CLICK HERE FOR THOUSANDS OF FREE BLOGGER TEMPLATES »

Tuesday 29 December 2009

حرااااااااااااااااااااااااااااااااااااااااااااااااااااااااااااااااااااااااااااااااااااااااااام

فى دعاة ينبسطو اوى لما تقلهم حرام او فرض

لكن حلال ومباح تلاقيهم بوزو اوى

اكنك شتمتهم بالظبط

متفهمش ايه التذمت اللى هما فيه ده

ومتعصبين لرأيهم اخر حاجة

فمثلا كان مرة شيخ مشهور على قناة فضائية
يقول
اكل الرنجة فى العيد الصغير حرام

ليه ياشيخ طيب

يقلك بدعة
الرسول مكالش رنجة فى العيد

يافرحتى

وعلى الاساس ده طبعا كل بدعة ضلالة وكل ضلالة فى النار

ف اللى اكل رنجة فى العيد يعد من اهل النار

زيه زى ابو لهب وابوجهل

طيب انا عايز اعرف الحديث النبوى الشريف اللى نص فيه الرسول على ان اكل الرنجة فى العيد حرام

بصراحة حاجة عجيبة

ولا الشيوخ اللى يقولولك انى اللى يحلق لحيته حرام

طب ليه ياشيخ

يقلك تغيير فى خلق الله

طب معلش سؤال

هو انت لما بتحلق شنبك

مش تغيير لخلق الله

واشمعنى يعنى حلاقة الدقن حرام وحلاقة الشنب مش حرام

مش كله شعر بيطلع فى الوش برضه

انا مؤمن ان تربية اللحية سنة

واللى ميربيهاش لايؤثم
واللى يربيها عشان يقلد الرسول بياخد حسنات

بس لو حلقها يبقى آثم

الموضوع مش راكب


وكتير اوى من الدعاة اللى من الصنف ده

مبيعرفوش يضحكو

دايما كشريين

ومتذمتين لرايهم بطريقة غريبة

بيعاملو المسلمين بطريقة تكره الناس فى دين ربنا

فما بالك بقى بالمسيحيين
والله حقهم يخافو من الاسلاميين بسبب تصرفهم ده

لكن بصراحة فى دعاة يحببو الواحد فى الدين جدا وانا فعلا اعشق سماعهم زى الحبيب الجفرى
وعائض القرنى

والشيخ حسان ومحمود المصرى

لكن فى دعاة تانية

ربنا يعافينا من تذمتهم

حتى لو ضحكو والله تحس انهم مصطنعين الضحك

فى الاخر

اللى بيعملوه ده بقى

حراااااااااااااااااااااااااااااااااااااااااااااااااااااااااااااااااااااااااااااااااااام

Friday 18 December 2009

المغفل

كنت بتفرج على برنامج فى دريم كان برنامج فتاوى
وواحد اتصل بالشيخ بيقول له
مراتى بتكلم واحد ياشيخ
قاله طيب انت عرفت منين الاول

قاله سمعتها وهى بتكلمه فى التليفون وشفت رقمه على موبايلها
قاله طيب وبعدين يابنى

قاله انا رحت لواحد بيعرف فى السحر
وقاللى مراتك مسحورة وبتكلمه غصب عنها

قاله وانت عملت ايه

قاله انا ياشيخ بروح له عشان يعالجها

مغفل


المهم

الشيخ قاله يابنى لو هى مسحورة هتتصل بنفس الرقم وهتعرف منين ان كان 010 ولا 012

وهى اصلا عقلها مش فيها

يابنى بص

قلها عفا الله عما سلف ده لو ندمت

او كل واحد فى حاله

الصراحة انا لما سمعت الحلقة

فكرت

هو ممكن واحدة تخلى واحد يحبها للدرجة دى

يبرللها افعالها

للدرجادى

مش عارف

ياريت تدونى رايكم

وشكرا

Thursday 10 December 2009

البقاء لله


عزاء واجب للمدونة العزيزة سلوى

فى وفاة والدتها

متنسوش الدعاء ياجماعة

وياريت ميبقاش الدعاء بس مجرد كتابة دعاء على المدونة

ياريت الدعاء يبقى فى الصلاة لوالدتها ولجميع موتى المسلمين
وجزاكم الله خيرا

Saturday 14 November 2009

تاج النعم

تاج قريته عند كوشيا ومنى

وقلت اجاوب عليه

من منطلق

واما بنعمة ربك فحدث

النعمة الاولى

الاسلام
ومايتبعها من حب كبير لرب العالمين ولسيدنا رسول الله و وال بيته الاطهار والصحابة رضوان الله عليهم

النعمة التانية

الصحة
ومايتبعها من عينان وقدمان واذنان وجوارح وعقل وقلب

النعمة التالتة

الستر

انا لو قعدت احمد ربنا على ستره ليا
طول عمرى وفوق عمرى اعمار واعمار مش هقدر اوفى

النعمة الرابعة

العيلة
اللى بسببها وبفضل الله قدرت اوصل للى انا عايزه
بتشجيعهم ليا
ونصحهم المستمر ليا

النعمة الخامسة

وظيفتى اللى عمرى ماكنت احلم بيها
( ويرزقكم من حيث لاتعلمون )


النعمة الخامسة

انا ليا اصحاب اثرو فى حياتى اوى
و انا الحقيقة معنديش اخوات صبيان
بس بجد ليا اصحاب اكتر من اخواتى


النعمة السادسة

دى المفروض كنت قلتها فى الاول

كفاية انى ربنا اذن لى انى ازور المسجد النبوى وازور البيت الحرام

النعمة السابعة

انا دايما لما اعصى ربنا
ربنا بيعاقبنى بسرعة اوى فبيحصلى حالة فوقان بسرعة
فبحس انى دى نعمة كبيرة اوى
يعنى والله مثلا لو مصلتش فى يوم

يانهار ابيض
اليوم ده بحس انه انحس يوم فى حياتى وكل حاجة تقف قصادى
ومفيش حاجة تكمل

النعمة التامنة

الحمد لله انا بعتبر الشعر رغم انه ابتلاء بس بحس انه نعمة فى نفس الوقت

وترتيل القرءان نعمة كبيرة من الله عز وجل علي بها

واتعلمت الترتيل وانا عندى عشر سنين ويرجع الفضل الحقيقة لخالى اللى كنت بسمعه وهو بيرتل فى بيت جدتى
فقلدته بس طلع صوتى احلى منه بكتير الحمد لله

