CLICK HERE FOR THOUSANDS OF FREE BLOGGER TEMPLATES »

Saturday, 6 September 2008

ها وبعدين

ها وبعدين




ذنبك هيوديك على فين


فكر كدة ويايا وقللى


ذنبك منعك




انك تيجى


معانا تصلى




ها وبعدين




ذنبك قفل القلب بقفل




بعد ماكان القلب ده طفل




ضيعت برائته بذنوبك




ضاع النور


من وشك لما




سبت النور


ومشيت فى الضلمة




لما المسجد نادى عليك




فاكر لما سجدت فى ارضى


فاكر لما قعدت تسبح




فاكر لما مشيت فى النور




سبت النور ومشيت فى الضلمة




واخترت طريق تانى بعيد




فاكر دمعة عينك منك






فاكر ذلك بين ايد ربك



فاكر لما دعيته فى بيته




لما اجابك انت نسيته




ربك اللى دعيته عصيته






ها وبعدين






عمرك ضاع



ذنبك باع القلب

فى ثانية



لما بقيت

بتحب الدنيا


ها وبعدين


ذنبك هيوديك على فين








26 comments:

appy said...

كل سنه وانت طيب
ومفش فعلا حاجه تمنع

حسن حنفى said...

للاسف ده بيكون مجرد كسل من النفس

كل سنه وانت طيب

منى said...

ينفع اكون متفائله واقول ذنبك ده هيوديك على توبه؟؟
اعتقد ان ده حوار نفسى داخلى
وطالما حد حس بذنبه يبقى خلاص بيتوب
ربنا يتوب علينا جميعا ويهدينا لما يحب ويرضى
تحياتى

Abo 7anf said...

السلام عليكم
ك سنه وانت طيب
ربنا يتقبل منا جميعا ان شاء الله

كيكى said...

اممممممممممممممممممم
هيودينى
مااااااااارينا
هههههههههههههههههههه
لا بجد والله بوست جميل اوووووووووى
وعودة احلى انا عارفة انك مكنتش غايب
بس بجد كنت متقدك اوووووووى
وحاسة انك تايه فى الدنيا
مش عارفة مجرد احساس
!
عموما ربنا يغفرلنا ويتقبل منا اجمعين الهم ما امين
سلاااااام
يا اسطى
طمنى بلية عليك علطولللللللللللل
عوووووووووووووووووووووووو

رفقة عمر said...

مناجاتك جميله
مشكلتنا اننا نتوب ونعود لنفس الذنب اوذنب اخر
ولكن لانه هو الغفور الرحيم يقبلنا مرة اخرى
ان الله لايمل حتى تملوا
جزاك الله خيرا

kochia said...

حلوة اوي
عايزة ارد
واقول ايوة بعمل ذنوب
وبتكسف منها بعد كدة
قدام ربنا
وبيسامحني
وبيقبل توبتي
وبيقبل دعوتي
وبرده بنرجع نعملها تاني

يارب اجعلها توبة نصوحة
امين

تحياتي

rara said...

جزاك الله كل خير
ووفقك لطاعة الله دائما

عاقلة علي ارض الجنون said...

الذنب ميمنعش اننا نصلي ..

و ما أذنبنا إلا لنتوب

بجد رائعه

سلوى said...

جميل يا مدحت
والذنب يودى لتوبه
كلنا كده خطائين
وخير الخطائين التوابين

وربنا موجود غفور رحيم

المشكله بقى في اللي قلوبهم مقفله
ربنا يعفينا جميعا

همسات دافئه said...

سلام عليكم
متفتكرش انى نسيتك او بطلت ادخل
بس مش بعلق ولا بقرأ
عارف ليه
عشان انت مسحت مكان كنت بحب ادخله واعيش فيه ومن غير اذنى معرفش استأذنت كل حد كان بيحب يدخل عندك ولا لاء مش عارفه ليه الناس بتبقى فاكره ان البلوج دا بتاعها لوحدها وهى الوحيده الى من حقها تتحكم فيه
كل سنه وانت طيب
سلام
شيماء

مدحت محمد said...

