CLICK HERE FOR THOUSANDS OF FREE BLOGGER TEMPLATES »

Friday 25 April 2008

قال ست الكل قال

بيقلى بحبك حب كبير ياحياتى ومالهوش حل
بيقلى ناديتك ياما وكل كلامه يعل
لوكنت حقيقى صادق فى كلامك بيتنا مفتوح طل
عارفه انه بيلعب بيا وكل افعاله تمل
مش ممكن اصدق قلبك انا مرضاش بالذل
كم سنة ورا سنة بتفوت وتقلى بحبك موت وبعزك عز
كم سنة ورا سنة بتفوت
ولا بتقوم ولا بتفز
اتقدم خطيلك خطوة
اتقدم يافاقعلى مرارتى
بيقلى بحبك حب كبير ياحياتى وملهوش حل
بيقلى ناديتك ياما وكل كلامه ممل
لو حبك صدق وبحقيقى ادينى دليل
لكن لو تفضل على حالك ده بقى مستحيل
ياحبيبى انت فاقعلى مرارتى وانا كدة هتشل
سهرتنى ليلى ونهارى وهتجبلى السل
اول مايشوفنى قصاد عينه اه ياست الكل
ويسجد فيا وبيثبت وانا كدة بتعل
لو كنت حقيقى صادق فى كلامك بيتنا مفتوح طل
انا كل مااقله ماما عايزاك بيقلى هش
وانا اقله خلاص اهى ماما وياك بيخاف ويكش
عارفه انه بيلعب بيا وكل كلامه غش
مش انا اللى يتلعب بيا
لوهو فاكرنى انى غبية هقلبله الوش
بيقلى بحبك حب كبير ياحياتى ومالهوش حل
عارفة انه بيلعب بيا وكل كلامه يعل

Saturday 19 April 2008

اسراء حديث المدونات

بعد رحلة طويلة مع المرض

مرض ايه اعوذ بالله عليكم

من تصفح المدونات

اقصد

رجعت زى مانتم شايفنى هتقولو شايفنك ازاى مش مهم

المهم راجع مكتئب ومتضايق ومصدع

ثلاث ساعات قراءة للمدونات

بجد اكتئبت

وحالتى النفسية لاااحسد عليها


كتير من المدونات مقفولة مدونات الاخوان طبعا حدادا على المحاكمة الظالمة لقادة الاخوان

طبعا حكومتنا زى ماكلنا عارفين بتعز الظلم موت

وباقى المدونات

كله بيتكلم عن اسراء

وراحت فين

وودها فين

ورجعوا اسراء

ياولاد الحراااااااااانكش


اللى ليه فى السياسة واللى مالهوش فى السياسة

اسراء حديث المدونات

ولا حياة لمن تنادى


عرفتو اكتئبت ليه بقى

يعنى حقى ولا مش حقى

انطقــــــــــــــــــــــــــــــــــــــوا

Wednesday 16 April 2008

اصعب تاج

اه والله
اصعب تاج
مش عشان جايلى من
manoon
او استراحة محمد
واللى بجد بشكرهم جدا
لالالالالالالالالالالالا
اطلاقا كلا البتة
بس عشان
هتكلم فيه عن نفسى
ومادام هتكلم عن نفسى يعنى بالصلاة ع النبى كدة هتفشـخر بنفسى
هتفاخر يعنى بس اللهجة المصرية الحضارية بتاعتنا بنقول نتفشخر
ماعلينا نبتدى بالتاج
فى اربع اسئلة التاج ده
اه والله تانى
اول سؤال اتكلم عن نفسك فى عشر نقط ؟
طــبعـا رغــاى زى مانتـم شايفـيـن
نتعــرف بقــى بالــرغاى ده
مدحت محمد سويسى خريج ليسانس حقوق القاهرة دفعة 2003
محامى فى هيئـة
كدة خمس معلومات
لسة خمسة كمان يامسهل
بحب ابو تريكة اهلاوى من الاخر
وبحب البيتزا
ناقص 3 كمان
بلاش اقلكم بكره مين
بعشق الاغانى الرومانسية والقصائد الرومانسية
بحب عمرو خالد جدا والشيخ الشعراوى رحمه الله
بحب اوى اللى بيصلى على النبى
سمعونا بقى الصلاة على النبى
عليه افضل الصلاة والسلام
اصعب مافى التاج ده
بيقلك
اختار خمس مدونين تديهم التاج ده
لازم خمسة يعنى؟
مصمصم
طيب بسم الله
سلوى
منى
عمرو انسان بلا عنوان
كاميليا
شيرين
بعد كدة بيقلك فى التاج
روح بلغ عنهم
قصدى روح بلغهم انك بعتلهم التاج
نصيحــة
متهديش التاج للى بعتهولك
حتى لايحدث اية مضاعفات
ياجماعة اللى يحب يجاوب التاج ده يجاوبه
بس العرض ده فى السكرتة
مش موجود فى نظام التاج المبعوت والله