النعمة التاسعة

انى قدرت اتكلم عن نعم ربنا لكل الناس

النعمة العاشرة

نعمة ان ربنا هو ربنا

الحمد لله ان ربنا هو ربنا

وفى الاخر


وان تعدو نعمة الله لاتحصوها





Thursday 29 October 2009

لعبة الشطرنج

اشعر حين احبك انى العب لعبة الشطرنج

فكلما حركت شعورا من مشاعرى قتلتيه

ولم يتبقى لى الا ملك هذه المشاعر الا وهو قلبى

فهل لك ان تتركيه ؟

Thursday 22 October 2009

الى امرأة ما

الى من احتلت قلبى وكيانى

واسرت عقلى ووجدانى

اعترف اليك بخوفى عليك

واعترف ايضا ان هوانا مثل البحر
امواجه هادئة احيانا
مضطربة طول الوقت

واقر بانى اعلم انى اهوى من تملك كل مقومات السعادة لى

لا انكر ان ابتسامتك سر حياتى

وان صوتك يجبرنى ان اكتب القصائد والاشعار

واعلمى يقينا ان كل لحظة تمر لا اراكى فيها
هى اصعب لحظات حياتى

وأننى كلما جلست جوارك تمنيت ان يلغى التاريخ
ويمحى الزمن
ويتوقف الوقت
وتلغى الدقائق والساعات

حبى لك اجبرنى ان احب قطتك الصغيرة
فانا اعلم مدى حبك الكبير لها


اعرف انك يوم ولدتى اعترف الكون بأنه اكتسب لونا جديدا جميلا زاهيا لم يكن يعرفه من قبلك
تحلو به كل الحياة


واعلم انك كلما مريت على شاطىء البحر تسابقت الامواج نحوك كى تقبل قدماكى

واعلم ان الندى الذى يتساقط من الورود صباحا ماهو الا دموع الورود
نزلت حينما اشتاقت الى رؤياك وانتى تنامين ليلا

حبيبتى
حينما تشرق الشمس تطوق العصافير الى
بيتك والكروان قائدهم والهدهد مرشدهم
اتوا اليك ليلقوا عليك تحية الصباح

حبيبتى
هل تذكرين يوم كنا معا فى الامارة الرومانسية وحينها قلت لك
ليلى تشتاق لرؤيتك وجولييت منك تغار
بعدما احتلت قصتنا
كل الكتابات والاقاصيص والاشعار

نعم انا اتذكر يوم كنت ارقص معك فى الليلة الشتوية
الرقصة الرومانسية وقلت لى
ان القمر يشاهدنا يراقبنا
ويومها ارخيت الستار لانى عليك حياتى اغار


واتذكر يوم اتفقنا ان نغير اسمائنا فى البطاقة
واربط اسمى باسمك
وتربطين اسمك بااسمى

ان الشوق الذى يعترينى حينما تبعدين عنى
هو الحب الحقيقى


هذا الشوق الذى يلاحظه كل من يرانى

فى عينى
فى كلامى
فى وجدانى

وان جمال عينيك
هو اكثر شىء يزلزل كيانى



لذا اتذكر اول لقاء بيننا
التقت اعيننا فى صمت
وتحدثت اعيننا فى صمت
وجلسنا فى صمت
وتحدثنا فى صمت
وذهبنا فى صمت
حتى اذا جاء الليل
ودخلت حجرتى
وكتبت بااكبر خط
احبك ياحبيبة قلبى
بأعلى صوت

Thursday 15 October 2009

رقصة رومانسية فى ليلة شتوية

على اضواء الشموع

فى اخر الليل كنا معا

فى ليلة شتوية رقصنا
على انغام الموسيقى الرومانسية

وضعت يدى على ظهرها
ووضعت يدها على كتفى ورقصنا
على انغام الموسيقى الرومانسية

قلت لها احبك
وقالت لى احبك

وندور ندور ندور
وفجأة تقول لى
انظر
يرانا القمر وتبتسم الطيور
فارخى الستار لانى اغار
من ابتسامات الطيور
وحتى من ضوء النهار

تسافر يدى فى عتمة شعرها المنساب على كتفيها
وتسرح عينى الهائمة بحبها فى عينيها
اقبل يديها


فى ليلة شتوية
رقصنا على انغام الموسيقى الرومانسية
قالت لا استطيع ان استغنى عنك
اذوب شوقا كلما اقتربت منك
اعشقك
ياامير مملكة العشاق
يامن علمتنى اشتاق
احبك
بكل لغات المشتاقين
وعشقى لك ممتد ل الاف السنين
واذوب كالثلج بين يديها
ارانى فى مقلتيها
مرسوم فى عينيها
فى ليلة شتوية
رقصنا على انغام الموسيقى الرومانسية

Saturday 10 October 2009

عايش جواه

حبيبى لما بيقرب
ويبعد يبقى
بيجرب
هحبه ولاهتهَرب
وهنسى هواه


يلاقينى بحبه كتير
وحبى جوة قلبى كبير
وهو جوة قلبى اسير

حبيبى لما بسمعله
حقيقى بجد بشتاقله
وانا وياه

حبيبى لما بيسيبنى
يسافر يبقى عذبنى
واعد ليالى بعده
وادوب
من الشوق اللى دوبنى

ولما ييجى ابص بشوق
فى عينه
وافوق
من البعد اللى تعبنى

حبيبى العسل دمه
وقلبه حليب
ومهما وصفت
مش هوفى
لاغلى حبيب

حبيبى لما يتكلم
طيور الجو تتعلم
تغنى وراه

والاقى الشجر يرقص
يقول بهواه

حبيبى لما بيقرب
ويبعد يبقى بيجرب
هحبه ولاهتهٍرب
وهنسى هواه
يلاقينى عايش جواه
ومش بهرب

Wednesday 7 October 2009

اقوال العارفين

ان الانسان لايفكر فى الله الا اذا وقع فى المخاوف والمصائب
الدكتور عائض القرنى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يعتقد خطأ من ظن ان حرب اسرائيل ضد الدول العربية حرب حدود انما هى حرب عقيدة ووجود
الشيخ محمد حسان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ان من فن التعامل مع الاخرين الذين تختلف معهم ان تلتقى معهم فيما اتفقتم عليه
الاستاذ عمرو خالد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الحمد الله الذى خلقنى كفيفا حتى لا ارى وجوه الظالمين
الشيخ عبد الحميد كشك رحمه الله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ان الانسان خلق بين افعل ولا تفعل فان فعل مانهى عنه وخالف ماامر به فسد
الشيخ الشعراوى رحمه الله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ربى ان كنت اعبدك كى ادخل الجنة فلا تدخلنى الجنة وان كنت اعبدك كى ادخل النار فادخلنى النار
انى اعبدك لانك ربا تستحق العبادة
العارفة بالله رابعة العدوية رضى الله عنها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انا اعرف فى الدين اكتر منك ومن اهلك
الشيخ محمد سيد طنطاوى شيخ الازهر

