CLICK HERE FOR THOUSANDS OF FREE BLOGGER TEMPLATES »

Saturday 27 December 2008

مبروك يامنى

ظروف خطوبتى انا بقى
هى اولا خطوبة خالية من الرومانسية
قبلها كنت عايش فى مدينة الحب
سببتلى الم نفسى شديد
لما خرجت منها
هى كانت مدونة للعلم
وكنت دايب فيها جامد جدا
بس هى مقدرتش الحب ده
اختارت هدفها
انها تعبش فى القاهرة
وطبعا مكانش ينفع
اسيب بلدى
هى بدت طموحها على
بس القدر والنصيب
هى كانت بتجيلى وبفكر فيها
وانا بصلى
بس النصيب
بس
قلت اخرج من الازمة دى ازاى
خطبت بنت خالتى
كنت قاعد فى الخطوبة مش حاسس باى فرحة
ومرة بكلم خطيبتى
فقلتلها يافلانة
راحت قالتلى مين فلانة دى
المهم
صليتم ع النبى

Friday 12 December 2008

حب اخر



ينتظر الحب ويأمل فى احلى الاوقات


ويصير الليل نهارا فى عينيه ويسهر بالساعات




ينظر للقمر ويسرح من خلف الشرفات




يكتب بالقلم احبك يااحلى الوردات




يأتيه الهاتف من خلفه



انسيت الذكر والهتك اللذات






انسيت الصدقة والاحسان



واوقات الصلوات





تتحجر داخل عينيه




الاف الدمعات






الهاه الحب عن الذكر



ورسائل حب داخل هاتفه النقال





بالامس يصلى ويزكى






والان اذا سمع ايات الله لايبكى




يقول مللت صلاة الفجر



وذكر القبر



وادمنت الشهوات






وشعرت بانى محبوس



مسلوب كل الحريات




ومشيت وراء هوى نفسى



ونسيت الجنة



بعد قيام الليل



وذكر الله



افكر فى احلى الفتيات






موهوم داخل قصة حب



بنيت من وحى الخيالات



اعمدة القصة غائبة



والحارس تائه فى الظلمات



ونداء يعلو اسمعه



القلب الان احتضر ومات






الان الان افوق الان



واصعد داخل اجمل حب



لكن حب اخر اجمل



لاندريه ولانعلمه



حب الله



وحب رسول الله محمد



صلى الله عليه وسلم

معلش مش لاقى جديد اكتبه
بسبب خطوبتى
البوست القادم بعون الله
اذا جاء نصر الله والفتح
كانت مكتوبة سورة النصر على برواز
ملفتش نظرى فى السورة كلها
الا اذا جاء نصر الله والفتح



Saturday 6 December 2008

تاج حسام وريمان

ماذا يمثل لك العيد ؟ وما أكثر شئ يبهجك في مظاهر العيد ؟




تجمع العيلة كمان الخروج مع اصحابى واشوف الخروف او العجل وهو بيتدبح





واكل اللحمة طول اليوم



.........................



اوصف لنا طقوسك في العيد .. من ليلة العيد لآخر يوم ؟


ساعات بنام من كتر اكل اللحمة




بجد اى حاجةمش ببقى مرتب طقوس غير زيارات عماتى وخلاتى واتدبس فى العيدية





تفتكر الحياة من غير عيد .. هتفرق كتير ؟؟؟
طبعا
......................
إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟ا


حبيب قلبى ماروووالدته ربنا يديها الصحة


وريمان وزيدان وبطة



بجد دول احسن ناس يارب ندخل الجنة بسببهم



.............................
احم احم .. لسه بتاخد عيدية ؟؟ من مين ؟؟ وبتديها لمين ؟


بنات اختى باخد منهم العيدية طبعايعنى اى حاجة تجيلهم اخدها على طول
رايى فى التاج
انه ريحته ممتازة وجوعتنى بس عاوزة طحينة وتبقى لحمة قصدى تاج جميل
اوزعه بقى
مارو زيدان بطة رحيل كاميليا
اسير الجراح
موناليزا
رفقة عمربلية
رارا
الصباغ
المستنصر بالله
ربنا يجعله فى ميزان حسناتى
انتم عارفين اللى يدبح تاج ويوزعه جزائه ايه

