CLICK HERE FOR THOUSANDS OF FREE BLOGGER TEMPLATES »

Saturday, 10 October 2009

عايش جواه

حبيبى لما بيقرب
ويبعد يبقى
بيجرب
هحبه ولاهتهَرب
وهنسى هواه


يلاقينى بحبه كتير
وحبى جوة قلبى كبير
وهو جوة قلبى اسير

حبيبى لما بسمعله
حقيقى بجد بشتاقله
وانا وياه

حبيبى لما بيسيبنى
يسافر يبقى عذبنى
واعد ليالى بعده
وادوب
من الشوق اللى دوبنى

ولما ييجى ابص بشوق
فى عينه
وافوق
من البعد اللى تعبنى

حبيبى العسل دمه
وقلبه حليب
ومهما وصفت
مش هوفى
لاغلى حبيب

حبيبى لما يتكلم
طيور الجو تتعلم
تغنى وراه

والاقى الشجر يرقص
يقول بهواه

حبيبى لما بيقرب
ويبعد يبقى بيجرب
هحبه ولاهتهٍرب
وهنسى هواه
يلاقينى عايش جواه
ومش بهرب

12 comments:

عاشقة الأحزان said...

ممممممممممم
اول تعليق

حجززززززززززززز

عاشقة الأحزان said...

كلمات فى قمة الروعه

الله عليك
ربنا يكرمك يارب
ويوفقك
مودتى
ايناس

مدحت محمد said...

ايناس

ميرسى ليكى

ده من ذوقك بس

زهور الامل said...

ياعم على الكلمات اللي لو اتعملت غنوة هتبقى غنوة روعة

كلماتك جميلة بجد
والله لازم تفكر تعرض كلماتك دي على مطرب كويس
وانا بتنبا ليك بمستقبل حلو

تحياتي

مدحت محمد said...

زهور الامل

ربنا يخليكى يارب

ده من ذوقك بس

المشكلة انهم بيبقو عايزينها متلحنة
فانا بدور على ملحن يلحنها الاول مش مطرب

dodoo said...

جميله اوووووووى

تسلم ايديك

مدحت محمد said...

dodoo

ميرسى لذوقك العالى

yasmina said...

هاااااااااى
ايه البوست الجميل دة
لا ينفع اغنية والله
ماشى الكلمات موجودة والالحان خليها عليا ممممممممممم
كدة الفرقة كملت
بجد جميل واحلى حاجة اسلوبه البسيط دة اللى بحبه دايما
تحياتى
سلام

زى الهوا said...

ماشى ياسيدى


ربنا يهنى سعيد بسعيده

:)

مدحت محمد said...

ياسمينا

ربنا يخليكى ياياسمينا

مدحت محمد said...

موحةةةةةةةةة

ازيك عاملة ايه

ليكى وحشة بجد

ربنا يخليكى

بس انتى كدة هطلعى عليا سمعة وحشة

رابطة هويتي اسلامية said...

فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة

فى نقاش عام وحوار مفتوح حول موضوع الحملة .

والدعوة مفتوحة للجميع للمشاركة معنا فى النقاش من أجل الإفادة والإستفادة

نتمني منكم مشاركتنا من أجل تدوين أفضل

تحياتنا

أسرة رابطة هويتي إسلامية