Saturday 3 October 2009

الامارة الرومانسية

هى اسكنتنى الامارة الرومانسية
وبنت لى فيها قصرا
ادخلتنى فيه جبرا
توجتنى فيه ملكا
واميرا للامارة الرومانسية

حوطت القصر شجرا
ومهدت فيه سبلا
وبنت برج عالٍ
وشرفاتٍ وردية

هى اطلعتنى على الامارة
ورأيت فيها
كيف تشتاق العصفورة للعصفور
وعلمتنى لما تغرد الطيور
وقد نزلنا الى النهر الكبير
ونظرت فسمعت عذوبة الكلام
وتلذذت بعذوبة المياه
ايقنت بأن هنا الحياة
فى الامارة الرومانسية

سالتنى كيف ستحكم الامارة
بالقلب ام بالعقل ام بماذا؟
قلت لها من المستحيل ان اطبق القوانين الوضعية
فنحن هنا فى الامارة الرومانسية

سبقنا اليها قيس وليلى
عنترة وعبلة

ولسوف نرفع فوق الامارة راية
علما يميز شعبها
اختارى انتى رمزها
قالت التضحية رمزا للامارة
ولى بذلك امارة
كيف حارب عنترة العبسى
من اجل عبلة
كى ينقذها من عمارة
وكيف جن قيس
بحوائط بيت ليلى
وروميو وجولييت

نظرت اليها
نظرت الى
فنظر الينا القمر

قلت لها
حبيبتى
ليلى تشتاق لرؤيتك
وجولييت تغار
بعدما احتلت قصتنا
كل الروايات
كل الاشعار

فما من بيت شعر
او من وصف سحر
الا وقص حبنا
وما بنا
هى انقذى العالم المادى
وعلميهم كيف تبنى الامارة
كما علمتينى
القواعد الاساسية
لبناء الامارة الرومانسية

Tuesday 29 September 2009

دلينى

الله يخليكى
بصيلى
حسى باشواقى وحنينى
وخدينى فى عينيك ضمينى
وسيبينى اضمك بعيونى
انا دايب دوب دوبتينى
انا تايه ارجوكى دلينى
دلينى لاقطع شرايينى

*****************
انا عايز اشرحلك امرى
انا حالف لاوهبلك عمرى
وبجيلك من ابعد مينا
ببعتلك نظرة وحشتينا

*************
عمال ابصلها ومتشوفشى
دى نظرها ضعيف انا معرفشى
انا اقرب منها تقوم تمشى
مكسوفة من ايه مبتقولشى

*************
انا عايز بس اكلمها
واحكيلها هوايا وافهمها

انى انا من غيرها
بكون تايه
تعبان مش قادر مش فايق

*******************
حسى باشواقى وحنينى
وخدينى فى عينيك ضمينى
وسيبينى اضمك بعيونى
ان تايه
ارجوكى دلينى

دلينى لأقطع شرايينى

Monday 28 September 2009

قالوا وسمعناهم

ان ارقى علاقة بين الرجل والمرأة هى علاقة الجنس

ايناس الدغيدى
  • ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لو مسك الاخوان المسلمون الحكم فى مصر سوف اعمل راقصة فى الافراح الاسلامية

دينا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اتمنى اذا مت ان لا اموت مطربا

تامر حسنى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حملت كثيرا واجهضت كثيرا فعاقبنى الله بعدم الانجاب

الهام شاهين
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تربية الكلاب اشبعت عندى غريزة الامومة

هالة صدقى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تسبب تامر حسنى فى افساد الاغنية المصرية وتخلف الذوق العام

عمرو مصطفى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اذا قامت القيامة ووقفت للحساب سيقول لى ربى انت واد جدع ادخل الجنة

احمد فؤاد نجم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اتمنى لو امارس مهنة الرقص الشرقى ولكن والدتى تقول لى انتى لاتجيدين الرقص

منة شلبى
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عبد الحليم حافظ كان لايستمع الى نصائح الطبيب ويمارس الجنس

مفيد فوزى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لقد خنت كل ازواجى الذين خانونى

صباح
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لقد سالت نفسى لماذا يوجد ابو الهول ولا نرى اى معالم للسيدة الفاضلة ام الهول ولقد اجابنى المؤرخين
بأن هناك عدة اراء
الرأى الاول بأن ام الهول غرقت فى العبارة والرأى الثانى بأنها حرقت فى قطار الصعيد
اما الرأى الارجح وهو الرأى العلمى ان ابو الهول مكون من جسم اسد ورأس رجل
وذلك يدل على ان ابو الهول كان رجلا وان أم الهول كانت(( اسدة))


سيد ابو حفيظة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انت مش نافع

السيدة الفاضلة والدتى
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Sunday 27 September 2009

ايام لاتنسى

بسم الله الرحمن الرحيم

قلتلكم هحكى عن رحلة العمرة

كان عندى21 سنة

وسافرت بحرى
سفينة السلام
بس الصراحة مش متذكر 96 ولا السلام 98

المهم سافرت يوم جمعة خرجت من بيتى الساعة 9 الصبح
ركبت العبارة الساعة 11 الصبح وقعدت لحد الساعة خمسة بعد العصر لحد ماخرجت العبارة من مينا السويس متجهة للاراضى المقدسة
فاكر انى السفينة كانت مشغلة سورة البقرة كاملة وكانت شغالة فى سماعة الاوضة
المهم قعدنا يومين فى العبارةلحد ماوصلنا مينا جدة الساعة 9 الصبح
واخدنا شنطنا ونزلنا المينا وعلى ماخلصنا الاجراءات وكدة ركبنا الاتوبيس على الساعة 1 الضهر او 2 فى الحدود دى وصلنا المدينة المنورة الساعة 8 بالليل
ودخلنا الفندق وكان العشا بيدن وطبعا ملحقناش نصلى العشا فى المسجد النبوى
طلعت اوضتى طبعا غيرنا واتشطفنا من السفر
وفتحت شباك اوضتى ولاقيت مآذن المسجد النبوى قصادى قعدت املى عينى منها
ونمت
وصحيت على الادان الاول للفجر
وكانت دى اول زيارة ليا لمسجد سيدنا النبى اول مادخلت كنت بقدم رجل واخر رجل
مش عارف ليه
لاقيت مكتوب قصادى على كولمانات كبيرة ماء زمزم
وانا عارف ان ماء زمزم لما شرب ليه
فقلت عايز ادعى دعاءقبل مااشرب ماء زمزم
فجه على بالى دعاء بحبه اوى

