CLICK HERE FOR THOUSANDS OF FREE BLOGGER TEMPLATES »

Saturday, 2 August 2008

مدينة رسول الله تناشدك عدم التدخين

كل لما اشوف حد بيدخن افتكر الجملة دى

مدينة رسول الله تناشدك عدم التدخين

الجملة دى شفتها فى لوحة كبيرة اوى على برج عالى اوى فى مدينة رسول الله

ولما كنت اشوف حد فى المدينة بيدخن وافتكر الجملة دى ابكى

لحد لما جيت مصر

انا تقريبا تلت ارباع زمايلى مدخنين
قعدت انصحهم لحد مافقدت الامل والله
وكنت بقلهم الجملة
واذكرهم بالله كتير

لحد لما حسيت انهم اتفقعو منى ههههههه

وكانو يقلولى انت شيخ مش عارف ايهههه


واللى منعنى من التدخين بجد الجملة دى مش خوف على صحتى بالعكس
انا بعترف انى مهمل فى صحتى جدا
بس الجملة دى بجد ليها اثر معايا جامد جدا


حسيت انى المدينة اطهر مكان فى الارض على ساكنها افضل صلاة وسلام
من الله تبارك وتعالى

بتتأذى من دخان السجاير

كنت اعتقد لو حد حس الاحساس ده
انى المدينة بستغيث من دخان السجاير عمره ماهيشربها طول عمره ولا هيطيق ريحتها فعلا
ولاجوة المدينة ولا برة المدينة
هى مالهاش لازمة مش عارف الناس بتشربها ليه بجد
هى كل اللى بتعمله بتدمر الصحة وانا شفت ناس كتير اتأذت بسببها

ربنا يارب يبعدنا عنها وعن دخانها

ونزور المدينة تانى ونشوف الجملة تانى

ونصلى على سيدنا محمد صلى الله عليه وسلم

فى مقامه صلى الله عليه وسلم

24 comments:

ماء تشرين said...

جميله اوى الجمله دى بجد وياريت تاثر في المدخنين البيزيد عددهم انا روحت المدينه بس مشفتهاش يمكن لانو البلد دى اجمل مكان في الدنيا اول مابتدخلها بتحس بالسكينه يااااه بجد فكرتنى بيها اللهم صلى على سيدنا محمد

موناليزا said...

وما اجملها من جملة ولكنها تؤثر فقط فيمن يحبون الله ورسوله

kochia said...

كمان قريت هناك لما كنت في المدينة المنورة عيارة
برده اثرت فيا

" ان الملائكة تتاذي مما يتاذي منه ابن ادم "

اثرت فيا جدا
فعلا الواحد لو محدش شايفة في اي حاجة لازم يعمل حساب اللي افضل من الناس

موضوع جميل
تحياتي

منى said...

ايوه
حلوين اوى الدعوتين اللى فى الاخر دول
ربنا يسمع منك ويكتبها لنا جميعا
انا مروحتش هناك خالص
ادعيلى بقى بضمير

بصراحه اى مدخن باخد عنه فكره وحشه من غير ما يتكلم
ربنا يهدينا جميعا
ويسامحنى من ذنبهم
تحياتى

بطوط حبوب said...

حلو اوى احساسك ان المدينه
بتتأذى من دخان السجاير

احساس عالى اوى

ربنا يهدينا ياااااارب

FaceMoon said...

يارب كل الناس تفهم الكلام دة الا انا بجد اتخنقت والناس كمان اتخنقت منى من كتر ما بنصحهم زيك كدة
انا كمان مش لاقية ليها فايدة خالص
يارب يبطلوا تصنيعها ويخلصونا بقى
تحياتى

حسن حنفى said...

التدخين من اسوء العادات

ومش عارف ازاي الواحد ممكن يعمل حاجه

بتموته بيكتبوا التدخين يدمر الصحه

ويؤدي للوفاه وبرضه

زى الهوا said...

السيجارة دى بحسها زى الشيطان , الواحد بيبقى واقع تحت وطأتها , ومش عارف يتخلص منها , وحتى لو سابها شوية , مابيقدرش يستحمل وبيرجع تانى

انا حزينة بجد على كل بنى ادم مش عارف يتخلص من الشيطاندا , وأولهم بابا اللى حاولت معاه كل المحاولات الممكنة , يمكن التطور الوحيد اللى حسيته تم من تجاربى , إن مابقاش يشربها اودامنا , لكن برده بيشرب كتير جدا , ربنا يرحمنا
جميل اوى العنوان , والاجمل شرحها بعد كدة جوة البوست

جفت الدموع said...

نفسى اقول حاجه عن التدخين بس ما حدش يزعل انا بحسان اللى يشرب سيجاره مش راجل لا طفل لان الراجل هو اللى يتحكم فى ميوله عشان كده يستحق لقب راجل اللى ربنا كرمه بيه لو ما قدرش يكون فعلا طفل متعلق بشىء لا يستطيع التحكم فيه او الاستغناء عنه

WhItE HeArT said...