Wednesday 19 November 2008

ربنا يسترها معانا

كل البنات قاعدين ع الشات
كل الولاد لابسين باضيهات

وجدو اللى عدى الخمسين عام
قاعد وفاتح ليها الكام

وعمك الولهان على نفسه
فى الحب ناوى يضيع نفسه


فى الشات تشوف الاشتغالات
وفتن كتيرة ومهرجانات

سالت مرة بنت حد حبك قبلى

قالتى ياااااااااا
متعدش

لا انا بهزر محدش ياخد الكلام ده صح

بس كفاية عليكم كدة النهارة

وسلام كبيييييييييير

للمعلم بلية

Friday 14 November 2008

بتحصل فى احسن العائلات

لا حول ولا قوة الا بالله


اقل من اربع ايام وابقى وصلت 26 سنة

ان شاء الله


وفى البيت مصمصين على كيك


اعتقد يقصدو الكيك اللى فى الاكشاك دى نايتى ورولز



العلم عند الله




ام هند بقى

اللى انتم متعرفهوش

انى وشى ميجبش 26

اخره 22

واول هدية وصلتنى

كنت فى اولى كليه

وبنت خالتى ادتنى هدية عبارة

عن قرد بيطبل

وفرحت جدا وقتها

علشان الفلوس اللى صرفتها دى

وهى ماسكة ع االاخر

عى من الناس اللى بتقول

عض قلبى ولا تعض رغيفى

تنبيه هام بقى

النت بيقلقنى

لان شايف ناس كتير انحرفت

بسببه

مخاطره مش سهلة بجد

ايديك مش زى بعضها

انا قابلت ناس كتير فى الميل

والله كلام يتزلزل الارض بسببها

وتنويهات زى الزفت
بيبقى سببها ولد عايز الرجوولة
وشايف انه هو التوتى فروتى
وبنت مع صحباتهم يناقشو بعض وكدة
وهكذا
بجد نت فى البيت
خلانى خسيت
بس مش بسببه لوحده
هو اكتئاب وربنا يسهل واخف
ويبعدنى عنه

Wednesday 29 October 2008

انا جيت




انا كل لما اقرا عند احمد الصباغ مدحت امير الرومانسية اتحسرواعمل ببقى فمى يعنى بس باللغة المصرية الفصحى بنقول عليه بقى

ام هند انا جاى اقلكم انى شلت النت او هو اتشال لوحده وبقيت اتكلم من سايبرات وما ادراكم ما هو السايبر تلاقى واحد ضارب بوزه يعنى فمه ادينى علمتكم حاجة للزمن بقى

ويضربه بغباء يعنى







يحسستى انى بحب فى واحدة وهو ياخد اميلها عشان يكلمها ينى




ميزم ايوة ميزم دى الكلمة بتاعت الستات الكبار


لما يبقو مش عاجبهم حال معين


صليتو على النبى




صلى الله عليه وسلم

طبعا انا جيت وكتير بيقول ايه اللى جابو تانى




ده محجوز فى مستشفى لمدة اكتر من اسبوعين




وكمان فترة نقاهة




واللى حصل وماادراك ماحصل




عايز يدينى حقنة




وانا راسى والف سرنجة مش




واخد حقن المهم قمت لطشت الدكتور بالقلم




بس بجد لبمرض ده هو الى خلانى مسحت مدونة الرومانسية




خفت من غضب الله







ام هند المهم يعنى







اضحكم بقى







اممممممممم




عارفين برنامج مودرن سبورت




بتاع مدحت بك شلبى




بعد ماتش المصرى لما خسر




فالمعلق بيسال رئيس النادىالمصرى




بيقلو انتم كنتم بادئين الموسم بنتائج جميلة ياترى مين السبب فى الهزائم المتتالية دى



