تروح وتنسى ومهما تقسى
قلبى باقيلك هنا على طول
تكون معايا هنا ويايا
وتروح منى وتفضل ذكرى
وتمر ايام وتعدى ليالى
ويسهر قلبى
ويطلع بكرة لا القى حبيبى
ويفضل ذكرى
ياما عشت سنين ويايا
وقلبى كان بيقلك ياللا
كسرت بقلبى وقلت على الله
لكن هعيش انا واستنى
وقلبى ع الهوى باقى
لجل فى يوم
ترجع وتعود
وهتلقى قلبى مستنى
وفارش من الهوى افراح
ولابس فستانه التلى
بس فى يوم ترجع وتعود
وهتلقى قلبى مستنى
لابس هدوم العيد
وقاعد ع السجادة بيصلى
كتابات خالى برضه
24 comments:
سلام يا اهل البصيرة
مناجاة جميلة
تحياتى
السلام عليكم ورحمة الله وبركاته
كلمات جميلة
واحساس صادق
ربنا يوفقك دايما
تحياتى لك
خالك شكله هيحتل البصيره
هههههه
الوفاء
ده الصفه اللى باينه اوى
تحياتى
كلام على بلاطة
تسلم
رارا تسلمى يارب
والف مبروك
منى
هههههههههههههههه
تصدقى بالله انا كنت بفكر امسح المدونة خالص
بس والله لما حسيت انك بتابعيها غيرت رأيى
مش قلنا خلي خالك يعمل مدونه
:)
بس إحساس جميل والله يا مدحت
وبعدين أنا كمان بتابعها :)
تحياااااااتي
وان مارجعتش
وعاشت وبقت سعيدة
هيفضل مستني
لغاية امتي
الممات
الوفاء صفة جميلة
لكن للي يستحقوا الوفاء
تحياتي
حاول تعمل لخالك مدونه لوحدة
كلماتك حلوة قوى
تحياتى لك و لخالك
بقول لك ايه يامدحت بجد
متخلي خالك يفتح مدونه يحطلنا فيها كل الحاجات دي
لا بجد والله
بجد رائعه وتحفه وزي الفل
تحياتي ياباشا
ماشاء الله خالك كلماته جميلة
تحياتى لكم
خلاص اوك ياسلوى
انا بحضر بوست بقى من تاليفى ان شاء الله هيعجبك جدا
الوفاء صفة فعلا نادرا مانلاقيها فى عصرنا الحالى يابطوط
تحياتى ليكى
رانيا
يارب يكرمك ياااااااارب
محمد باشا
تسلم ياحبيب قلبىىىىىىى
رئيسة حزب الاحلام
تسلمى يارب
اصدقائى الاعزاء
المدونين والمدونات
تمت اليوم فى برنامجنا الاذاعى
أن تسال والكمبيوتر يجيب
الذى يذاع يوميا الساعه 9.10 صباحا ماعدا يوم الجمعه
حلقة انا والنت
من مدونة العزيزةأيوية
التى حكت لنا عن مدى ارتباطها بعالم الانترنت
ومن الكومنتات التى تمت اذاعتها
الفارس الملثم
أحمد الحسينى
محمد مفيد
قطة الصحراء
موناليزا
مدحت محمد
دكتور اياد حرفوش
احساس لسه حى
الآن يمنكم سماع الحلقة من الbox
يمين المدونة
http://netonradio.blogspot.com/
او الموقع
http://dear.to/cairo
تمنياتنا للجميع بقضاء اسعد الاوقات معنا
كما نتمنى دوام التواصل
يا سلام يا عم مدحت
انت مش حذفت ىالمدونه عشان انا بتابعها
ربنا يجبر بخاطرك يابنى
انت كده هتخلينى اقولك السر اللى مخبياه من زمان بس اوعى تزعل
انا قاعده فى المدونه دى ومش بدخل التانيه عشان صورها سووووو رومانتيك وانا ماليش فى كده خاص
يعنى لو حزفت دى هروح فين بقى
اوعى تكون زعلت
سلام
ده انتوا عيلة جامدة بقى
تحياتى ليك ولخالك الفنان
قطة الصحراء
ميرسى بجد ليكى
انا كنت الاول الاول بحسبك بتتكلم عن الحب بس لا قيت سجادة الصلاه قلت اكيييد بيناجى ربنا
صح ولا لا
تحياتى ولاء
منى
حاضر
ههههههههههه
بس مالها الرومانسية يابنتى
دى حتى مضرة بالصحهههههههه
بس اوعدك ان شاء الله اقدم فيها حاجات حلوة
وتعجبكم باذن الله
تحياتى ليك ياباشا
استراحة محمد
تسلم ياباشا
ولاء
هههههههههههههههه
ده خالى مش انا اللى كان بيناجى ربنا
Post a Comment