ها وبعدين
ذنبك هيوديك على فين
فكر كدة ويايا وقللى
ذنبك منعك
انك تيجى
معانا تصلى
ها وبعدين
ذنبك قفل القلب بقفل
بعد ماكان القلب ده طفل
ضيعت برائته بذنوبك
ضاع النور
من وشك لما
سبت النور
ومشيت فى الضلمة
لما المسجد نادى عليك
فاكر لما سجدت فى ارضى
فاكر لما قعدت تسبح
فاكر لما مشيت فى النور
سبت النور ومشيت فى الضلمة
واخترت طريق تانى بعيد
فاكر دمعة عينك منك
فاكر ذلك بين ايد ربك
فاكر لما دعيته فى بيته
لما اجابك انت نسيته
ربك اللى دعيته عصيته
ها وبعدين
عمرك ضاع
ذنبك باع القلب
فى ثانية
لما بقيت
بتحب الدنيا
ها وبعدين
ذنبك هيوديك على فين
26 comments:
كل سنه وانت طيب
ومفش فعلا حاجه تمنع
للاسف ده بيكون مجرد كسل من النفس
كل سنه وانت طيب
ينفع اكون متفائله واقول ذنبك ده هيوديك على توبه؟؟
اعتقد ان ده حوار نفسى داخلى
وطالما حد حس بذنبه يبقى خلاص بيتوب
ربنا يتوب علينا جميعا ويهدينا لما يحب ويرضى
تحياتى
السلام عليكم
ك سنه وانت طيب
ربنا يتقبل منا جميعا ان شاء الله
اممممممممممممممممممم
هيودينى
مااااااااارينا
هههههههههههههههههههه
لا بجد والله بوست جميل اوووووووووى
وعودة احلى انا عارفة انك مكنتش غايب
بس بجد كنت متقدك اوووووووى
وحاسة انك تايه فى الدنيا
مش عارفة مجرد احساس
!
عموما ربنا يغفرلنا ويتقبل منا اجمعين الهم ما امين
سلاااااام
يا اسطى
طمنى بلية عليك علطولللللللللللل
عوووووووووووووووووووووووو
مناجاتك جميله
مشكلتنا اننا نتوب ونعود لنفس الذنب اوذنب اخر
ولكن لانه هو الغفور الرحيم يقبلنا مرة اخرى
ان الله لايمل حتى تملوا
جزاك الله خيرا
حلوة اوي
عايزة ارد
واقول ايوة بعمل ذنوب
وبتكسف منها بعد كدة
قدام ربنا
وبيسامحني
وبيقبل توبتي
وبيقبل دعوتي
وبرده بنرجع نعملها تاني
يارب اجعلها توبة نصوحة
امين
تحياتي
جزاك الله كل خير
ووفقك لطاعة الله دائما
الذنب ميمنعش اننا نصلي ..
و ما أذنبنا إلا لنتوب
بجد رائعه
جميل يا مدحت
والذنب يودى لتوبه
كلنا كده خطائين
وخير الخطائين التوابين
وربنا موجود غفور رحيم
المشكله بقى في اللي قلوبهم مقفله
ربنا يعفينا جميعا
سلام عليكم
متفتكرش انى نسيتك او بطلت ادخل
بس مش بعلق ولا بقرأ
عارف ليه
عشان انت مسحت مكان كنت بحب ادخله واعيش فيه ومن غير اذنى معرفش استأذنت كل حد كان بيحب يدخل عندك ولا لاء مش عارفه ليه الناس بتبقى فاكره ان البلوج دا بتاعها لوحدها وهى الوحيده الى من حقها تتحكم فيه
كل سنه وانت طيب
سلام
شيماء
ابى
وحضرتك بالف صحة وسلام
نورتينى
ابوعلى
وانت طيب ياصديقى
مشكلةالكسل انه صفة من صفات المنافقين لعلمك
ربنا يارب يعيذنا من الكسل
منى
يارب يسمع منك
ويودينا الذنب على توبة
ربنا يرضيكى يارب
Abo 7anf
ربنا يعزك يارب
وكل سنة وانت طيب
كيكى
اممممممممممم
هههههههههه
لا مش مارينا هيودينا شرم ياذكية
لا مش تايه ولا حاجة
من ساعة ماشفت الطريق الصح
وانا عرفت طريقى فين
وش بيشد فى شعرهههههه
كل سنة وانتى طيبة
ويارب تكونى صايمة السنة دى يابلية
الاسطة
وش بيطلع سنانه
متسالنيش ازاى
سلامز
رفقة عمر
عارفة فى اية فى المصحف ربنا بيقول عز وجل
لو انتم تملكون خزائن رحمة ربى اذا لامسكتم خشية الانفاق وكان الانسان قتورا
صدق الله العظيم
فالحمد لله على نعمة انه تواب وكريم
كوشيا
دى حقيقة فعلا
الله عز وجل تواب
لاننا عصاة
وكثيرى العصيان
لذا فان الله عز وجل تواب
كثير التوبة
تحياتى لحضرتك
رارا
ربن يعزك يارارا يارب
وكل سنة وانتى طيبة
عاقلة علي ارض الجنون
لا ميمنعش طبعا
لان ربنا فاتح باب توبته دايما
بس انا قصدت
انى ممكن انسان عاصى يقول انا مش هصلى عشان ميصحش اكون بعصيه واصلى
بس كدة
كل سنة وحضرتك بالف خير
سلوى
اه فعلا دى مشكلة
اللى بيبقى قافل القلب حب الذنوب
وحب المعاصى
عشان نفتحه لازم نخلصه من المعصية بعد كدة
نفتحه للطاعة
ربنا يكرمك ياباشا
وكل سنة وحضرتك بالف خير
شيماء
بصى هسالك سؤال
ترضى لاخوكى انه يتأذى
المدونة دى بجد اذتنى جامد اوى
ومريت بتجربة بجد صعبة جدا
انا بجد الحمد لله فقت منها
فمكانش ينفع اسيب اثرها موجود
عشان كدة مسحتها
ومش عايز افتكراى حاجة من اللى كتبتها
وبعتبرها الحمد لله انها كانت مرحلة وعدت الحمد لله
وبجد استفدت منها جامد جدا
ولو كنت سبت المدونة كنت مش هقدر اخرج من الحالة خالص
وبمجرد انى مسحتها
الحمد لله شلت هم كبير
الحمد لله اتزال دلوقتى وان كان
مش اوى
بس انا الحمد لله بقيت احسن بكتير اوى
الحمد لله رب العالمين
إن شاء الله مافيش كسل ولا ذنوب وا سيئات ولا بتاع طالما فى تأنيب ضمير
كل بن آدم خطاء
ولكن رحمة الله واسعة
ومن رحمته علينا
ان جعل باب التوبة
مفتوح دائما
مهما كثرت ذنوبنا وتعاظمت
دائما هناك أمل
فى رحمة الله عز وجل
---------------------------
حلوة جدا الابيات البسيطة المعبرة دى يامدحت
كل سنة وانت طيب
موحا
ان شاء الله ياموحة
وربنا يارب يسعدك وكل سنة وحضرتك طيبة
fire bird
كل سنة وحضرتك طيبة وربنا يعزك يارب
Post a Comment