قام رد رئيس النادى وقاللو محدش السبب


ولا جهاز فنى ولا ادارى ولا سبب تحكيمى حتى


هو سبب واحد وهو ان النادى بتاعنا معموله عمل انه ميكسبش


طبعا المعلق افتكره بيهزر


فقالو ازاى معموله عمل


قاللو تاس حاقدة على النادىومش عايزة النادى يبقى نادى محترم

بس بينى وبينكم انا اعرف شيخ بيفك الاعمال دى

ياريته كان ساب رقم تليفونه

كان الشيخ هيحميه من شر الاعادى

بجد بقى هقلكم حاجة بجد تحميك من اى اذى عارفين ايه هو


اقلكم بعد الفاصل

كوفرتينا للعريس

يبقى هيتجوز ويعيش

كوفرتينا فى الدخلة يبقى الجوازة فاشلة




رجعنالكم تانى


كنا بنتلم عن حاجة تحميك وتحمى اسرتك

كثرة الصلاة على سيدنا النبى


بجد بتحس براحة ماشاء الله


بتحس انه جنبك والله فى الازمات

ماعلينا بقى انا مش هينفع اتكلم غير فى سايبر


والصورة يابلية مش هينفع احطها غير

لما ربنا يفتح علينا بفلاشة


او هاتيها انتى على حسابك مفيش

مشابك

قصدى مشاكل



تقلكم كمان محدش يزعل منى لو متابعتش مدونات شوبة كدة


من الوقت لحد لما فترة النقاهة تروح


ومتنسوش تصلو على النبى

Wednesday 10 September 2008

الغسيل

عمرك شفت حد نضف هدومه من غير ماية
كذلك
ايه كذلك دى
احنا بنتكلم عامية مش فصحى
والله حاجة جميلة اوى
كذلك فى وسط عامية قال
اللى اقصده الذنوب كذلك
برضه بقول كذلك نمشيها كذلك بقى
الذنوب متتغسلش غير بماية
ايه ده نجيب ماية منين
من عنيك ياخفيف
يعنى تدمع
اى انسان لازم يندم لازم يبكى عشان يقدر يتوب توبة صح
الدموع دليل على الندم
والندم شرط من شروط التوبة
طيب نجيب الدموع دى منين اساسا واحنا بنحب المعصية
طول مانت بتحب المعصية
عمرك
عمرك ماهتعرف تدمع عنيك-
على وزن عمرك ماهتقدر تغمض عنيك
-
لانها ماسكة فى قلبك
وبتحبها
اللى بيحصل
فى حاجة اسمها ران
ده بيتجمع فوق القلب
بسبب الذنوب
بيخلى القلب اعمى
كل ذنب حضرتك بتعمله
بيطفى نور قلبك
فتيجى تقرا القرءان تحس انك بتقرا مجلة او جريدة
قلبك مش حاضر
مفيش خشوع وحضور ان حضرتك بتقرا كلام ربنا
لماتبتدى توقف الذنب
وتبتدى تندم وتذكرربنا كتير وتستغفر
وتدمع وتغسل روحك
يبتدى النور يظهر
وممكن الاية اللى حضرتك قرتها طول عمرك الاف المرات وحافظها وحضرتك عندك سبع سنين
كانك بتسمعها لاول مرة
بشكل مختلف
واحساس جديد
تملك المعصية من القلب شىء مخيف
ليه؟
لان حضرتك المعصية بتنسيك نفسك
بتنسى انت عصيت مين
فبتبتدى تتكبر وتتغر
وتفتكر نفسك ياما هنا ياما هناك
وانت فى الاخرعبد الله
تمام عبدالله
اديكم الدليل
مين اللى خلقك ؟ الله عزوجل
مين اللى خلاك تمسكك كيبورد وتكتب؟ الله عزوجل
مين اللى ضحكك؟ الله عزوجل
مين اللى بكاك ؟ الله عزوجل
لولا ربنا ورحمته صلى الله عليه وسلم احنا لاشىء
فى حاجة جت فى بالى وانا بكتب
سيدنا النبى صلى الله عليه وسلم
قال