اللى هو
ربى اوزعنى ان اشكر نعمتك التى انعمت على وعلى والدى وان اعمل صالحا ترضاه وادخلنى برحمتك فى عبادك الصالحين

قعدت مابين الادان الاول والادان التانى ادعى ربنا كتير اوى
لحد ماقامت الصلاة
وصليت
ورحت ازور سيدنا النبى
لحد ماجيت سالت عسكرى بقله لو سمحت هى فين الروضة فقاللى حضرتك فى الروضةورحت سلمت على سيدناالنبى وصليت عليه وسلمت على سيدنا عمر وسيدنا ابو بكر مش عارف ليه وقتها عيط
وحبيت ارجع من الباب اللى خرجت منه معرفتش من الزحمة فخرجت من باب القبة الخضرا
فلاقيت نفسى تايه ودى كانت اول مرة اتوه فيها قعدت ماشى ومش عارف انا رايح فين ولاجل الحظ انى الفندق كنت معلمه بمحل اسمه حامل المسك لما لاقيته عرفت اوصل للفندق
فى نفس اليوم قمت الليل وصليت صلاة التسابيح
وحصل موقف لن انساه طول عمرى وانا ساجد شفت نور شديد فقمت خرجت من الصلاة مش خوف اد ماهو كان استغراب وفى اليوم ده مر عادى وكنت دايما اقعد من بعد صلاة العصر لحد صلاة المغرب واروح اكل وارجع اقعد من بعد المغرب لحد العشا وفى الفجر برضه كنت اروح المسجد اقعد من بعد الفجر لحد الضحى فى يوم كنت قاعد ارتل قرآنوجه واحد مش عارف اندونيسى او باكستانى وجه قعد جنبى فسكت فشاورلى كمل وسالنى بلغته مفهمتش منه حاجة بس اللى قدرت افهمه انه كان معجب بصوتى فى اليوم التالت كانت زيارة لمسجد قباء ومسجد القبلتين وجبل احد

طرائف المدينة

كنت رايح اشترى سواك
وكانت مجموعات كدة فقعدت كل شوية اشم ريحة سواك واشوف غيره
قعدت كتير فالراجل تقريبا زهق منى فقالى هو انت بتشم مخدرات

موقف تانى
كنت بتمشى بعد العشا لوحدى فى المدينة
وكنت بعلم الطرق اللى جيت منها عشان متوهش المهم دخلت محل بيبيع هدوم
الصراحة الهدوم فى السعودية مش حلوة خالص فقعدت اساله عن الاتمان المهم سبته ومشيت راح قعد يقول بصوت عالى مش بايع لمصريين يجو يبصو على الحاجة وفى الاخر ميشتروش قمت باصصله وكدة ومشيت على فكرة سبحان الله رغم الكل هناك بيلبس عبايات بيضة بس انا لما كنت اشوف مصرى اعرفه انه مصرىحتىمن غير مايتكلم لاقيت لاقيت ان احنا لينا طابع خاص متحسوش غير لما تبقى فى وسط اغراب


غرائب المدينة

كان مكتوب على حيطة الفندق على هو الله
تقريبا الشيعة هما اللى كانو كاتبينها

مواقف المدينة

انا كنت فى العمرة انا ووالدتى وخلانى كلهم بزوجاتهم وعمتى وجوزها وزميل خلانى
فكنا متفقين اننا بعد صلاة العشا هنتجمع قصاد الباب الرئيسى اللى هو جنب الروضة واتجمعنا ورحت لاقتهم كلهم واقفين فقلتلهم متجمعين عند النبى لاقيت ناس دمعت


وبعد كدة رحنا مكة المكرمة وخرجنا تقريبا بعد صلاة الضهر وودعت المدينة وانا ابكى
لما قربنا على الحرم ودخلنا مكة كان ناس كتير فى الاتوبيس بتبكى
وكنا بنقول لبيك اللهم لبيك
الحقيقة كان اول مرة احس بمعناها وبكيت
كنت حاسس انى ربنا بيقلى انا دعيتك يامدحت تزور بيتى وانا بقله وانا جايلك من مصر بسرعة يارب
لبيك اللهم لبيك
لبيك لا شريك لك لبيك
لاشريك لك
حسيتها
عارفين انتم مخلصين له الدين
لا اله الا الله
لامعبود بحق الا الله
لانعبد سواه
وهو الواحد الذحى ندعوه ونناجيه ونرجوه ونتقوى به ونتوكل عليه
ونخشع بين يديه
ونستعين به
ونحبه ونهابه
ولانطمع الا فى كرمه
احساس جميل اوى لما تحس انك ليك رب
انا كنت عارف انى لما تدخل الكعبة وتشوفها لاول مرة انك ليك دعاء مستجاب اول ماتشوف الكعبة
فقلت اول ماهشوف الكعبه هدعى
دخلنا من باب اسمه باب السلام واول مادخلت مدعتش تخيلوا

قعدت ابكى

وطفنا حوالين الكعبة وسعينا وكنت فرحان اوى
وكان فيه واحد افغانى عمال يزقنى بطريقة رخمة بس كنت مبسوط والله برضه
وخرجنا من على الساعة 3
وانا خارج برضه من باب تانى غير اللى دخلته وتهت لتانى مرة
لحد ماسالت على اسم الفندق واحد وصفهولى
ونمت
اللى فاكره فى مكة اوى
انى دعيت ربنا وقلت يارب الهمنى عمل فى الحرم كبير جدا يخليك تحبنى فلاقيت راجل كبير مصرى نده عليا وقاللى ممكن تجبلى اشرب ورحت جبتله وسقيته مش اى ماية دى ماية زمزم وقعد يدعيلى
ولاقيت واحد كان نازل على السلم وكان هيقع قمت مسكته وراح قعد يدعيلى جامد اوى
ويوم تانى كان بعد صلاة الفجر ناس بتملى من الحنفيات وانا كنت رايح املى فلاقيت راجل كبير جدا عجوز اوى وشايل الزمزمية اللى بيملاها بالعافية قمت اخدتها منه ومليتهاله وبرضه قعد يدعيلى والله فحسيت اد ربنا بيحب الانسان اللى بيساعد الناس

