CLICK HERE FOR THOUSANDS OF FREE BLOGGER TEMPLATES »

Tuesday 29 December 2009

حرااااااااااااااااااااااااااااااااااااااااااااااااااااااااااااااااااااااااااااااااااااااااااام

فى دعاة ينبسطو اوى لما تقلهم حرام او فرض

لكن حلال ومباح تلاقيهم بوزو اوى

اكنك شتمتهم بالظبط

متفهمش ايه التذمت اللى هما فيه ده

ومتعصبين لرأيهم اخر حاجة

فمثلا كان مرة شيخ مشهور على قناة فضائية
يقول
اكل الرنجة فى العيد الصغير حرام

ليه ياشيخ طيب

يقلك بدعة
الرسول مكالش رنجة فى العيد

يافرحتى

وعلى الاساس ده طبعا كل بدعة ضلالة وكل ضلالة فى النار

ف اللى اكل رنجة فى العيد يعد من اهل النار

زيه زى ابو لهب وابوجهل

طيب انا عايز اعرف الحديث النبوى الشريف اللى نص فيه الرسول على ان اكل الرنجة فى العيد حرام

بصراحة حاجة عجيبة

ولا الشيوخ اللى يقولولك انى اللى يحلق لحيته حرام

طب ليه ياشيخ

يقلك تغيير فى خلق الله

طب معلش سؤال

هو انت لما بتحلق شنبك

مش تغيير لخلق الله

واشمعنى يعنى حلاقة الدقن حرام وحلاقة الشنب مش حرام

مش كله شعر بيطلع فى الوش برضه

انا مؤمن ان تربية اللحية سنة

واللى ميربيهاش لايؤثم
واللى يربيها عشان يقلد الرسول بياخد حسنات

بس لو حلقها يبقى آثم

الموضوع مش راكب


وكتير اوى من الدعاة اللى من الصنف ده

مبيعرفوش يضحكو

دايما كشريين

ومتذمتين لرايهم بطريقة غريبة

بيعاملو المسلمين بطريقة تكره الناس فى دين ربنا

فما بالك بقى بالمسيحيين
والله حقهم يخافو من الاسلاميين بسبب تصرفهم ده

لكن بصراحة فى دعاة يحببو الواحد فى الدين جدا وانا فعلا اعشق سماعهم زى الحبيب الجفرى
وعائض القرنى

والشيخ حسان ومحمود المصرى

لكن فى دعاة تانية

ربنا يعافينا من تذمتهم

حتى لو ضحكو والله تحس انهم مصطنعين الضحك

فى الاخر

اللى بيعملوه ده بقى

حراااااااااااااااااااااااااااااااااااااااااااااااااااااااااااااااااااااااااااااااااااام

7 comments:

ريمان said...

انا معاك يا مدحت فى كلامك ده كله الا موضوع اللحيه ده

قص الشارب ده لازم لان الرسول قال حفوا الشارب واعفوا اللحى

ده امر من الرسول صلى الله عليه وسلم
مش موضوع بقى ان ده كله شعر بيطلع فى الوش

هى سنه بس سنه مؤكده
ودى الفطره اللى ربنا خلق الرجال عليها

وسيدنا ادم اما بنا خلقه كان بلحبه على فكره

هى دى سمه الرجوله اصلا

مش معنى كده انى بقول اللى من غير لحيه يبقى مذنب وربنا غضبان عليه
بس هى والله فيها ذنب اللى بيحلق لحيته وده شىء انا بحثت عنه كتير اوى

باقى الموضوع انا متفقه معاك فيه والله

ريمان said...

معلش ع الاخطاء الاملائيه انا قاعده على اللاب توب واول مره اقعد عليه والحاله صعبه حتى مش عارفه اقعد كويس


كويس انى اول تعليق

دعاء العطار said...

" بشروا ولا تنفروا "

" ولو كنت فظاً غليظ القلب لانفضوا من حولك "

ده اساس دينا يامدحت الرحمه والتسامح والبشاشه لكن التزمت ده بعيد كل البعد عن دينا

حتى لو احنا واثقين ان الانسان اللى قدمنا ده بيعمل غلطات كتير مالناش اننا نقول ده كويس وده وحش لان اللى بيحاسب عباده ربنا وحقنا عليه بس النصصصصصيحه وبالحسنى كمان

ده ربنا قال لسيدنا موسى عليه السلام عن فرعون " وقل له قولا لينا "

وده فرعون يعنى مش اى حد

بجد حرام فعلا اللى بيعملوه فى الاسلام ده لانهم واجهه له

ربنا يهدى جميع المسلمين يااااارب

مدحت محمد said...

ريمو

بصى طيب الرسول قال قصو الشارب

هما بيحلقوه

ماعلينا

الله اعلم

بس انا بجد لما بلاقى حد بيتذمت

بيحصلى حالة اشمئزاز

مدحت محمد said...

دعاء

ايوة يادعاء

التذكرة مهمة


بس باسلوب كويس

متحسسش اللى قدامك انك ملاك من السما

وهو من اتباع ابوجهل

سلوى said...

أولا
اشكرك مدحت على عزاءك والتنويه في مدونتك
مدونتك والبوست اللي كتبته
مش عارفه أقولك ايه
غفر الله لأمي ورحمها هي ووالدك وأمواتنا وأموات المسلمين

***********
بخصوص البوست بتاعك
فالناس نوعين
نوع اللي بيتقال لهم يسمعوه مباشره
سواء كان الشيخ متزمت أو لا
ونوع بيفكر ويقارن ويبحث وينتقي الشيخ الذي يرتاح لرأيه
وكلنا عارفين ان في الإختلاف رحمه
طالما الاختلاف في الفروع وليس الأصول

طبعا الحبيب الجفري مثال طيب جدا وهادي وغيره كتير

خد بالك لكل شيخ مؤيدين حتى لو كان متزمت

يعني انا مثلا كنت بكتب بوست عن ما ينتفع به الميت في قبره
لقيت اللي بيعقد الدنيا ويقول لا ينتفع سوى بالدعاء والصدقه والاستغفار أما كل العبادات البدنيه كالصوم او قراءه القرآن فلا ينتفع بها

وفي ناس قالت ان الميت ينتفع بكل ما يهدى له
أنا ارتحت للرأي التاني
ليه ؟
لسبب بسيط هو أن الله أكرم الأكرمين
فكيف لا يقبل هديه من عبد لعبد

الله المستعان

مدحت محمد said...

سلوى

واجب علينا اصلا ياسلوى

مفيش شكر على واجب

فى ناس بتحب تعقد الامور ايوة

وفى مؤيدين ليهم عارف

انا كنت بتكلم عن الشيوخ اللى يحبو ياخدو بالرأى الصعب

لا ومش كدة بس

يقولو عليه ده فرض
وده الراى الصحيح

وماعداه يضرب بيه عرض الحائط