‏ ‏ ‏ ‏ما من أحد يدخله عمله الجنة فقيل ولا أنت يا رسول الله قال ولا أنا إلا أن ‏ ‏يتغمدني ‏ ‏ربي برحمة ‏
وتحضرنى اية
قال الله عز وجل ....وماارسلناك الا رحمة للعالمين

انا اقصد الا ان يتغمدنى الله برحمة
رغم انى سيدنا النبى هو الرحمة


يعنى سيدنا النبى هو الرحمة كلها
ولا جزءمن الرحمة
انا اعتقد ان سيدنا النبى
هو الرحمة كلها لكل البشر
لا اقصد للعالمين وغير البشر كمان
صلى الله عليه وسلم

Monday 8 September 2008

تاج


سبع حاجات نفسى أعملهم؟



امممممممممممم



مش عارف



نفسى اشتغل واتجوزواجيب اطفال حلوين


وابقى قريب من ربنا

ان شاء الله


نفسى اتغلب على نفسى الامارة بالسوء



وعلى شياطين الانس والجن

ان شاء الله برضه


نفسى اخلى ماما ترضى عنى


امممممممم


نفسى اشرب ثوانى اشرب بقى


اشرب



سبع حاجات معرفتش أعملهم؟


معرفتش اشرب



لا بجد



هقلكم



معرفتش اتغلب على نفسى الامارة بالسوء



امممممم


معرفتش اشتغل


ولا اتجوز


ولااجيب عيال وحشة حتى



حاجات كتير





سبع حاجات دايما بقولهم؟



صليت على النبى



اتق الله



تؤ



امممممممممم




طيب





ربنا يكرمك




مفيش مشاكل




سبع مشكلات فى حياتك ممكن تحلهم بالفلوس؟



كل حاجة فى الدنيا بتتحل بالفلوس



بجد



عارفين ازاى



بانك تنفق فى سبيل الله




الرسول صلى الله عليه وسلم قال



داوو مرضاكم بالصدقات



صدق رسول الله صلى الله عليه وسلم







سبع أماكن بتحبها



المدينة



مكة



سيدنا الحسين



كورنيش القاهرة




شط اسكندرية



نادى فيصل






سبع أشخاص بحبهم غير بابا وماما واخواتى
واهلى بالمرة واصحابى؟




شخصيات عامة


عمرو خالد



معز مسعود





سبع حاجات بحبهم قوى ؟

بحب السجود لله والصلاة على النبى

بس بصراحة عاوز اقول حاجة

لما تذكر ربنا بارادتك

بتحس بالمتعة بجد

لكن لما تذكر ربنا وانت مضطر

عشان ذنوبك هى اللى عملت فيك ابتلاء خلتك تذكر ربنا

غصب عنك

بيبقى العملية تقيلة

مش بتقدر تحس بالمتعة دى اد مابتحس بخوف ورهبة

من ذنبك

اللى عملته بسبب غفلتك

عارف لما ربنا يبتليك ابتلاء شديد عشان يقلك انت عبد

انت نسيت نفسك

افحسبتم انما خلقناكم عبثا وانكم الينا لاترجعون

فتعالى الله الملك الحق

صدق الله العظيم

الاية دى تريح اوى

بجد انا عاوز اقول حاجة

النت القعدة عليه كتير دون ذكر الله عملية فى قمة الخطورة

بتنسى ربنا

بتغفل

الغفلة دى شىء بجد فى قمة قمة الخطورة

ربنا بينساك

بسبب نسيانك لربنا

وعاوز اقول حاجة خطيرة للغاية

ترك صلاة الجمعة

الا صلاة الجمعة بجد مهما كان السبب

القلب مش بيسود ده بيطين

بسبب ترك صلاة الجمعة بالذات

القلب ده شفافيته بذكر الله

بجد ربنا غضبه شديد اوى

للى بيبعد عنه

ربنا يقربنا منه يارب

ومنغفلش عن ذكره ابدا

النت
سبب الغفلة ده

والواحد لازم يستفاد منه صح الصح


سندوتشات تيك اواى

بس دلوقتى مبقتش اكلها بقيت اخاف الصراحة

الاول كنت مدمنها

كان نفسى اعيش قصة حب مع زوجة صالحة

بس بجد منعت نفسى من انى احب

وده مش عيب على فكرة

ومحدش يهاجمنى ده عين العقل والله

احنا زمن محتاج واقعية مش محتاج خيال ورومانسية

على فكرة انا بنصح اى حد انه يعرض نفسه على طبيب نفسى ولو مرة فى السنة

والله مش بهزر