طرائف مكة

كنا خارجين من المسجد بعد صلاة العصر
وكنا معديين على محلات قلاقينا واحد سعودى بينادى مصريين مصريين فول وفلافل راح خالى قاله ياعم احنا زهقانين منهم فى مصر نيجى نلاقيهم هنا

مواقف
فى السعودية تلاقى تلاجات بيبس موجودة فى الشوارع تحط العملة ينزلك كانز
الحقيقة انا قلت لو فى مصر دى كانت تبقى مليانة كازوز على عينها مكان العملة وتلاقى مكتوب عليها احمد بيحب منى ومرسوم عليها قلب
المهم
زميل خالى جاب كانز وحاطه جنب حيطة وهى مقفولة طبعا ورحنا صلينا العشا واحنا راجعين بعد الصلاة بوقت طويل لاقيناها مكانها وخدها وشربها

فى اخر يوم فى مكة كان صلاة فجر وبعدها هنصحى الصبح نسافر فوانا بصلى الفجر فى الركعة التانية والله جالى هاتف وانا ساجد قلت انا هشوف اخر اية هيقلها الشيخ فى الصلاة وهحطها حلقة فى ودنى طول عمرى
فكانت اخر اية سمعتها هى

ان الدين عند الله الاسلام

بس

وركبنا السفينة على الساعة خمسة وكان المنظر بتاع البحر يرعب كان الموج عالى اوى وحسيت انى السفينة هتغرق حتى والدتى رغم انها كانت تعبانة
خافت تنام
المنظر كان مرعب للغاية
وربنا يتقبل ويكتبهالنا كلنا
للى راحها يروحها تانى واللى مرحهاش ربنا يكتبهاله
وشكرا

Sunday 13 September 2009

البصيرة

مش عارف ابتدى منين واكتب ولا مكتبش
بس الحقيقة انا عايز احكى

الحكاية ابتدت معايا وانا عندى 16 سنة كنت فى تالتة ثانوى وكنت قريب من ربنا جداوالحمد لله كنت حافظ اجزاء كتير من القرءان
وكنت بصلى على طول فى المسجد
بس فى فترة تالتة ثانوى ابتديت اطلع على كتب للمستشرقين
المستشرقين دول ناس من الغرب بيدرسوا احوال العالم العربى ومنها ديانتهم اللى هى الاسلام
كان فى كتبهم بيهاجمو الاسلام والقرءان وبيقولوا ان القرءان فيه تناقض شديد وكانوا بيذكروا امثلة على ده من القرءان نفسه
والحقيقة من كتر قرايتى للكتب دى اتأثرت بيها جدا وحسيت انى فى كلامهم جزء من الحقيقة
بس ماقتنعتش بكلامهم تمام الاقتناع
فى الفترة دى كنت بتقطع من جوايا
هل انا على الدين الصح ولا دين المسيحية هو اللى صح
كنت واقف فى النص
لاعارف اكدب الاسلام ولاعارف اصدق المسيحية
لدرجة انى لما كنت بقرا القرءان كنت بحس انه مش كلام ربنا
وكنت حاسس زى مابيقولو ممكن يكون متألف ومنسوب لربنا
وكنت دايما اقول اناهدخل النار ولاهدخل الجنة
يعنى لو انا مسلم وكلام المستشرقين صح
يبقى انا فى النار
ولو الاسلام صح والقرءان فعلا منزل من عند الله
واتبعت المسيحية
يبقى انا كمان فى النار
وكنت دايما اقول فى نفسى
سيدنا عيسى احيا الموتى
وسيدنا موسى فلق البحر بعصاية
طيب اشمعنى سيدنا محمد مجاش بمعجزة كبيرة زى بقيت الرسل
هل فعلا زى مابيقول المستشرقين محمد ادعى انه نبى

قعدت فى حالة التفكير المستمر ده تلت سنين
لحد ماتوفى والدى
بقيت حاسس انى عايش فى جحيم هو والدى كدة داخل النار ولا داخل الجنة
هو مات على الاسلام وممكن الاسلام ميكونش هو الدين الصحيح
فضلت تايه بجد
ويوم تشييع والدى
اعمامى قالولى يامدحت ياللا اتوضى عشان انت اللى هتصلى بينا على ابوك
الصراحة اتخضيت
ورفضت لانى الصلاة اللى هصليها دى شاكك فيها
ورحنا دفنا والدى ومرضتش ادخل القبر ووقفت بعيد برة القبر خالص
وحتى لما دعو لبابا مأمنتش
و لما روحت
فضلت اسأل نفسى بابا كدة فى النار ولا فى الجنة
ودماغى حاسس انها هتنفجر
لحد ماوالدتى مسكت الشنطة بتاعت والدى وفتحتها وكان فيها حاجات خاصة بيه
فلاقيت مفكرة صغيرة قمت فتحتها
كانت المفكرة دى مكتوب عليها مفكرة
سنة 2002 وهى السنة اللى اتوفى فيها والدى
فلاقيته كاتب فى اليوم اللى عمتى اتصابت بيه بالسكر مدى حزنه عليها
ويوم تانى كاتب انه فى اليوم ده اتعرض عليه رشوة ورفضها

لكن اللى خلانى بكيت بكاء شديد جدا جدا ومقدرتش امسك نفسى من البكا
انه اخر جملة كتبها فى المفكرة
وهو اليوم اللى جاله فى غيبوبة الموت
كانت رد على سؤالى هل بابا كدة فى الجنة ولا فى النار
حسيت انه رد عليا فى اخر جملة كتبها فى حياته
ان شاء الله الجنة
انفجرت فى البكاء بطريقة مقدرتش امسك نفسى وكنت حاسس انى هموت من شدة البكا
وعلى فكرة مكنتش بكيت على بابا من اول مامات غير فى اللحظة دى
وكانت اول خطوة على الطريق الصح انى بطلت اسمع لكلام المستشرقين واسمع كتير جدا للشيخ الشعراوى وكذا شيخ برضه وكنت بتأثر بكلامهم جدا
وليا زميل اهدانى شريط للشيخ صلاح الجمل
كان دعاء ولما كنت اسمعه كنت ابكى بكاء شديد
وجبت كتاب السيرة النبوية للمباركفورى

