CLICK HERE FOR THOUSANDS OF FREE BLOGGER TEMPLATES »

Friday 8 January 2010

مش كره فيه

وآدى قلبى اللى اتجرح من يوم ماسبتى
حالف ليمسح من قاموسه يقول حبيبتى
لاى واحدة لانه عارف انه حبه كبير عليها
ولانه حاسس انه ايدها غير عينيها
فى عينها حب وايدها سكينة ماشية بيها
ولانه متاكد وعارف ان الحب الكل بيدور عليه
ومن النهاردة كل اللى هيقرب لحبى مش هيلاقيه
الجرح كان اكبر كتير من اى جرح
الجرح اكتر من سنة ولسة جوة القلب شرخ
وانا لو هعيش العمر علشان اعطف عليه او اداويه
مش هلاقى حل
اصل الخيانة كفيلة ان تهد تل
انا كل لما امر على اسماء اميلى والاقى اسمك
احس انى لسة جوة قلبى جرحك
وبحاول اقنع نفسى انى خلاص مسامحك
رغم انك انتى سبتى قلبى يتحرق وسط الاهات
قلبى اللى اللى سهر علشانك بالساعات
تعب ومات
لما تشوف حد فى عينيك ملاك وبس
فجأة تلاقيه شيطان ولايمكن يحس
كل اللى بقوله عليه
مش كره فيه
لكن بطبطب على قلبى اللى حن فى يوم اليه
وبوعده
لا الحب ليه فى يوم دعوة بينا
ولا احنا لينا دعوة بيه

9 comments:

اقصوصه said...

ومن منا

لم يحترق بنار الحب يوما؟

ريمان said...

يالهوى


ايه ده فى ايييييييييه

ايه الكلام الجامد ده

طلعت شيطانه؟
مش ملاك؟

الشر برا وبعيد

يالهوى
مش عايزه اقول كلمه تانيه انت عارفها
ههههههههههههههه

فى ايه يا مدحت
يعنى انت خلاص هتعتزل الحب
؟

هتقدر؟
مش اعتقد
محدش بيقدر يعيش من غير حب او على امل انه يحب

ريمان said...

على فكره النت كان فاصل عندى من امبارح من الساعه 11

ريمان said...

على فكره النت كان فاصل عندى من امبارح من الساعه 11

زهور الامل said...

الكلمات جامدة جدا يا مدحت

بس مفيش حد يستاهل جرحك ولا تعبك ده
واللي يجرحك ادبحه
او اقولك سيبه منه لله بكرة هيلاقي اللي هيمرمطه وياخد بتارك منه

بس القصيدة تحفة وكلها معاني واحاسيس وشجن

تحياتي

مدحت محمد said...

الله اعلم يااقصوصة

مدحت محمد said...

ريمو

تقريبا كدة

هههههههههههههه

اه عارفها

جدعة انك مش قلتيها

انا عامل ماتش اعتزال انتى مش شفتيه

انتى ايه رايك طيب ؟

مدحت محمد said...

وانا كمان والله كان فاصل

مدحت محمد said...

زهور الامل

ميرسى ليكى ولذوقك