CLICK HERE FOR THOUSANDS OF FREE BLOGGER TEMPLATES »

Sunday 24 January 2010

قصة منتحرة

هى فى جمالها تاهت
وفتنت كيفما شاءت
مذاقا حلوها مرا

وعلمت انها تفنى

وهويت حينها عميت
بواخر عشقها ركبت
تصادق موج اهواء
وسارت حينها غرقت

واول عشقها خدعت
وخرجت من حبها صرخت
بأن الطعنة قد قتلت
وصدقت حينها كذبت
وصارت قصة اخرى
لتهوى مرة اخرى
فهى عن حبها بحثت
وماانتهيت

لذا بكيت

ولكن بعدما فسدت
لان الوردة قد قطفت
وماتت بعدما انتزعت

وكل من تراه الان تحكى له
كيفما ذبحت

وان الجرح ابكاها
وان الروح قد نزفت

وتستعطف مشاعره
وتنتظر مواساته
لذا حكيت

والف قصيدة كتبت
لتحكى انها ظلمت

وتدخل قصة اخرى

لتثبت انها انتصرت

وقد فشلت

لان مشاعر ماتت وماانتفضت
فكيف الان تشكين
وتروين
قصة انتحرت

17 comments:

زهور الامل said...

الله عليك يا مدحت

كلماتك اثرت فيا اوي
ساعات فعلا الظلم بيخلي الواحد لا ملاذ له غير التفكير في الانتحار والعياذ بالله

كلماتك حزينة وفي نفس الوقت جميلة

تسلم ايدك
وبعدين يا سيدي انا اهو مش قفلت المدونة في الشتا ولا حاجة ولا بمتحن لاني اتخرجت من زمان
بس زي ما تقول كدة حاسة اني مقيدة نفسيا وبحاول استعيد نفسي تاني او اخرج براها خالص واعيش في حياة مش بتاعتي والله ربنا يعمله بقى
الحمدلله على كل شيء

تحياتي

مدحت محمد said...

زهور

شكلك مفهمتيش القصيدة كويس

انا بتكلم عن البنت اللى فتنت بجمالها

وحبت اكتر من مرة وكانت فى كل مرة تستعطف
وتحكى قصة حبها اللى انجرحت فيها وتبتدى قصة جديدة

تنتهى بجرخها وتحكيها

وتستمر

لحد مالقصة زهقت وانتحرت

زهور الامل said...

ههههههههههههههههه
يا كسوفي يا كسوفي

هو انا بقيت غبية اوي كدة
لالا الموضوع ده مايتسكتش عليه ابدا
لازم اروح لدكتور نفساني
والله انا قرات البوست اكتر من مرة وكنت فاكرة نفسي فاهماه

لكن لما انت واضحتلي اقتنعت اوي بكلامك وكاني كنت ماسكة الكتاب بالمقلوب

معلش يا مدحت اعذرني انا بجد مش طبيعية ومش مركزة خالص اليومين دول

مدحت محمد said...

زهور
ههههههههه
لا ولايهمك ياباشا

انا عازرك

هو الشتا بيبقى فيه شبورة انا عارف

فبيخلى الواحد ميشوفش كويس

العيب فى الجو مش فيكى






الجو النفسى اقصد

اللى حضرتك بتمرى بيه

متفكريش فى الانتحار كتير والنبى

WhItE HeArT said...

دحا ازيك ياابني انته ايه اخبااارك

وايه الكلام الصعب ده انا قريته 4 مرات علشان افهمه


بس تعرف جميله فعلا

بس ده لإن الاختيارات كانت غلط او هي كانت متسرعه

جميله بجد يامدحت وبالتوفيق

مدحت محمد said...

وايت هارت

ليه بس صعب فى ايه

محسسنى انى كاتب معادلات كيميائية

كل واحد بقى ووجهة نظره

donya said...

صباح الخير

حلوه حلوه حلوه حلوه
فاضي ولا وراك مشوار

حلوه حلوه حلوه

كفايه كده واو ان عايزه اكمل

حلوة اوي اوي


باي

مدحت محمد said...

دنيا

يارب يخليكى

ده عشانك انتى انسانة بتفهم فى الذوق بس

واحد من البلد دى said...

السلام عليكم

أحييك أخى على إبداعك
وهذا يثبت أن مصر ما زالت تربتها تنبت أزهارا يانعة فى بساتين الشعر
كما أن إحساسك بما تكتب كان سببا فى وصول المعنى بطريقة بسيطة وسهلة برغم عمق الكلمات..أسعدنى تذوقى لشعرك

دمت بكل خير

مدحت محمد said...