يمكن فى الفترة دى معتقدش فى تكبيرة فاتتنى
وكان كل لبسى فى الفترة دى العبايات البيضة
واطلقت لحيتى كمان
وكان فيه حرب شعواء ضد تربية اللحية من نحية البيت عندى
رغم ان اللحية كانت لسة خفيفة
وفى الفترة دى حفظت كتير من القرءان
والحمد لله اطمئن قلبى جدا جدا للاسلام
والله فعلا انا حسيت انى مسلم فعلا
مش مسلم اسم كدة وخلاص
عن اقتناع تام
انى على الطريق الصح
بس الوصول ليه فعلا كان فى غاية الصعوبة
لحد ماوالدتى قالت انا عايزة اطلع عمرة
وكان لازم محرم اللى هو انا طبعا لانى الولد الوحيد ليها
كان ده اكبر كرم لربنا ليا طول حياتى
وان شاء الله احكى رحلة العمرة فى بوست تانى بأذن الله
ويارب ندخل الجنة
سلام عليكم

Tuesday 8 September 2009

انا رقاصة محترمة

انا رقاصة محترمة ياطونى ده كان اول كلام دينا مع طونى خليفة فى برنامج لماذا؟ واللى بتعرضه محطة القاهرة والناس الفضائية
كان ناقص تقله رقاصة محترمة من البيت للكباريه ومن الكباريه للبيت
(على رأى عادل امام)
المهم الحلقة دى من اكتر الحلقات اللى فقعتنى فى برنامج طونى خليفة يليها حلقة حسين فهمى
المهم
لما بيقلها وبيسالها طونى خليفة الرقص حرام ولا حلال
ردت قالت بص ياطونى انا رقاصة محترمة وتكرر وتعيد محترمة ياطونى والرقص زيه زى اى مهنة محترمة مش انا اللى مخترعاه وبعدين الحلال بين والحرام بين
يامعلم
فعلا الرقص حلال ياسيدى لان على رأى الفقيهة دينا
الحلال بين والحرام بين
بيقلها اختك منتقبة واختها اللى هى دينا يقصد نصف عارية
ولما اعترضت على نصف عارية قاللها تلت ارباع عارية
فردها كان قمة فى الاقناع الصراحة وبكل لباقة
المايوه اعرى ياطونى
ماشاء الله
الهمت الاجابة
المهم مقدرتش اكمل الحلقة لحد هنا
خوفا على نفسى من السكر والضغط
ورمضان كريم

Saturday 22 August 2009

ماعلينا

اولا كل سنة وانتم طيبين ورمضان كريم على الامة الاسلامية ويارب يكون اخر رمضان يمر علينا والامة فى حالة انهزام وانكسار
ثانيا ببارك لان ابتداء من النهاردة الحمد لله فتحت ابواب الجنة واغلقت ابواب النار وصفدت الشياطين
بس للاسف الشياطين شياطين صح ولاد ستين فى سبعين
عملو ايه اللؤمة دول
ظبطونا قبل مايتسلسلوا باربعة واربعين مسلسل

يعنى لو اعتبرنا ان المسلسل مدته ساعة فرضا محتاج حضرتك اربعة واربعين ساعة فى اربعة وعشرين ساعة تتفرج على مسلسلات
مش موضوعنا
المهم
انا النهاردة كنت حابب اتكلم عن شوية حاجات كدة مطلعة عينى وغيظانى
اولا السلام عليكم
لما حد يقول لحد السلام عليكم الطبيعى يرد السلام
كنت طالع ميكروباص فى القاهرة واول مادخلت قلت السلام عليكم محدش رد قمت كررت السلام مرة تانية برضه محدش رد عليا قمت قلت لتالت مرة السلام عليكم وللاسف برضه محدش رد ولا حد بص من اساسه
الصراحة قعدت فى الميكروباص بغلى وقلت فى نفسى الشعب اللى يكسل انه يرد السلام
من المستحيل انه فى يوم من الايام نشوفه شعب متقدم ومتحضر وقلت الشعب اللى مينشرش السلام بينه وبين نفسه
من المستحيل برضه انه ينال السلام من خارجه
وعليه قررت انا العبد لله نشر السلام حتى لو محدش ردعليا السلام
والسلام عليكم ورحمة الله وبركاته
استظراف بقى
ابن خالة والدى بيقلى اتجوزت ولا لسة قلتله لسة والله
فقالى انت كام سنة قلتله 26 وهكمل سبعة وعشرين على نص 11 ان شاء الله
قاللى يدوبك تكمل عليهم وتجيب بيهم جزمة
الصراحة كنت عايز اضربه بالجزمة بس لانه راجل كبير بس
سكت
المواقف المحرجة السنة دى ليا
يمكن اول موقف كنت فى محل زميلىوبقله المسيحيين كترو اوى فى البلد يااخى
ومكنتش واخد بالى انى فى ست مسيحية واقفة ورايا
ماعلينا
الموقف التانى
كنت فى مصيف وانان الصراحة مبعرفش اعوم
وعملت عنترة ودخلت فى الغويط
المهم المية عليت
وواحدة ست بتقلى تعالى خد ولادىواصلا انان يدوبك المية قربت على رقابتى
وعمالة تعلى قمت سبتها ومشيت
حركة ندالة ندالة يعنى
بس اعمل ايه اموت نفسى يعنى
السنة دى بقى فى التلفزيون حصلت حاجات تجيب الضغط
اول حاجة
قناة الناس
الدكتور صفوت حجازى ست اتصلت بيه فبتقوله ياشيخ اكل الرز المحروق فى قعر الحلة الحكاكة اكلها حرام ولاحلال
اعتقد لو الشيخ كان صايم كان زمانته فطر عليها
فى قناة الحياة
برنامج الحياة اليوم
كان بيناقش الفيلم الامريكى اللى وصفو فيه السادات بالكلب
المهم واحد اتصل من المشاهدين بيقول للمذيع افضل اتنين حكمو مصر انور السادات ومحمد على وبس
جه يكمل كلامه راح المذيع قاطعو وقالو نشكر المتصل معلش مفيش وقت فى البرنامج
المتصل اللى بعديه قعد يشكر فى السادات وقام اتكلم حلوعلى الريس الكبير تقريبا اكتر من عشر دقايق
تقريبا مدو البرنامج بعدها ولا ايه
المتسولين
ليهم مواقف معايا السنة دى لاتعد ولاتحصى
اول موقف كنت فى منطقة السيدة زينب
ومعايا زميلى زيدان
المهم نادت علينا وقالتنا
لو سمحت ياكابتن انا معايشش فلوس اركب وعايزة بس اى حاجة عشان اوصل لبيتى المهم ادناها اللى فيه النصيب
ومشينا واحنا ماشييين بنبص لاقيناها راكبة تاكسى
يعنى ماعلينا برضه
واحد كل لما اروح الشغل اعدى عليه يوميا
بيشحت على الموقف
مرة ببص عليه برضه لاقيته واقف فى جنينة وعمال يشرب سجاير طب بالله عليكم واحد محتاج للقمة عيش بالشكل ده يشرب سجاير
وماعلينا
كنت راجع من القاهرة فى ميكروباص و اتنين عساكر جيش عمالين يقولو للسواق افتحلنا التكييف المهم فتحه ودول
يقولو ولا اكن التكييف شغال ولاجايب اى هوا فببص عليهم كدة لاقتهم قافلين التكييف اصلا
جيشنا لسة بخير ياجماعة
المهم رمضان كريم وكل سنة والمسلمين بخير وسعادة وعلى خطى الحبيب صلى الله عليه واله وصحبه وسلم

