انت عبد ربنا بس ناسى صح
الدنيا وخداك اوى
كل يوم خروج وسهر ونت ودش
وترجع تنام زى القتيل وتصحى تعمل نفس اللى عملته قبل كدة
مش قريب من ربنا
صح
عايز تقرب بس مش عارف
اصدقائك مش مساعدينك
الدش بعدك عن الصلاة
والنت كسلك عن الذكر
طيب ايه
هتقعد كدة كتير
انت ناسى انك عبد ربنا
طيب هو هيفكرك
هيبتليك بابتلاء
هتتعب منه اوى
هتقول يارب
اه لازم تقول يارب
شفت بقى انك عبد
هو لازم يعنى ربنا يزنقها عليك عشان تقله يارب
لا لازم فعلا عشان مغريات الدنيا
زغللت عنيك ودخلت قلبك
اه ربنا مبتليك ابتلاء جامد
قربت منه اكتر ودعيت اكتر
لحــــــــــد ماربنا فك عنك البلاء
ورحمك
امممممممممممم
رجعتى تعصاه تانى
وتنسى انك عبد لله
طب ليه
مانت كنت من شوية بتقول يارب
ايه اللى حصل بعد مافك عنك البلاء
ليه نسيته
مش خايف لحسن يبتليك بابتلاء تانى اصعب
انت امنت مكر الله
خلى بالك
ربنا يمهل ولا يهمل
متقلش فلان بيعمل وبيسوى
انا اجى جنبه ايه
خليك فى نفسك انت
خاف على نفسك انت
اممممممممم
المعصية دخلت قلبك ومش عايزة تخرج
كل ماتبعد عنها ترجعلها تانى
حاول تفتكر الابتلاء كدة
اه استحضرته بس مش زى الاول
انا فى الاول سبت كل المعاصى
انما دلوقتى مش عارف بجد
اممممممممممم
طب الف مبروك
قلبك مات
ذنوبك موتت قلبك
امممممممممم
نفسك يفوق
طب اعمله ريفرش
تعرف تقول
لا اله الا الله
طيب قولها كتير
تقيلة على لسانك صح
مش متعود تقلها كتير
خايف تقولها تبطل معصية
وانت بتحب المعصية
وعايز تقلها يمكن ترجع زى الاول
وتبقى كويس
هتستنى ترجع لربنا لما يجيلك ابتلاء طيب
ولا ترجع من دلوقتى
طيب انا هسيب كل واحد مننا يرد بينه وبين نفسه على السؤال ده
24 comments:
كلنا عبد الله و ناسي ، أشكرك على التذكرة ..
ياااااااااااااه
لو كل انسان وعي معني لكلمه دي
مش هيبقي ده حالنا
كلامك صح يا مدحت
احنا فعلا بعيد وعاوزين نقرب ونقرب ونبعد بس عارف دايما كل ما اى بنى ادم يبعد هيلاقى شىء يقربة ربنا رحيم اوى بعبادة
تحياتى
مدحت
انا غيرت التمبيلت تانى عجبنى واحد تانى ادخل شوف المدونة كدة ؟
صحيح في شوية حاجات عاوزين نناقشها بخصوص النشر فى المدونة .. عشان البوستات تاخد حقها فى القراية
صحيح عاوزين ننزل نشيد على المدونة يشتغل لما اى حد يفتح المدونة انا معرفش ازاى انزل صوت على المدونة
تحياتى
احمد كمال
ربنا يكرمك يارب
حسن
اه عندك حق فعلا ياحسن ربنا يكرمك يارب
عندك حق ياسارة
اديكى شفتى بعينك اللى حصلك
وانتى فى الاتوبيس
ربنا يقربك منه اكتر واكتر يارب
بقلك
انا رديت عليكى يابنتى
فى مدونة
نور الجنة
بوست
انها ارادة لله
عشان اولا عاوزك فى حاجة
ثانيا
نظبط المدونة مع بعض
كلام جامد جدا وصراحة متناهيه مع النفس
احييك جدا عليها
تحياتى لك
سلوى باشا
تسلمى يارب
اممممم
يعين أنا بايظ بايظ بقى ؟؟
و اللي انكسر مش بيتصلح ....
أنا كنت قرأت كلام لابن الجوزي من كام يوم
( ليس من رقع وخاط كمن ثوبه صحيح ، وكم من شخص زلت قدمه فما ارتفعت بعدها ، ورب عظم هيض لم ينجبر ، فإن جبر فعلى وهن ) صيد الخاطر ص 183
ربنا يسترها عليينا و نعدي الدنيا دي عليى خير ..
لأني مرقع و مخيط و حالتي بايظة خالص ..
ربنا يهدينا ...
و شكرا على الموضوع ده ..
وذكر فان الذكرى تنفع المؤمنين
ملاحظة روحنايتك عاليةالايام دى
ربنا يديمها عليك نعمة ويرزقنا اتباعها
تحياتى
تذكرة رائعة والاجمل انها من شاب فى مقتبل الحياة
ربنا يعزك ويثبتك
ويهدينا جميعا الى مافيه رضا الله وطاعته
بجد ربنا يجعله فى ميزان حسناتك
وان شاء الله هيجازيك خير عشان كل اللى اتاثر بكلامك
بوست جميل جداً
وعلى فكره ليك تاج عندى
مش هتيجى تاخده ولا ايه ؟
احمد باشا كمال
ربنا يبارك فيك يارب
حسن
اكيد حسن
ربنا يعزك
سارة
عارفة ليه ياسارة
عشان ربنا رحمته واسعه
ربنا يبارك فيكى يارب
دمتى اخت عزيزة
TIMMY
اكيد
بس مفيش انسان مبيغلطش
وربنا يارب يتوب علينا كلنا
ديزيرت
تعرفى الحمد لله رب العالمين
كل سنة اجى فى الاوقات دى والاقى ربنا بيقربنى ليه
بس الحمد لله رب العالمين
ربنا يديمها نعمة
موناليزا
ربنا يعزك يارب ويكرمك
ويثبتك
كلمتى
ايون شفته
هجاوبه حاضر من عنيا
تسلمى يارب
الله يا مدحت
بوست جميل جدا
وقفه مع النفس كلنا محتاجينها
ربنا يجازيك كل الخير
ربنا يكرمك ياسلوى يااااااااااارب
متعطل عن النت لفترة يعلمها الله تعالى
Post a Comment