CLICK HERE FOR THOUSANDS OF FREE BLOGGER TEMPLATES »

Friday 18 December 2009

المغفل

كنت بتفرج على برنامج فى دريم كان برنامج فتاوى
وواحد اتصل بالشيخ بيقول له
مراتى بتكلم واحد ياشيخ
قاله طيب انت عرفت منين الاول

قاله سمعتها وهى بتكلمه فى التليفون وشفت رقمه على موبايلها
قاله طيب وبعدين يابنى

قاله انا رحت لواحد بيعرف فى السحر
وقاللى مراتك مسحورة وبتكلمه غصب عنها

قاله وانت عملت ايه

قاله انا ياشيخ بروح له عشان يعالجها

مغفل


المهم

الشيخ قاله يابنى لو هى مسحورة هتتصل بنفس الرقم وهتعرف منين ان كان 010 ولا 012

وهى اصلا عقلها مش فيها

يابنى بص

قلها عفا الله عما سلف ده لو ندمت

او كل واحد فى حاله

الصراحة انا لما سمعت الحلقة

فكرت

هو ممكن واحدة تخلى واحد يحبها للدرجة دى

يبرللها افعالها

للدرجادى

مش عارف

ياريت تدونى رايكم

وشكرا

6 comments:

دعاء العطار said...

اووووووووول تعليق

ازيك يامدحت

يارب تكون بخير

بصراحه انا الموضوع استفزنى جدااااا لانى بكره النوعيه دى من الرجاله

ازاى يقبل على كرامته ورجولته ان زوجته تكلم حد تانىى حتى لو كان بيمووووووت فيها

بصراحه ده حد زى ماانت قلت مغغغغغغغغغفل وبيسمح ان كرامته تتهان عشان مش قادر يتحكم فى مشاعره

ربنا يهدىىىىىى

::::::::::::::::::

دمت بود

م/ الحسيني لزومي said...

نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن 45 يوم

مدحت محمد said...

دعاء

عارفة هو اتصل بالشيخ لسبب

عايز الشيخ يقله هى فعلا مسحورة

وهو شكله اصلا اللى مسحور

مدحت محمد said...

م/ الحسيني لزومي

ميرسى للاعلان

ريمان said...

اه هو الحب كده

الحب اعمى


واللى بيحب بجد بيدور للتانى على مبرر يبرر بيه غلطاته

مدحت محمد said...

ريمو

عندك حق