وسع ياعم


انا جاي اتخانق اصلا لا جاي اعلق ولا جاي اقرى حتى

ايه ياعمونا

كل شوية قافل مدونه وفاتح مدونه لما بجد هيجيلي شلل في كيبوردي


متنجز ياعم وبطل لعب في السيتنج بأه

ههههههههههههههههه


قول لي صحيح انته هتيجي اللقاء بتاع المنصورة ده وله ايه

سلامو

مدحت محمد said...

ماء تشرين


يارب امين يارب

للاسف الىل بيدخن مش هيعلق على البوست ده

بس يارب حد بيدخن يقراه يارب

ويأثر فيه

مدحت محمد said...

موناليزا


اللهم صلى وسلم وبارك على سيدنا محمد

مدحت محمد said...

كوشيا

عارفة انا قريت جمل كتير اوى فى المدينة المنورة وفى مكة

مش عارف انا كنت حاسس انى ساعتها شفاف اوى

ومكنتش ببطل بكا


صراحة مكنتش مصدق انى ربنا كرمنى كل الكرم ده

بس مش عارف انا قلبى اتحجر دلوقتى ولا ايه

مدحت محمد said...

منى

تعرفى انا بحس انك بنت حلال اوى

وبجد ان شاء الله ربنا هيكرمك

يارب يارب الرسول يدعيكى لزيارته

وتدخلى الجنة وانتى عايشة

اللى هى روضة رسول الله صلى الله عليه وسلم

ان شاء الله ربنا مش هيحرمك منها باذن الله

مش انتى كاتبة كدة

ادعولى ادخل الجنة

ان شاء الله ربنا يكتبهالك

مدحت محمد said...

محمود باشا


يارب يسمع منك يارب ويتقبل منك

ربنا يهدينا جميعا يارب

مدحت محمد said...

وجه القمر


تعرفى فى ناس كتير قالت هتبطلها


بسبب الصورة اللى حاطينها على السجاير

والله بجد اللى اقترح الفكرة دى ربنا هيجازيه خير كبير اوى

مدحت محمد said...

حسن


فى ناس يابنى اتاثرت بجد

ويارب يتوب عليهم يارب

مدحت محمد said...

mo7a

ربنا يارب يتوب على بابا

ويبطلها

بجد هى مضرة جدا بالصحة

تعرفى انا ساعات بشوف ناس بتشربها ببقى عايز اضربهم مش كره لاخوف عليهم

انا شفت ناس كتير اتاذت منها بجد

ربنا يهدى الجميع يارب

مدحت محمد said...

جفت الدموع


عندك حق

بصى السجاير ادمان وتعود

بيبقى البعد عنها عاوز مجاهدة

ربنا يهدى الجميع يارب

مدحت محمد said...

وايت هارت

ههههههههههههههههههههه

لا يابنى صعب والله

غصب عنى بجد


بس انا عايز اركز شوية فى بقية المدونات

حاسس انى ظالمهم اوى

زى الهوا said...

طب ما تصفصفهم على مدونتين بس واكتب فيهم اللى عايز تكتبه فى العشرة , اصل مش لازم تبقى كل مدونة لتخصص معين يعنى , مانا بتاعتى سلطة اهيه , كل اللى عايزة اعمله باكتبه فيها , ودا لأنك اكيد يعنى مش هيبقى عندك فى دماغك اربع او خمس افكار لخمس بوستات فى خمس مدونات , وإلا فكدة تبقى دماغك كبيرة اوى , قصدى ضخمة يعنى ههههه , مافيش وشوش هنا ,

مدحت محمد said...

موحة

يابنتى المدونة الجديدة دى

سارة قالت تشترك

لاقيت الاشتراك ببلاش اشتركت

وبعدين انا بقفل المدونات ايام عشان ارحمكم شوية

كلمتى said...

عليه افضل الصلاه والسلام

لو كل حد فينا اتاثر كده بالكلام اللى قاله رسولنا او اللى بيقوله الله عز وجل

مكنش ابداً هيكون ده حالنا

انا زيك كده بتخنق من اى حد بيدخن

وبحاول اكلم اى حد اعرفه من قرايبى فى موضوع التدخين

لحد مابرضه سمونى الشيخه

ياااااااااااااارب اهدى كل شباب المسلمين

مدحت محمد said...

كلمتى

ربنا يبارك فيكى يارب

عارفة
انا بتضايق اوى من الناس اللى يقعدو
يتريقو ويقولو

بركاتك ياعم الشيخ وحاجات كدة

رغم انى المفروض كل انسان ينصح التانى
ولو شافه بيعمل حاجة حرام او غلط يوجهه

على العموم ربنا يهدى الجميع يارب
ويسمع منك امين