بس يكون طبيب محترم ومعروف

اى انسان محتاج يعالج نفسه نفسيا

بجد والله

لان اى انسان بيتعرض لازمات فى خلال السنة بتسيب اثر فى نفسيته

فيعالجها بحاجتين ذكر الله والطب النفسى

فى ايه تانى

بحب اسمع خطب دينية

بتريح الواحد اوى الدروس

وبالذات للشيوخ الكبار

بحب ايه كمان

بحب الناس اللى تقول بشريات

مش بحب التفويل

مش بحب الجبن

وان كنت قمة فى الجبن

وضيعنى كتير اوى جبنى

ضيعنى فعلا فعلا

بحب الشاتينج مع ناس محترمة

وان كنت قليت منه جدا جدا

بقت المدونة هى الوسيلة المثلى

للتواصل مع الاخرين

خلاص كفاية كدة



سبع مدونات بتحب تقرالهم ؟

مش بالمدونة

بس حسب الموضوع نفسه

اللى بيشدنى او اسلوب الكتابة بيبقى مشوق او غير

بس خلاص







تمرر الواجب/التاج لمين؟



اى مدون عايز يجاوبه

سلام عليكم

Saturday 6 September 2008

ها وبعدين

ها وبعدين




ذنبك هيوديك على فين


فكر كدة ويايا وقللى


ذنبك منعك




انك تيجى


معانا تصلى




ها وبعدين




ذنبك قفل القلب بقفل




بعد ماكان القلب ده طفل




ضيعت برائته بذنوبك




ضاع النور


من وشك لما




سبت النور


ومشيت فى الضلمة




لما المسجد نادى عليك




فاكر لما سجدت فى ارضى


فاكر لما قعدت تسبح




فاكر لما مشيت فى النور




سبت النور ومشيت فى الضلمة




واخترت طريق تانى بعيد




فاكر دمعة عينك منك






فاكر ذلك بين ايد ربك



فاكر لما دعيته فى بيته




لما اجابك انت نسيته




ربك اللى دعيته عصيته






ها وبعدين






عمرك ضاع



ذنبك باع القلب

فى ثانية



لما بقيت

بتحب الدنيا


ها وبعدين


ذنبك هيوديك على فين








Saturday 23 August 2008

يارب الهمنا عمل يقربنا الى حبك

عندى عادة انى احب ادعى للناس اوى
عشان يردو لى الدعوة
يعنى
هقلكم مثل
احب حد اقله تأمرنى باى خدمة
عشان اسمع منه ربنا يحفظك او ربنا يكرمك
او اقول لحد ربنا يسعدك او ربنا يعزك
عشان يقلى يارب وانت كمان
فى ناس بقى
بتشلنى
اجى اقول لحد تأمر باى خدمة او عايز حاجة
يقوم يقلك شكرا
ايه شكرا دى
انا لما بسمعها بتصدم ياعم
انا عايزك تدعيلى مش تقلى شكرا
او تيجى تقول لحد ربنا يعزك
يقوم يقلك يارب
ماشى يارب
بس قول يارب وانت كمان
حتى
انا عارف انى الملائكة بتقول ولك مثل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
احسن حاجة انك تلتمس الدعاء من حد
اه جميل اوى
اه والله
تعرفو انا مرة كنت قاعد قصاد الكعبة
قلت يارب الهمنى عمل يخليك تحبنى
عارفين ربنا الهمنى ايه
انى اساعد الناس وانا فى الكعبة
وانا قاعد قام واحد راجل كبير قاللى يابنى هاتلى اشرب
رحت شربته مية زمزم
مش اى مية
وقام دعالى
ميعرفنيش ودعالى قصاد الكعبة
مش هقلكم كنت طاير من الفرحة ازاى
كمان واحد كان نازل من على السلم وقام متكعبل قبل مايقع قمت سندته
قعد برضه يدعيلى
اممممممممم حاجة كمان
كنت بملى زمزمية مية وراجل عجوز بيملى زمزمية بس تقيلة عليه قمت سندتهاله
وقعد يدعيلى
بجد انك تساعد الناس ده خير كبير اوى
وحسناته كبيرة اوى
بجد مساعدة الناس دى عبادة ليها لذة
لما تكون لوجه الله تعالى وتكون عايز ربنا يرضى عنك
وياسلام لما تسمع دعوة بقى بعد ماتساعد حد او تشيل عنه هم
بجد لو لله
هتحس بطعمها
ربنا يارب يرزقنا الاخلاص ويبلغنا رمضان
وكل عام وحضراتكم بخير

