من قلبك اوعى تقربها
تقول عايز منها تجربها
قلعة ايمانك تخربها
الدنيا دى لازم تحاربها
قلعة ايمانك كبرها
ترأسها وتبقى انت كبيرها
وبالذكر دى لازم تجبرها
والصلاة هى الاساس
تسجد بالروح والاحساس
تبقى انت من خيرة الناس
والهك اوعاك تنساه
لو تنساه برضه هينساك
لو نسيك مين يبقى معاك
اوعاك تنسى فى يوم مولاك
انا شايف واحد مغرور
بالذنب وماشى و فرحان
نفسى اخده فى رحلة للقبور
يبقاله عبرة فى اهل زمان
وحياتك روق ذوقها
بذكر الله هو اللى خلقها
تحس يوميها انك فى فلاح
لما تحس انك مرتاح
الله على دنيتك الله
لما هتحلى بذكر الله
29 comments:
حلو اوي يا مدحت
اكتر حتة عجبتني الاخيرة
وحياتك روق ذوقها
بذكر الله هو اللى خلقها
تحس يوميها انك فى فلاح
لما تحس انك مرتاح
الله على دنيتك الله
لما هتحلى بذكر الله
تحياتي
جميلة ماشاء الله
عجبتني شوية حتت
وبالذكر دى لازم تجبرها
تسجد بالروح والاحساس
نفسى اخده فى رحلة للقبور
^^^
انا عايزة اروح هناك
علي اتعظ
..
فيه مواضع مش عارفة الوزن فيها مش قوي زي الحتة دية
انا شايف واحد مغرور
بالذنب وماشى و فرحان
نفسى اخده فى رحلة للقبور
يبقاله عبرة فى اهل زمان
نفسي اخدة في رحلة للقبور ( طويلة
قوي علي رتم المقطوعة الشعرية)
دمت سالم
سلامون عليك
الموت خير موعظه لنا فى الدنيا
يذكرنا بنهايتنا الحتميه التى ننتظرها جميعا ولا ننسى نفسنا فى دنيا فانيه
تحياتى لك
جميل
بارك الله فيك
د/هيما
kochia
ربنا ميحرمناش من تعليقاتك المشجعة دى يافندم
ربنا يكرمك
نعكشة
اممممممممممم
عندك حق
انا حتى لما جيت اكتبها لاقيت فيها صعوبة
تحياتى ليكى
رئيسة حزب الاحلام
ونعم بالله
DR/HEMA
ربنا يبارك فيك
الله يخليك
حلو اوي يا مدحت
حلو
حلو
تسلم ايديك
فعلا عندك حق ف كل حاجه
ربنا ده احسن حد طبعا نستريح معاه
ربنا يجازيك كل خير
يارب
الله الله
ومين ميحبش يبقى مرتاااح
ربما يكرمك يا مدحت على الكلام الجميل ده
ويهدينا جميعا لحد لما مش نحب الا اللى ربنا يحبه
ومش نستمتع اللى الا باللى ربنا يرضاه
تحياتى
جميلة جدا
تسلم ايدك
وما اجمل حياتنا بذكر الله
الله يامدحت
جميلة اوى واجمل مافيها
انك بتتكلم عن الله
ربنا يوفقك دايما
انتا فعلا متميز يا مدحت
فى كل بوست بشوفك واحد تانى
كلماتك متنقية صح
البوست اكتر من هايل
بجد ربنا يوفقك وتلاقى صدى
وجزاك الله خيرا
فعلا موضوع جميل اخى مدحت بارك الله فيك...الا بذكر الله تطمئن القلوب..تحياتى
حملة لرد الاعتبار
.....................
حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر
نطرق باب النابغةالدكتور /أسامة السعداوى لنعرف منه الحقيقة
قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا
ادخلوا الموقع الخاص بالعالم من على صفحة مدونتى الرئيسية
ولكم منى جزيل الشكر
الله عليك يامدحت
وحياتك روق ذوقها
بذكر الله هو اللى خلقها
تحس يوميها انك فى فلاح
لما تحس انك مرتاح
الله على دنيتك الله
لما هتحلى بذكر الله
الله عليك بجد تحفه يامدحت
تحياتي ليك
روعه يا مدحت بس المجمل للاسف فى ناس كتير بياخده العزه بالاثم ومهما يمر بيهم مش بتتعظ ربنا يهدينا وينور قلوبنا جميعا ان شاء الله
حلو جدا ومش لاقية كلام اقولة اكتر من كدة
كلامك دايما جميل يامدحت ربنا يوفقك دايما
تحياتى
زوزو
ربنا يسعدك يارب
منى
ربنا يكرمك ويسمع منك يارب يامنى يارب
هنزل بوست عشان حضرتك طلبتى بس والله
موناليزا
ونعم بالله
رارا
ونعم بالله يارارا
ربنا يكرمك يارب
اية
يارب يخليكى يااية يارب
نهلة
ونعم بالله
ربنا يوفقك يارب
منى
على فكرة صح يامنىىىى
بجد كدة مش هكتب هنا كتيييييير
عشان اجبرك تزورى بقيت مدوناتى
وبالذات الرومانسية اللى انتى مش بتحبيها
امل
ربنا يجازيكى خير يارب
وايت هارت
عامل ايه فى السعودية ياواد
دعتلى قصاد الكعبة ولا لا
ربنا يتقبل منك يارب
محمود
اه انا فعلا بشوف ناس بتفرح وتتفاخر بذنوبها كتير اوى
لو يعرفو انهم فى يوم هيبقو تراب اعتقد مش هيعملو كدة
ربنا يكرمك يارب
وجه القمر
ربنا يسمع منك ويعزك يارب
Post a Comment