Saturday 8 August 2009

ماتت ام صديقى


ماتت ام صديقى


وبكى ...وبكيت معه
اخذوها.. غسلوها... كفنوها



وسرنا بها الى المسجد الكبير


وصلينا... اربع تكبيرات... صلاة جنازة





وبكى صديقى وبكيت معه


واسيته وكنت اريد من يواسينى


فكانت امه امى وتحمينى





وسرنا بها الى المدافن الجديدة


نزعنا غطاء القبر تركناها وحيدة
ودعونا لها فى القبر ساعات عديدة





واجهش فى البكاء صديقى





ورحلنا ام رحلت هى... أين الرحيل؟
أيقنا بعد بكاء طويل


بأن الموت ليس له بديل


وماتت ام صديقى


رحمة الله عليها



اللهم بلغنا رمضان






Tuesday 28 July 2009

قالت لى يوما


كانت تقول لى انى احبك ياحبيبى
وان عشقك لى دوائى ياطبيبى
وانك انت محبوبى ونصيبى

اتتنى يوما تحمل البرفان لى يوم ميلادى
وهنئتنى واخذتنى من يدى قالت مرادى
وسرنا عند البحر تحت المطر قامت تنادى
انى احبك ياحبيبى


قالت لى يوما ان عشقك دولتى
فيها امارس ياحبيبى حريتى
انت الزعيم وفيها تظهر قوتى
قلبك حياتى هو محل اقامتى


حضنتنى يوما حتى كادت ان تمزق اضلعى
ومسكت يدى حتى كادت ان تكسر اصبعى

احببتها وهويتها عامان لم انزع يدا

وفجأة

يضيع الوعد الذى تواعدنا عليه
ويتوه الطريق الذى سرنا اليه
ويأتفى هاتفى رسالة خالية من الاستمالة

بأنها راحلة مع ابيها
ولن تعود مرة اخرى المدينة

حاولت الاتصال بها فلم ترد جوابا
عاتبتها فى نفسى اشد عتابا

وبكيت حتى انتهيت
ورأيت ان الحب فى العالم سرابا

Wednesday 22 July 2009

تاج من ابلة منى

بسم الله الرحمن الرحيم

ماذا يمثل لك الكتاب؟
متعتى


هل القراءة تغير من حالتك النفسية ؟ وما أثر القراءة عليك بوجه عام؟


اه جدا وخاصة الكتب الدينية والكتب الادبية


القراءة اولا فى حد ذاتها


متعة


ثانيا بتثرى الانسان بمعلومات لم يكن يعلمها من قبل



اول كتاب قراته واخر كتاب؟


اول كتاب مفتكرش الصراحة


بس انا وانا صغير كنت بقرأ ميكى وسمير


وحاجات كدة وكتب المدرسة طبعا


اخر كتاب حاليا بقرأ الرحيق المختوم وكتاب لاتحزن


رغم انى قرتهم ممكن اكتر من عشرين مرة بس بستمتع بقراءتهم جدا




في أي المجالات تحب أن تقرأ ولماذا ؟


الكتب الادبية والدينية

بتعلم منهم جدا


هل عندك مكتبة وكم عدد الكتب بها في تقديرك ؟


اه عندى الحمد لله


مش عارف بس كتير كان والدى الله يرحمه اللى جايبهم


انا اشتريت بس لاتحزن والرحيق المختوم


وقصص الانبياء


وكتاب شعرى لنزار قبانى


وعبقرية عمر ابن الخطاب



اذكر اسم كاتب تتمنى أن تحتوي مكتبتك كتاب له؟
السيرة النبوية للشيخ محمود المصرى ان شاء الله اشتريه قريب

ماهو الكتاب الذي يرافقك في السفر غير المصحف؟
لا مفيش الصراحة غير المصحف

ماهي الجريدة أو المجلة التي تتابعها وما هي أهم الأعمدة فيها؟
بحب اقرا للكاتب احمد رجب فى جريدة الاخبار

ماهو أفضل كتاب أهدي لك ؟ وأي الكتب تهديه ولمن ؟
المصحف
من زميلى احمد جلال ربنا يعزه يارب
برضه المصحف
لمن لاى حد

إذا كنت بمعرض للكتب كيف تتعرف على الكتاب الجيد ؟
باسم الكاتب اولا
ولو لاقيت اسم الكتاب شدنى وحبيت اطلع عليه
ما هو المكان المفضل لك للقراءة ؟ وهل لك طقوس خاصة وقت القراءة؟
حجرتى
لا مفيش طقوس ولاحاجة بس احب ميكنش فيه صوت

الرواية – القصة القصيرة – الدين – السياسة – العلوم – الشعرمن الأحب لك في كتاب تلك الفروع ؟
الدين والشعر

كمان انصحنا بخمس كتب ترى فيها إفادة عظيمة؟
المصحف الشريف
الرحيق المختوم
لاتحزن
خواطر الشيخ الشعراوى
اشعار نزار قبانى
اشعار فاروق جويدة
الرجاء ارسل التاج على الأقل لنرسخ مبدأ تبادل السلطة
شيكو
كيكى
محمد مارو
حمادة زيدان
سلوى
بطة بكر
ريمان
زى الهوا
البت المشمشية
سلوى
رحيل

