا عندى عشر سنين ويرجع الفضل الحقيقة لخالى اللى كنت بسمعه وهو بيرتل فى بيت جدتى
فقلدته بس طلع صوتى احلى منه بكتير الحمد لله

النعمة التاسعة

انى قدرت اتكلم عن نعم ربنا لكل الناس

النعمة العاشرة

نعمة ان ربنا هو ربنا

الحمد لله ان ربنا هو ربنا

وفى الاخر


وان تعدو نعمة الله لاتحصوها





22 comments:

ريمان said...

انا اول تعليييييييق

ريمان said...

حلو اسمه اوى

تاج النعم


وبجد ربنا يكرمك يا مدحت


والحمد لله ان ربنا انعم عليك بكل النعم الجميله دى والاحلى من كده اعترافك بيها


ربنا يديم عليك نعمته

ويزيدك يا رب

مدحت محمد said...

تسلمى ياريمو يارب

------ said...

وتااانى تعليق يعد ريمو

ونقول مساء الخير يامدحت

------ said...

حلو اوى التاج دا

ربنا يكرمك

الحمد لله على نعمة الاسلام وكفى بها نعمة

♥نبع الغرام♥♪≈ said...

ازيك يا مدحت

اخبارك اية وطالما دخلت مدونتى مش علقت على بوست شقاوة لية
منتظرة رئيك على البوست


نيجى بقا للتاج بتاع النعم بجد عجبنى قووووووووى

ربنا يكرمك يارب

ربنا يديم عليك نعمه يارب

تحياتى

ليس فقيرا من يحب said...

ربنا يديم عليك وعلينا نعمه

يارب

رفقة عمر said...

كمان من شكر النعم اننا لا نستخدمها فى معصيته

دايما لما اعصى ربنا
ربنا بيعاقبنى بسرعة اوى فبيحصلى حالة فوقان بسرعة
فبحس انى دى نعمة كبيرة اوى
يعنى والله مثلا لو مصلتش فى يوم

انا كمان لما اعمل اى حاجه غلط اتعاقبفى نفس اللحظه زى ما اكون باخد قلم على وشى

الحمدلله ان لنا ربنا غفور رحيم

زهور الامل said...

اجاباتك كلها في قمة الروعة والجمال

ودايما لازم نقول
اللهم لك الحمد والشكر حمدا طيبا طاهرا مباركا كما ينبغي لجلال وجهك وعظيم سلطانك

تحياتي

رفقة عمر said...

ادام الله عليك نعمه وحفظها من عيون الحاسدين والحاقدين
اللهم اميين

Unknown said...

بجد مدونه جامده جدا وفيها موضوعات حلوه

تمنياتى بالتوفيق دائما

donya said...

مساء الخير
ماشاء الله
كلمات تشع صدق ونور
تحياتي

دعاء العطار said...

الله يامدحت احسن حاجه قلتها " ان ربنا هو ربنا " فعلاً دى اكبر نعمه انعم الله بيها علينا

ومهما حاولنا نعد نعم ربنا مش هنوصل لنهايه بس العجيب ان برغم النعم دى احنا بنعصيه بنعمه

سبحان الله

مدحت محمد said...

همسات

مساء النور

ربنا يكرمك ياهمسات

مدحت محمد said...

ايناس

حاضر هعلق

بس والله انا مبقتش ادخل نت كتير

بقيت مقل منه جدا

مدحت محمد said...

ليس فقيرا من يحب


ربنا يعزك يارب

مدحت محمد said...

رفقة عمر


دى نعمة والله فعلا انى ربنا يفوةق الواحد بسرعة

ربنا يكرمك وعلى فكرة انا من اكتر المعجبين بمدونتك

مدحت محمد said...

زهور الامل

الحمدلله رب العالمين

ربنا يخليكى يارب

مدحت محمد said...

رفقة عمر تانى

ربنا يعزك

مدحت محمد said...

ياسر

تسلم ياريس

مدحت محمد said...

دنيا


الله يخليكى

ده من كرم اخلاقك

مدحت محمد said...

دعاء

الحمد لله فعلا

بس تعرفى انا كنت كاتب بعض كلما كنت بقول فيها

ربك اللى دعيته عصيته

بعد بكائك جوة فى بيته

على ذنبك اللى انت عملته

ذنبك تانى رجعت هويته

ومن لذنب لذنب وحياتك كلها ذنوب
ولاعارف تبكى ولاتندم ولاحتى تتوب