انا رقاصة محترمة ياطونى ده كان اول كلام دينا مع طونى خليفة فى برنامج لماذا؟ واللى بتعرضه محطة القاهرة والناس الفضائية
كان ناقص تقله رقاصة محترمة من البيت للكباريه ومن الكباريه للبيت
(على رأى عادل امام)
المهم الحلقة دى من اكتر الحلقات اللى فقعتنى فى برنامج طونى خليفة يليها حلقة حسين فهمى
المهم
لما بيقلها وبيسالها طونى خليفة الرقص حرام ولا حلال
ردت قالت بص ياطونى انا رقاصة محترمة وتكرر وتعيد محترمة ياطونى والرقص زيه زى اى مهنة محترمة مش انا اللى مخترعاه وبعدين الحلال بين والحرام بين
يامعلم
فعلا الرقص حلال ياسيدى لان على رأى الفقيهة دينا
الحلال بين والحرام بين
بيقلها اختك منتقبة واختها اللى هى دينا يقصد نصف عارية
ولما اعترضت على نصف عارية قاللها تلت ارباع عارية
فردها كان قمة فى الاقناع الصراحة وبكل لباقة
المايوه اعرى ياطونى
ماشاء الله
الهمت الاجابة
المهم مقدرتش اكمل الحلقة لحد هنا
خوفا على نفسى من السكر والضغط
ورمضان كريم
كان ناقص تقله رقاصة محترمة من البيت للكباريه ومن الكباريه للبيت
(على رأى عادل امام)
المهم الحلقة دى من اكتر الحلقات اللى فقعتنى فى برنامج طونى خليفة يليها حلقة حسين فهمى
المهم
لما بيقلها وبيسالها طونى خليفة الرقص حرام ولا حلال
ردت قالت بص ياطونى انا رقاصة محترمة وتكرر وتعيد محترمة ياطونى والرقص زيه زى اى مهنة محترمة مش انا اللى مخترعاه وبعدين الحلال بين والحرام بين
يامعلم
فعلا الرقص حلال ياسيدى لان على رأى الفقيهة دينا
الحلال بين والحرام بين
بيقلها اختك منتقبة واختها اللى هى دينا يقصد نصف عارية
ولما اعترضت على نصف عارية قاللها تلت ارباع عارية
فردها كان قمة فى الاقناع الصراحة وبكل لباقة
المايوه اعرى ياطونى
ماشاء الله
الهمت الاجابة
المهم مقدرتش اكمل الحلقة لحد هنا
خوفا على نفسى من السكر والضغط
ورمضان كريم
21 comments:
ان شاء الله هنكلم عن كل ده بعد رمضان
عشان بس منفطرش عليهم
يس ولاول مرة اكون تانى تعليق
لا لا لا لا لا مش قادرة اصدق
على العموم انا قولت احجز واقرا وارجع تانى
مش هتاخر سلام
اولا بجد دى حاجة مستفزة جدا
وربنا يكون فى عون طونى
وبعدين الضغط والسكر مش هييجى يعنى على حاجات هايفة زى دى
وبعد الشر على حضرتك
ولا تزعل ولا تضايق ولا تتعصب حتى
من الاخر دى حاجة مستفزة بجد
وحسابها عند ربنا بقى احنا مالنا
على العموم اللى يعيش برضو يا ما يشوف
وكل سنة وحضرتك طيب
ورمضان كريم
هههههههههههههههه
طبعا يا بني امال انت فاكر ايه
في رقاصة خليعة وفي رقاصة محترمة
والنبي اوعى تركز في الحاجات دي علشان صحتك واعصابك
دي حاجة تجيب الضغط ولسكر والمرارة والهبل كمان
يادي النيلة اللهم اني صايمة
هههههههههههههه
تحياتي
غير المحطه يا مدحت
مش ناقصه سكر وضغط
ربنا يهدي الجميع
البت المشمشية
الحلقة دى اتفرجت عليها قبل الفطار مباشرة
كماااااااان
بس الحمد لله بقول كل لما اسمع حاجة تنرفزنى اللهم انى صائم
ياسمينا
ليكى جايزة عندى عشان اخدتى المركز التانى
فى التعليق
المهم طونى من اسئلته هو اللى بيطلع مواهبهم دى
وكل سنة وانتى طيبة
زهور الامل
اول مرة اعرف الصراحة بتاعت محترمة دى الصراحة
عشان حلفتى بالنبى مش هركز فى المواضيعدى تانى حاضر
سلوى
حاضر
هجيب قناة الناس بعد كدة
السلام عليكم....
حقيقتا لا تعليق ....
اللهم إرحمنا برحمتك يا أرحم الراحمين...
.........
في أمان الله
تصدق والله يا مدحت حاجه تفقع المراره
ربنا يهدى كل الرقصات يا رب
والمايوهات كمان
هههههههه
لاء محترمه فعلا
ربنا يهدى بجد
انا مبطله من زمان اتفرج على الحاجات اللى تجيب الضغط دى
اصل بيتكلموا ببجاحة تغيظ
كيس انك مش كملت الحلقة
عاااااااامل ايه؟؟؟
رمضان كريم ياعمونا ع فكرة طونى السنادى هايف جدااااااااااااا وبصراحة انا ماشوفتش الحلقة بس عادى يعنى كلامها زى فيفى من الاخر الى مقتنعه بحاجة ممكن يحللهلك بكذا شكل وفعلا ليها اخت منقبة!!
نهار
اللهم امين ربنا يتقبل منك
ريمان
ربنا يسمع منك
وكل سنة وانتى طيبة
رحيل
انا للاسف لسة بتفرج
نعمل ايه بس
مرارتنا مصممة تتفقع
كيكى
منمناش عليكى انا وحمادة بقى
هههههههههه
هى طبعا عشان متبينش انها غلطانة لازم تحلل اللى عملاه
ياااااااه انت لسه هيجيلك الضغط والسكر
انا جالى من زمان كفايه انك تسمع برنامج اللى اسمها ايناس الدغيدى دى وانا اؤكدلك ان مش الضغط والسكر بس
انا خلاص اضربت عن البرامج دى اصل المراره اتفقعت ولله الحمد
يا راجل
والله ابتسمت وانا بقرا
بس مقدرتش اضحك
فعلا المايوه اكثر عري
لكن حركاتها مش بتعملها البنات اللي بتلبس مايوه
دودو
سمعت برنامج ايناس الدغيدى برضه شفت حلقة ليها مع خالد يوسف
الصراحة خالد يوسف وشه احمر من كتر جرأتها
والحقيقة قلبت القناة لانها سألته اسئلة فى قمة الخصوصية وقمة السفالة
كوشيا
مقدرتيش تضحكى لماذا؟
اكيد لسة صوتك واجعك
لكن حركاتها مش بتعملها البنات اللي بتلبس مايوه
طونى قاللها كدة برضه
بس ربنا يهديها
المهم صح بقلك ابقى خدى الاغانى بتاعتى لو عجبتك اديها لحد يلحنها
وغنيها انتى بس لما يرجعلك صوتك
اشربى ينسون كتير
Post a Comment