التاج ده انا اخدته عافية من بطة
صاحبة مدونة بنت الاسلام
لا والف لااااا
بسم الله الرحمن الرحيم
لو أعطيتك ثلاث وردات من هم الثلاث الأشخاص اللى هتهديهم الورد اللى معاك ؟؟
تلت وردات بس
يادى النيفة
طبعا هدى اول وردة ليا
عشان مستحمل البلد المعفنة دى
تانى وردة بقى
طبعا ليا برضه
عشان مستحمل الحر اللى فى البلد دى
تالت وردة بقى
هرميها واللى يلحقهههههااااا
لو أعطيتك ورقة بيها 3 سطور وقلت لك أكتب فيهم اللى أنت عيزه هتكتب إيه ؟؟
اول سطر لا اله الا الله محمد رسول الله
تانى سطر
حسبى الله ونعم الوكيل فى كل ظالم
تالت سطر
ربنا يرحمنا ويرحم كل موتى المسلمين
ما هو هدفك فى الحياة ؟؟
رضا الله
إن شاء الله بكرة هيكون أحسن من النهارده"ِهل تصدق هذه المقولة ؟؟ ولماذا ؟؟
ان شاء الله علشان ربنا كريم
أجمل مقولة سمعتها فى حياتك ؟؟
لا اله الا الله محمد رسول الله
من المغنى اللى بتحبه أوى و إيه أحلى أغنية ليه بتحبها ؟؟
مفيش مغنى معين بحبه
فى اغانى كتير لا حصر لها بجد
بحبها
الاكيد انها لعبد الحليم حافظ
ممكن قارئة الفنجان
"غزة" تمثل لك إيه فى حياتك ؟؟
منطقةعربية زى اى منطقة عربية بتهان وبتدوق طعم الذل بس الفرق انها مستسلمتش
أعطى لإنتمائك لوطنك درجة من مائة ؟؟
معرفش
بس لومكنتش هنتمى لوطنى يعنى هنتمى لمين
لعم عبده البقال
لو تزوجت و أنجبت بنتين و ولدين أى الأسماء تختار لهم ؟؟
بحب اسم يوسف
التانى بقى اسيب المدام تختاره
ان شاء الله يعنى كله بامر الله
شكلنا مش هنتجوز اصلا فى زمانا الاخبر دهههههه
لوبنتين بعون الله بعون الله يعنى
انا بحب اسم ميار
وبعدين الله اعلم كله بامر الله
غشيت فى أمتحان و انت صغير ؟؟
لا وانا كبير
الصراحة اناغششت مرتين
مرة فى تالتة ثانوى
غششت واحد فى صح وغلط
غششته الصح
وقمت بعدماغششته مجاوب غلط
على نفس السؤال
عقاب طبعا
وغششت واحدة فى تانية كلية
كانت عمالة زن زن زن
بس عمرى ماغشيت الحمد لله
لو أتعرض عليك رشوة كبيرة و انت فى زنقة ماليه هتعمل إيه ؟؟
عادى هعتبرها هدية
هههههههههه
هى فتنة وربنا ميحطناش فيها
حصلت مع والدى الله يرحمه وانا صغير
وواحد حطله بتاع عشرين الف بابا الله يرحمه قام طرده من البيت
قول 3 صفات ب 3 كلمات بس توصف بيهم شخصيتك ؟
عصبى غبى هوائى
اول مرتب ليك وكان كبير يكفي تجيب اغلى هدايا هاتجيب لكل فرد في عيلتك ايه؟
اجيب لبنات اختى كل واحدة كيس شيبسى
وابن اختى الصغير مش هجيبله شيبسى عشان لسة صغير
هستناه لما يكبر بقى ان شاء الله
هجيب لماما ريموت للتلفزيون عشان كل شوية زوزة بنت اختى تبوظهولها
اختى الكبيرة مش هجبلها حاجة جوزها ماشاء الله مش مخليها محتاجة حاجة والتانية برضه
ماشاء الله
اعتقد كدة المرتب هيكون خلص ومش هعرف اشحن التليفون حتى
ايه المجال اللى غير دراستك وشايف نفسك فيه قوي؟
القعدة فى البيت
بتحب السفر؟
بعشقه
بس الحقيقة مصارحتوش بالموضوع ده مش عارف اجبهاله ازاى
طب دلوقتى حالا ايه المكان اللى نفسك تكون فيه ؟
اما جنب سيدنا النبى
او قصاد الكعبة
31 comments:
بما اني اول واحد جيت فمتهيئلي كدة انا اللي لحقت الوردة
هيه هيه هيه
هي فين البلد المعفنة دي عم مدحت
مش تخليها في سرك
ولا تنشر كدة علي رؤوس الاشهاد
بس قوللي انت اخدته عافية ازاي
وليه ؟
بس علي العموم كويس انك اخدته
سلام
هو انت زهقان كده ليه ؟ ماكانش حقك خدت التاج عافية ، أقول لك ؟ كان حقك تجاوبه شعر و يبقى أجمل و أجمل .
