CLICK HERE FOR THOUSANDS OF FREE BLOGGER TEMPLATES »

Saturday, 29 March 2008

فينهم

التصريح بالحب من جانب المرأة قديما وحديثا
انا عايزة احكيله و خايفة خايفة من ايه مش عارفة
دى المطربة الكبيرة نجاة الصغير
مكسوفة مكسوفة منك مش قادرة مش قادرة اقلك انى بحبك واعمل ايه مكسوفة
دى المطربة الكبيرة شادية
طب ليه بيدارى كدة ولا انا ادارى كدة
دى بقى
روبى
شفتو بقى الفرق بين حب زمان وحب دلوقتى
طيب تعالو كدة
بصو دى
هجر المرأة لحبيبها قديما وحديثا
هخاصم عينيا لو قابلت عنيك وقالت تشوفك
هخاصم ايديا لو شاورت عليك او شاورت لطيفك
طبعا دى المطربة فايزة احمد
بح خلاص مفيش مبقاش عندى اللى ادهولك
طبعا دى
نجلا
كفاية كدة

34 comments:

norahaty said...

السلام عليكم ورحمة الله وبركاته**
**أ.مدحت
ماهو لازم يبقى فيه فرق المهم اللى عايشين فى الزمن ده بيفضلوا ايه؟
متهيالى وبالقياس على اعمال الانسه الصغيرة فى البلوج اللى فات(واللى ان شاء الله حتبقى ام ,ومدرسة, ومهندسة المستقبل )المهم الانسه دى حتفضل الكلام السريع ياابو سريع بتاع نجلا (هى مين نجلا دى صحيح؟)
وتفضل بقبول فائق الاحترام
norahaty
NB.لى ملاحظه من الافضل تشيل حتة التاكد من الكلمه عند اضافة التعليق كتير بنكتب غلط نضطر نعيد وكمان من عربى لانجليزى(يعنى باختصار وقت طويل وحاقولك زى ما قلت لزميل قبل كده:المعروض كتير والوقت قليل والجمهور معندوش صبر
*الطريقة
تروح الاختيارات
setting بتاعة مدونتك
وبعدين تختار
comments
هاتلاقى خيارات التعليق هناك
فى الاوبشن اللى اسمه
Show word verification for comments? اختار no
والسلام عليكم
تمام ؟

شريف طلال said...

هههههههههههههه
قول للزمان أرجع يا زمان
بوست لذيذ اوى
تحياتى

رئيس جمهوريه نفسى said...

افتكر نجاه قالت
من حلاوتك وانت جى بتصالحنى كنت يومها عايزه اقولك قوم خاصمنى
فى المقابل مطربه قالت
لو حتى حيرفضنى العالم مش ممكن ارجعلك مالم تحس انى حواء يا ادم

only spot said...

سلام عليكم
وهو ده التطور الى مش طبيعى للبوح بالحب والبوح للخصام
وهكذا فى زمن العجايب العجاب المتعاجب لا فرق بين الباميه والحب والاسفاف
تحياتى

بنت الاسلام said...

كل حاجة بتتغير يامدحت

واهو صراع الاجيال في كل حاجة

حتي في الاغاني

بس فعلا السؤال ده محيرني

هل من حق المرأة التي تشعر بمشاعر ما تجاه شخص ما أن تصارحه بذلك أم انها بذلك تكون قد تخلت عن جانب هام من حيائها وفقدت احترامها لنفسها واصبحت في عرف المجتمع امراة جريئة تجاوزت الحدود

؟؟؟؟؟؟؟؟؟؟؟؟

تحياتي

Soooo said...

وعلى نفس الوتيره .. فقد كان الرجل يغازل المرأة قديما بقول
مضناك جفاه مرقده
اما الآن
ايه الاساتوك ده .. اللي ماشي يتوك ده
كلمني
كلم كلم
فهمني
فهم فهم





سلاموووووووووووووووووز

wael said...

انت قصدك طبعا ان روبي اجدع صح؟؟؟؟؟؟
اوعى اكون فهمت غلط

mnoon said...

إزيك ياأستاذ مدحت
فعلا عنك حق
كل شئ فى الدنيا اتغير
ولسه اللى جاى أوحش
سلاااااااام

احمد الجيزاوى said...

مدحت
تحياتى ليك
دة اولا
ثانيا انت نسيت كلام الحكيمه الكبيرة بتاعت بوس الواو
اهى ديه انا متاكد مفيش حد قله قبل كدة ولا بعد كدة
ههههههههههههههههه
احمد الجيزاوى

مدحت محمد said...

ميرسى للمرور
وميرسى للمعلومة وانا والله غيرتها خلاص
معلش تعبتك معايا
تحياتى ليك

مدحت محمد said...

شريف
صاحب الذ مدونة
ليت الزمان يعود
فعلا
الظاهر مفيش امل ياشريف

مدحت محمد said...

حودة
كان نفسى اشوفك فى اجتماع مجلة على صوتك
بس ياللا
نجاة دى فعلا
كل اغانيها تحفة
تحياتى ليك

مدحت محمد said...