Wednesday 20 August 2008

مجموعة تيجان

بسم الله الرحمن الرحيم
هما كتير اوى الصراحة
نبتدى بالحاج حسن حنفى
س 1-أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟
وانا صغير حلمت ببلدى تتغير
فضلت احلم ببلدى تعيش
لاقيت الحلم لقمة عيش
وانا صغير
وهو رئيس
فقلت ازاى هتتغير
ولسة فى البلد تكويس
س 2-أذكر 5 أحلام على الأقل تخص مستقبلك ؟
ربى توفنى مسلما والحقنى بالصالحين
رضا الله
نفسى اتجوز زوجة صالحة
واجيب عيال عساسيل كدة
مش شبهى طبعا
بس كفاية كدة امانى

س 3-أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟
مش عارف

س 4-أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟
اللهم ارحم ابى يارب العالمين واغفر له
س 5-لمن تهدي هذا التاج
اممممممممم
للى بيحب سيدنا النبى وعايز يجاوب التاج
تاج تانى / من الحاج حسن حنفى
بدأت تدون من امتي ؟ و دخلت العالم ده ازاي ؟
بالظبط مش فاكر اليوم بس هو تقريبا
كان اوائل شهر يوليو 2007
يعنى اكتر من سنة
دخلته بالصدفة البحتة
كنت واقف فى طابور عيش طوووويل
قعدت ماشى ورا الصف
لحد لما لاقيت نفسى دخلت عالم التدوين
طبعا بارادة ربنا وعن طريق اختى شيماء فارس
هى عرفتنى عليه وانا بقى ربنا كرمنى وكملت وهى سابت التدوين
بقالها بتاع شهرين تقريبا ممكن اكتر