ابى

وحضرتك بالف صحة وسلام


نورتينى

مدحت محمد said...

ابوعلى

وانت طيب ياصديقى

مشكلةالكسل انه صفة من صفات المنافقين لعلمك

ربنا يارب يعيذنا من الكسل

مدحت محمد said...

منى

يارب يسمع منك

ويودينا الذنب على توبة


ربنا يرضيكى يارب

مدحت محمد said...

Abo 7anf


ربنا يعزك يارب

وكل سنة وانت طيب

مدحت محمد said...

كيكى

اممممممممممم

هههههههههه

لا مش مارينا هيودينا شرم ياذكية

لا مش تايه ولا حاجة

من ساعة ماشفت الطريق الصح

وانا عرفت طريقى فين

وش بيشد فى شعرهههههه

كل سنة وانتى طيبة

ويارب تكونى صايمة السنة دى يابلية

الاسطة
وش بيطلع سنانه

متسالنيش ازاى

سلامز

مدحت محمد said...

رفقة عمر

عارفة فى اية فى المصحف ربنا بيقول عز وجل


لو انتم تملكون خزائن رحمة ربى اذا لامسكتم خشية الانفاق وكان الانسان قتورا

صدق الله العظيم


فالحمد لله على نعمة انه تواب وكريم

مدحت محمد said...

كوشيا

دى حقيقة فعلا

الله عز وجل تواب

لاننا عصاة

وكثيرى العصيان

لذا فان الله عز وجل تواب

كثير التوبة


تحياتى لحضرتك

مدحت محمد said...

رارا


ربن يعزك يارارا يارب


وكل سنة وانتى طيبة

مدحت محمد said...

عاقلة علي ارض الجنون


لا ميمنعش طبعا

لان ربنا فاتح باب توبته دايما

بس انا قصدت

انى ممكن انسان عاصى يقول انا مش هصلى عشان ميصحش اكون بعصيه واصلى


بس كدة

كل سنة وحضرتك بالف خير

مدحت محمد said...

سلوى

اه فعلا دى مشكلة

اللى بيبقى قافل القلب حب الذنوب

وحب المعاصى

عشان نفتحه لازم نخلصه من المعصية بعد كدة

نفتحه للطاعة

ربنا يكرمك ياباشا

وكل سنة وحضرتك بالف خير

مدحت محمد said...

شيماء

بصى هسالك سؤال

ترضى لاخوكى انه يتأذى

المدونة دى بجد اذتنى جامد اوى

ومريت بتجربة بجد صعبة جدا

انا بجد الحمد لله فقت منها

فمكانش ينفع اسيب اثرها موجود

عشان كدة مسحتها

ومش عايز افتكراى حاجة من اللى كتبتها


وبعتبرها الحمد لله انها كانت مرحلة وعدت الحمد لله


وبجد استفدت منها جامد جدا

ولو كنت سبت المدونة كنت مش هقدر اخرج من الحالة خالص

وبمجرد انى مسحتها

الحمد لله شلت هم كبير

الحمد لله اتزال دلوقتى وان كان

مش اوى

بس انا الحمد لله بقيت احسن بكتير اوى

الحمد لله رب العالمين

زى الهوا said...

إن شاء الله مافيش كسل ولا ذنوب وا سيئات ولا بتاع طالما فى تأنيب ضمير

fire bird said...

كل بن آدم خطاء

ولكن رحمة الله واسعة

ومن رحمته علينا

ان جعل باب التوبة

مفتوح دائما

مهما كثرت ذنوبنا وتعاظمت

دائما هناك أمل

فى رحمة الله عز وجل

---------------------------
حلوة جدا الابيات البسيطة المعبرة دى يامدحت

كل سنة وانت طيب

مدحت محمد said...

موحا


ان شاء الله ياموحة

وربنا يارب يسعدك وكل سنة وحضرتك طيبة

مدحت محمد said...

fire bird

كل سنة وحضرتك طيبة وربنا يعزك يارب