شيمو
والله للاسف الناس هى السبب ياشيماء
عشان هى اللى بتنجح الاسفاف ده
تحياتى

مدحت محمد said...

بطة بصى
هو سؤال صعب
بس انا بقول متقلش الا لو حست انه بيحبها فعلا
بس
تحياتى

مدحت محمد said...

سووووو
هههههههههه
ايه ورد الجناين ده اللى صاحى نايم ده
كلمنى كلم كلم
هههههههه
بس دى دمها لذيذ ياعم
انا اقصد الاغانى السافلة

مدحت محمد said...

وائل
اكيد طبعا
روبى اجرأ
اه
اجدع
دى بقى
تحددها الرقابة
ههههههههه
تحياتى

مدحت محمد said...

مانون
ياساتر
هههههههه
لا ان شاء الله الحال هيتعدل
بطلى التشاؤم ده بقى
حتى فى مدونتك بتقولى حلمى مات
حرام عليكى
اتفاءلى شوية

مدحت محمد said...

الجيزاوى
انان والله اتكسفت اذكر الاغنية دى يابنى
دى اغنية مسخرة
بكل ماتحمله الكلمة من معانى
كويس انت كملت بيها البوست
تحياتى ليك

العاشقة said...

هم يضحك وهم يبكي

:(

ويظل السؤال

أين ذهب الحب

؟؟؟

monaliza said...

مش دايما الاعلام صح

Rania said...

حب الرجل قديما و حديثا
وياك وياك الدنيا حلوة وياك " فريد الاطرش"
اعتذرى للى هيجى بعدى قولليه يسامحنى اصلى اخدت كل حاجة فى عهدى و شوفى عهدى كان كام سنه

تامر
:)

تحياتى

walaa said...

هههههههههه
ضحكتنى والله يا مدحت
اللى فبلنا قالو مفيش فى الزمن ده حب هههههههه
وانا بقول لسه فيه حب من بتاع زمان بس نادر
قول للزمان ارجع يا زمان وهاتلى قلب لا داب ولا حب ولا انجرح ولا شاف حرمان
تحياتى ولاء

لبنى said...

بس اكيد يا مدحت مسمعتش الاغنيه دى

اقولك ايه انا ليه هقولك
مدام وصلك بالذمه مين الى يقولها
اصول تقولهالى انت الاول وقول وطول
وبراحتى بقى لو هقبلها
تيجى منك وازاى تيجى من انا
دى الواحده بتستنى وبالسنه يتقالها لوكلمه حنينه من الى بتحبه وعايزاه

يلا كفايه كده

بس مش فاهمه انت ليه مضايق يعنى حرام يعنىتبقى البنت خجوله ومش عارفه تعبر يعنى

عمو احمد said...

ههههههههههه
حلوه اوى وجهه النظر دى
حتى الحب زمان كان فى بركه غير الايام الروعه الى احنا بنعشها الايام دى

Anonymous said...

انت جبت نموذج من نوع واحد بس من اغانى اليومين دول
مع ان فيه اغانى كتير حلوه وتحفه من بتاعت اليومين دول برضه
للأسف انا مش فاكره حاجه معينه دلوقتى بس ياريت ما نظلمش اغانى الجيل ده
زى ماكان فيه اغانى مالهاش لازمه برضه ايام زمان
كل عصر وكان فيه الذوق وانتى الذوق
فاماينفعش انك تقارن ده بده

رفقة عمر said...

اعتقد ان البنت الخجوله افضل
تعبيرها عن حبها
لازم كون خارج من طبيعتها التى خلقها الله علييه
مجرد اهتمامها بالطرف الاخر دة يكفى للتعبير عن حبها
على فكره مدوناتك الاخرى جميله جدا

مدحت محمد said...

العاشقة
الحب فى القلوب اللى لسة بتحب
تحياتى ليكى

مدحت محمد said...

موناليزا
او تقدرى تقولى مش كل الاعلام
صح
تحياتى

مدحت محمد said...

رانيا
هههههههههه
بس تامر ليه اغانى رومانسية تحفة برضه محدش ينكر
تحياتى ليكى

مدحت محمد said...

ولاء
اه عندك حق
مش زى زمان
والسبب
العبط اللى بنشوفه اليومين دول
تحياتى ليكى

مدحت محمد said...

لبنى
ماتكمليها احسن
ههههههههه
هو انا قلت حاجة دلوقتى

مدحت محمد said...

عمو احمد
والله كان كل حاجة فيها بركة مش الحب بس
تحياتى ليك

مدحت محمد said...

وينكى
طبعا طبعا
انا بتفق معاكى جدا
بس هاتى
كوباية ماية بسكر كبيرة وحطى شوية تراب عليها
التراب هيبوظ
الكوباية
وللاسف ده اللى بيحصل
تحياتى

مدحت محمد said...

رفقة عمر
بجد بجد انتى الىل مدونتك تحفة وبجد سعيد جدا بتشجيعك ومبسوط باعجابك
وكمان برايك
الف تحية ليكى