واحد من البلد دى

شهادتك افتخر بها

لانها تخرج من فم فنان محترف

دعاء العطار said...

جمييييييييييله اوووووووووووى يامدحت وفعلا دى نهاية اى واحده اولا بتدور عن الحب ونفسها تحب وخلاص وبرضه نهاية اى واحده فرحانه بنفسها

بجد جميله اوى ووالله وحشتنى البلوج بتاعتك جدااااااا وكتاباتك بس يالا بقى حكم الامتحانات

دمت بود

مدحت محمد said...

دودو

عارف والله يادودو

ربنا معاكى يارب

وتخلصى امتحاناتك على خير

كيكى عوووووو said...

مممممممممم
الواحد لازم يقراها بتمعن
ناس كتير بتحب تظلم وفى الاخر يحبوا يعيشوا دور الضحية!!!
وايه ياعم النيولوك دة
ها

كيكى عوووووو said...

انا كدة فهمت ولا لا

مدحت محمد said...

لا ياكيكى
انتى لسة صغيرة

مقصدتش كدة

انا هشرحها وامرى لله

هى فى جمالها تاهت
وفتنت كيفما شاءت
مذاقا حلوها مرا

هى بطلة الحكاية
اللى اتفتنت بجمالها

وكانت متاكدة ان جمالها ده مش دايم

وهويت حينها عميت
بواخر عشقها ركبت
تصادق موج اهواء
وسارت حينها غرقت

هويت يعنى حبت
ولما حبت عميت
لان مراية الحب عامية

بواخر عشقها ركبت
وسارت حينها غرقت

ابتدت تمشى ورا قلبها
لحد ماغرقت

واول عشقها خدعت
وخرجت من حبها صرخت
بأن الطعنة قد قتلت

اول حب ليها اتخدعت

وخرجت مجروحة وبتصرخ من الجرح


وصدقت حينها كذبت
وصارت قصة اخرى
لتهوى مرة اخرى
فهى عن حبها بحثت
وماانتهيت


صدقت فعلا انها اتجرحت وصراخها كان صادق

وصدقت حينها كذبت
وصارت قصة اخرى
لتهوى مرة اخرى
فهى عن حبها بحثت
وماانتهيت

بس مع صدقها فى جراحها كدبت على نفسها لما حبت تانى بنفس طريقة حبها الاولانى

فهى عن حبها بحثت
وماانتهيت


سبب جراحها انها دورت عن الحب نفسه

كانت عايزة تحب لانها نفسها تحب وتتحب
ومانتهيت

محرمتش من اللى حصلها قبل كدة


لذا بكيت

ولكن بعدما فسدت
لان الوردة قد قطفت
وماتت بعدما انتزعت

فسدت مشاعرها

لانها هتدور عن حب

حاسة انه انتهى ومش موجود وعندها امل تلاقيه

لانها اتخدعت قبل كدة كتير


وكل من تراه الان تحكى له
كيفما ذبحت

وان الجرح ابكاها
وان الروح قد نزفت

وتستعطف مشاعره
وتنتظر مواساته
لذا حكيت

انا بصراحة مش عارف اشرح ايه تانى



والف قصيدة كتبت
لتحكى انها ظلمت

وتدخل قصة اخرى

لتثبت انها انتصرت

وقد فشلت

لان مشاعر ماتت وماانتفضت
فكيف الان تشكين
وتروين
قصة انتحرت


القصة انتحرت

رئـــــيسـة حزب الأحلام said...

والله شرحك جميل
وخايفة اقولك تعليق لا مطلعش فاهمة واطلع حافظة
المهم
خلينا فى المهم
كتير مننا ممكن يبحث عن الحب مثلما يبحث عن السعادة لكن اللى بيحصل اننا ممكن نتوهم بالحب ونعيش الوهم دة لاننا بنبحث عنه جايز تكون ظلمت صاحبة القصة جايز تكون كانت غرقانة فى احزانها وتعلقت بقشايه عشان بس تقدر تعيش وسط اهوال الحياه
جايز تكون وجدت فى الحب المنقذ لها من براثن الاكتئاب
وياريتها بس ماتدبلش زى ماانت بتقول





يارب اكون فهمت
وقدرت اوصل فكرتى

مدحت محمد said...

تمام كدة

وتفسير وتبرير منطقى ياسلوى