وانا مش مسامحة تاخده مني بالعافية كدة
سويسي محدش اده
اجاباتك جميلة يامدحت
وخلي شحن الموبايل
مش علي حساااااابي
وتاني مرة مش هسكتلك
انا دمياطية ومحدش قدر عليا
تحياتي
انت لييه انانى كده فى الورد مش تددى لورده لماما
تقولها بيها بحبك يا امى صدقنى هتفرح قوى
ولا هو الجو حر عندكو فى السويس صحرا بقه
انت عامل زى زوجى بيحب القعده فى البيت لما يجى من الشغل يقعد واستحاله يطلع
الله يكون فى عون زوجة المستقبل
تحياتى ولاء
ليه كدة طب وردة لماما وشمة لاخوك كدة يعني
ايه الانانية دي
عموما هلكتني من الضحك
ربنا يحقق كل ماتتمناه ويكرمك
تحياتي
اجابتك جميلة وكوميدية خلتنى اموووت من الضحك
ربنا يوفقك دايما
ههههههههههههههههه
جميله اوي الاجابات يامدحت رائعه وظريفه بس مش لدرجه عصبي غبي وهوائي يعني ايه فين الصفات الجميله ياعم وبعدين هوائي ليه هوه انته برج ايه هههههههههههه
تحياتي
وووووووومن
هههههههههههههههههه
لا وحياتك لحقتهههها قبليكى
kochia
هههههههههههههه
اهى بلد كدة ريحةالبترول فيها تخنق
وصناديق الزبالة اللى فى كل مكان تسد النفس
ههههههههههههههههههه
اعتقد اناكدة ضربت السياحة ولا لسة
خته عافية من غير استئذان عشان انا محتاجه جدا الصراحة بموت فى الورود
ايوة طبعا الحمد لله اللى انا اخدته
بس خلى بالك انا لما اخدته مرضتش اخده على صدرى عشان متعودش عليه
ههههههههههههههههه
محسسانى انى واخد تاج بانجو مش عارف ليهههههه
احمدكمال
تصدق فكرة مجتش فى بالى خالص
المرة الجايةان شاء الله
بطة
هههههههههه
لا وحياتك اى تاج هاخده منك بعدكدة عافيهههههههه
لو عجبنى اكيد
اناا حررررررررررر
قال دمياطية قال
عشان شالو مصنع اجريوم خلاص بقى
محدش ادهم
ولاء
ماما بتقلى كدةوالله برضهههههه
الله يكون فى عونههههها
تعرفى انا اساسا عامل جنينة قصاد بيتى
كلها ورود
اشى اخضر واصفر واحمر
لا مفيش اخضر الصراحة بس فى بمبى
نونو
شمة لاخويا ازاى
انا ماليش اخوات ولاد
هههههههههههههه
اه انتى قصدك عليكى امممممممم
انا شامم ريحة طمع فى الموضوع ده
رارا
ازاى جميلة
وازاى خلتك تموتى من الضحك
وايت هارت
لا الواحد ميقلش مزاياه يامحمد
ميصحش
ده لو كان فى ميزة اساسا
يعنى
تحياتى
هههههههههههههههههههههههههههههههه
دمك عسل يا مدحت
يخرب بيتك موتني من الضحك
عجبتني اوى حكاية القعدة في البيت .... الميول واحدة والله ...
كمان هو مرتبك كام اللي هيخلص من كيسن شبسي وريموت كنترول
ههههههههههههههههههههههههههههههههههه
ويا معفن مش هاين عليك تفتكرني بوردة ههههههههههههههههههههههههه
هههههههه
ياه على الطمع خدت الورد كله وحتى اللى فضلت رميتها
هتجيب بالمرتب كام كيس شيبسى وريموت للتلفزيون وكده يبقى خلص
هو انت خدت العلاوه وخصموا لك المرتب؟؟
بتحب تقعد فى البيت وبتعشق السفر
طيب ازاى كويس انك لسه مصارحتوش جايز مش يصدق
هههههههههه
تحياتى
إجاباتك منطقيه تحترم
تحياتي
سلام عليكم
زيدان
ههههههههههههههههههههههه
احنا عالم كسلية ياعم
هههههههههههههههه
بوست حلو أوي بجد....عجبتني جدا صراحتك....بس استغربت اوي من حكاية التلات وردات دي...
حلوة اجاباتك
وحلو التاج
انتا ياعم يبتاع الورد مفيش حاجه بنفسج اصلى بموووت فيه وبلاش تاخد حاجه مش بتعتك بعد كدا بدل متاخد تاج خد المدونه كلها بس بوست رائع ومدونتك جميله مووت
منى
يارب تكونى بخير الاول
لاقيتك قافلة التعليقات
يارب يكون المانع خير
لا انا بحب السفر صح
بس موضوع القعدة فى البيت مش كسل اد ماهو انى مش فالح فى حاجة اصلا
تحياتى
اللولبى
تسلم ياباشا
دواير
هههههههههههههههههه
لا موضوع الورد ده
انا طماع فيه بجد
مجداوية
صلى الله على سيدنا محمد
صلى الله عليه وسلم
ربنا يجازيكى خير ويثبتك يارب
نهر الحب
تسلمى يارب
ادم المصرى
هههههههههههههه
عادى بنت الاسلام مكنتش هتقول لا لو خت المدونة كلها
هههههههههههه
بس انا مش طماع للدرجادى يعنى
تسلملى يارب
حلوه قوى اجابتك يا مدحت ربنا يكرمك وتكمل نص دينك وتسمى الاسماء الى بتحبها
تحياتى
تسلم يامحمود
ربنا يكرمك يارب
Post a Comment