Thursday 9 July 2009

العروسة الجديدة

طويلة ومعرشة
تخينة ومكرشة
على طول مدندشة
من الفجر للعشا
جميلة وكويسة
شغالة مدرسة
هتعلمك الهبل
والعبط
والعته
متخدهاش احسن لك
صدقنى دى هتذلك
واكيد هتجرسك
والناس تستنقصك
هتخلى عينيك عورة
وتلعب بيك كورة
هتخليك زى اللوح
تفضل على طول مجروح
عينيها مبقللة
وايديها قنبلة
هتموتك بدرى
والناس وراك تجرى
خد بالك من نفسك
دى هتنسيك اسمك
طويلة ومعرشة
تخينة ومكرشة
شغالة مدرسة
على طول مهيسة

Monday 29 June 2009

تحت لواء رسول الله

بى شوق لا يدريه
الا من يسكن فيه
ابديه او اخفيه
لرسول الله محمد
صلى الله على محمد
صلى الله عليه وسلم
يااغلى احبابى خذونى
عند الحبيب دعونى
سيبونى ولاتردونى
فى روض رسول الله
صلى الله على محمد
صلى الله عليه وسلم
قد طال شوقى اليه
والنور فى عينيه
والسر طار اليه
شوقا لرسول الله
صلى الله على محمد
صلى الله عليه وسلم
ومدحت بطيبة طه
ودعوت ب طه الله
ان يحشرنى اواه
تحت لواء رسول الله
وعلى الكتيب انادى
ها قومو يااحبابى
فى بطن ذاك الوادى
قد قام رسول الله
فشكوت اليه ذنوبى
فاستغفر لى محبوبى
ورجعت بغير عيوبى
من عند رسول الله
صلى الله على محمد
صلى الله عليه وسلم
وهناك اموت واحيا
والروح ب طه تحيا
فاكاد اناجى الوحى
فى روض رسول الله
فشعرنا به يسمعنا
لم يكد الكون يسعنا
رباه به فاجمعنا
على حوض رسول الله
صلى الله على محمد
صلى الله عليه وسلم

Sunday 12 April 2009

تاج من موحة

اسمك

مدحت محمد محمود



سنك

26 سنة



اسمك المشهور وسط اصحايك



دوحة



او موحة





مجال دراستك



معايا ليسانس حقوق

جامعة القاهرة



اسم مدونتك



البصيرة



الصورة الرمزية للمدونة بتعبر عن ايه



بتعبر عن براءة الاطفال

وانا بصراحة بحب الاطفال جدا



هل فكرت فى اغلاق المدونة والسبب

فكرت

السبب ملل



هل احد من المدونين قل ادبه فى تعليق وردك عليه

حصل

والرد انه اتصل بيا اعتذرلى وهو اللى مسح التعليق بنفسه



اسوأ مدونة



مدونتى



اديت الباسووردلحد قبل كدة

لا



السفربالنسبالك ايه



حلم





الموود بتاعك ايه

رومانسى



بتعمل ايه فى وقت فراغك



بنام



الاكلة المفضلة



البيتزا



الصفات اللى اخدتها من والدى الله يرحمه

الطيبة



الصفات اللى اخدتها من والدتى



الطيبة برضه



اكتر ست حاجات بتكرههم



الحر

الرخم

المنافق

المتكبر

العدو الاسرائيلى

الامريكى





اكتر ست حاجات بحبهم



القرءان

الاطفال

الصديق بجد

النوم

الكورة

الشغل



شخصيتك نوعها ايه



عصبية





ليه دخلت عالم التدوين



ابدا كنت واقف فى طابور عيش طويل قعدت ماشى وراه لاقيت نفسى دخلته



احلى بوست كتبته



بوست كنت ببكى



الشغل بالنسبالك ايه

حلم



الانترنت بالنسبالك ايه



حلم برضه





تمرر التاج لمين



لاى مدون يحب ياخده

Wednesday 18 March 2009

بحبك

ليكى وبس بغنيلك

وكفاية بشرب من نيلك

ولوياحياتى ناديتيلى

هتلاقينى طلقة اجيلك
بحبك مصرى واموت فيكى
حبك حياتى رومانتيكى
بين الدول افرح بيكى

بحبك

Saturday 14 March 2009

عذرا سيدتى

تحبينى
وقد كنتى تتمنين ان اكون قتيل
تحبينى
وقد كنتى تتمنين لى الرحيل

عذرا سيدتى
منطق حبك صعبا صعبا
كيف الكره يحول حبا
توجه الى سلاح الابادة
تقول بكيت فوق الوسادة
تتعلم فى امور القيادة
تقودنى للوهم والمستحيل
وهم حبها لى
واستحالة حبى لها

Sunday 8 March 2009

حب الله

قبل ماودع الدنيا والدنيا تودعنى

وايه يعنى

مبخافش

اهم شىء فى الدنيا حب الله


قبل مازور القبر بتاعى


وايه الداعى

للخوف

مادام بنحب بجد الله



انا واحد حذرنى


بانى ميت ميت

ماكل الناس بتموت


حتى الرسول

مات

ومبخافش مادمت بحب الله

Saturday 7 February 2009

الهام

انا سامع صوت العصفور
بيصلى على الرسول
انا شايف ارواح زكية
وهباها لربها هدية
انا حاسس واحساسى ده عالى
ان رسولى فى قلبى ده غالى
الهائم فى حب الله
كم قصر فى الجنة بناه
والعاشق لرسول الله
سبحان الله ومولاه
مولاه الله ومولانا
سبحان الله ونجانا
وحفظنا الله واحيانا
سبحان الله الوهاب

Wednesday 14 January 2009

غزة الجرح الاليم

حرة المداد
بجد انا معنديش دم
بتكلم عن موضوع شخصى
والمفروض اكتب عن غزة
تعرف انا من اولى جامعه
بكتب اشعار عن غزة او فلسطين
محققتش حاجة
الحاجة الوحيدة اننا نبيع الدنيا ونشترى الاخرة
بمعنى الجهاد
بس بالله عليكى
الشياب دلوقتى مش يتحب تدخل جيش ولو نفدت من الجيش
تعمل فرح
فاسهل حاجة لغزة
احنا ينعملها الدعاء
يارب نكون مخلصين فى كلامنا
مش كلام كدة وخلاص
اعتقد ذنوبنابتمنع او بتاخر النصر والتمكين
وياريت كل واحد يصلح من نفسه
وقتها يحصل التمكين بعون الله تعالى