ايه كان انطباعك في البداية
عادى مكنتش فاهم حاجة
عارفين كنت بقعد اعبط فى المدونة تعبيط اه والله
ومش فاهم حاجة ولاعارف انى لازم اعلق واقرا لا
اكتب والسلام
وممكن اكتب اتغدينا ايه النهاردة
عادى يعنى
ولو والدتى نزلت تشترى طماطم برضه اكتب بوست عن الطماطم
عادى
مين اكتر واحد بتهتم بتعليقه علي بوستك الجديد ؟
ليه الرخامة دى بقى
الصراحة فى المدونة الرومانسية كنت بستنى تعليق رحيل
بس الحمد لله مسحتها خفت منها
فى السياسية
المستنصر بالله
فى البصيرة
منى وسلوى
ايه أهم حاجة اتعلمتها من عالم التدوين
النفاق
!!!!!!!!!!
بجد فى ناس بتدخل تكتب تعليق عشان انت ترد
وطريقة بقى التعليق ايه الجمال ده كله
وياسيدى ياسيدى
حتى لو حاجة عبيطة
ساعات انا بكتب حاجات اى كلام اووووووى
وتجيب تعليقات كتيرة اووووووووى
عشان اان علقت عند مدونين كتير
وساعات اكتب بوست بعتبره حلو
مش بيجيب تعليقات
خالص عشان مرحتش علقت
بس
ايه أكتر حاجة كرهتها ؟
بياكل وقت جامد اوى
حاسس ان التدوين له تأثير ؟
اه اكيد
التدوين بياثر على النظر القعدة قصاد كمبيوتر كتير غلط
بجد لو انى التدوين مالوش تاثير مكناش شفنا التلفزيون العربى اتكلم عليه
تهدى التاج لمين ؟
لماما وعمو وخالو وجميع الاهل والاقارب
ده على اساس انى لسة مدون جديد ومش فاهم يعنى ايه تهدى التاج لمين
طبعا نا بهديه على روح
يييييه
اقصد لكل اللى عايز يجاوبه بشرط انه يكون بيحب سيدنا النبى صلى الله عليه وسلم
وتاج جديد
لا هو قديم
من مدونة اسلام
نام يامصرى
نحب نعرف ايه التاج
س1 ايه معنى السعادة من وجهة نظرك وحاسس انك سعيد؟
القرب من ربنا سعادة بالغة
حاليا
تؤتؤتؤتؤتتؤتؤ
س2 حاسس انك ظلمت انسان وليه؟
اه ظلمت نفسى جامد اوى لما نسيت انا مخلوق ليه
بتعمل ايه لو حسيت انك متضايق بعد ماتصلى؟
عمرها ماحصلت الحمد لله
انا ممكن اطلع عادى من الصلاة او اطلع فرحان
لكن متضايق بعد ماقابلت ربنا
يبقى معنديش بتاع ده حاجة حمرا كدة
امتى حسيت انك اتظلمت
نفس الكلام
نفسى ولانى نسيت مخلوق ليه
س/ امتى تتنازل عن حق من حقوقك؟ وليه؟
لما اكون عبيط
ليه
عشان ...
مش عارف انا ايه الناس الىل بتحب تغلط دى
تمرره لمين التاج
شايفين كلمة تمرره دى؟
مش تحليه لا
تمرره
لان فعلا التاج مر
تاج برضه
زوزو
بص بيقول ايه التاج
من انت؟
انا الذى اغلق الابواب مجتهدا
على المعاصى وعين الله تنظرنى
انا العبد لله
مدحت محمد محمود
بس خلاص
تانى سؤال: بطاقتى الشخصية
امممم
السويس
اعزب ( مش عارف الموضوع ده هيطول ولا ايه
مسلم يارب ديمها علينا نعمة
/تاريخ الميلاد18/11/1982
المهنة
محام محترم فى هيئة غير محترمة
تالت سؤال : ماهى احلامك؟
قلتها قبل كدة بقى
الله
اقرب شخص ليك؟
اممممممممممممم
مش عارف
انتهى

Wednesday 13 August 2008

حب آخر

ينتظر الحب ويأمل فى احلى الاوقات



ويصير الليل نهارا فى عينيه ويسهر بالساعات


ينظر للقمر ويسرح من خلف الشرفات


يكتب بالقلم احبك يااحلى الوردات








يأتيه الهاتف من خلفه




انسيت الذكر والهتك اللذات








انسيت الصدقة والاحسان




واوقات الصلوات








تتحجر داخل عينيه




الاف الدمعات












الهاه الحب عن الذكر




ورسائل حب داخل هاتفه النقال








بالامس يصلى ويزكى




والان اذا سمع ايات الله لايبكى











يقول مللت صلاة الفجر


وذكر القبر


وادمنت الشهوات



وشعرت بانى محبوس


مسلوب كل الحريات



ومشيت وراء هوى نفسى


ونسيت الجنة


بعد قيام الليل


وذكر الله


افكر فى احلى الفتيات



موهوم داخل قصة حب


بنيت من وحى الخيالات


اعمدة القصة غائبة


والحارس تائه فى الظلمات


ونداء يعلو اسمعه


القلب الان احتضر ومات



الان الان افوق الان


واصعد داخل اجمل حب


لكن حب اخر اجمل


لاندريه ولانعلمه


حب الله


وحب رسول الله محمد


صلى الله عليه وسلم